9-cu sinif buraxılış imtahanı: neçə sual, neçə saat, neçə bal

9-cu sinif buraxılış imtahanı üç fəndən ibarətdir: Azərbaycan dili, riyaziyyat və xarici dil. Cəmi 81 tapşırıq var, nəticə 300 baldan hesablanır. Rəsmi elana görə 2027-ci ildə də 2026-cı ilin modeli tətbiq olunacaq.
9-cu sinif, buraxılış imtahanı
  • 81 tapşırıq 3 fənn üzrə
  • 3 saat vaxt üç fənn üçün birlikdə
  • 300 maksimal bal hər fənn 100

Neçə sual olur?

Fənn Tapşırıqlar Cəmi
Azərbaycan dili 26 qapalı, 4 yazılı 30
Riyaziyyat 15 qapalı, 6 kodlaşdırılan, 4 yazılı 25
Xarici dil 22 qapalı, 2 kodlaşdırılan, 1 doğru/yanlış, 1 yazı işi 26
Azərbaycan dilində və riyaziyyatda yazılı tapşırığın çəkisi qapalıdan iki dəfə çoxdur. Xarici dildə yazı işi 5 bala qədər qiymətləndirilir.

İmtahan necə olur, neçə saat çəkir?

Üç fənnə birlikdə 3 saat vaxt verilir. Qapalı tapşırıqda variant seçirsən, kodlaşdırılan tapşırıqda cavabı rəqəmlə yazırsan, yazılı tapşırıqda həllini və ya cavabını özün yazırsan. Vaxtı fənlər arasında necə böləcəyini əvvəlcədən sınaqda yoxlamaq faydalıdır.

Neçə baldır, bal necə hesablanır?

Hər fənn 100 ballıq nisbi bala çevrilir, üç fənnin cəmi 300 bal edir. Səhv cavab balı azaltmır, ona görə bilmədiyin tapşırığı da boş buraxma.
  • Azərbaycan dili: 100/34 × (2 × yazılı + qapalı).
  • Riyaziyyat: 100/29 × (2 × yazılı + kodlaşdırılan + qapalı).
  • Xarici dil: 100/30 × (qapalı + kodlaşdırılan + doğru/yanlış + yazı işi).
Balını əl ilə hesablamaq istəmirsənsə, DİM bal hesablama səhifəsinin 9-cu sinif bölməsində tapşırıq saylarını yaz. Nəticə təxminidir, rəsmi bal imtahan nəticəsində elan olunur.
9-cu sinif buraxılış sınağı 3 saat, 3 fənn, 81 tapşırıq, imtahan formatında. Bitirən kimi 300 ballıq nəticə və izahlar. İlk sınaq pulsuz. Sınağa başla →

İmtahan nə vaxt olur?

2026-cı ildə imtahan zonalar üzrə bu tarixlərdə keçirilib:
Zona Tarix
I zona 5 aprel
II zona 12 aprel
III zona 26 aprel
Hansı zonada olduğunu məktəbindən öyrən. Yeni il üçün cədvəl dərc olunanda tarixləri İmtahan vaxtları səhifəsində izlə.

Yüksək bal üçün nəyə diqqət etməli?

  • Mövzuları rəsmi imtahan proqramı ilə tut: elanda deyilir ki, proqrama dərsliklərdən kənar mövzu əlavə olunmayıb.
  • Yazılı tapşırıqlara vaxt saxla: Azərbaycan dilində və riyaziyyatda onlar iki dəfə sayılır.
  • Hansı fənnə nə qədər vaxt ayıracağını evdə sınaqda yoxla, imtahan günü təcrübə etmə.
  • Xarici dildə yazı işini məşq et: yazmaq vaxt aparır, 5 bal da az deyil.

Bu bal nəyə lazımdır?

9 illik baza üzrə kolleclərə qəbul bu balla aparılır. Balınla hansı kolleclərə qəbul ola biləcəyini Balıma görə kolleclər səhifəsində görə bilərsən. Keçid balları hər il müraciətlərə və plan yerlərinə görə dəyişir.