Motivasiya məktubu nədir?
Motivasiya məktubu sizdən hər hansı bir xarici universitetə, şirkət və ya qurumda təcrübə proqramına, mübadilə proqramına qəbul olmaq üçün tələb olunan 1 səhifəlik yazıdır. Siz bu məktubda qəbul üçün nə qədər motivasiyalı, həvəsli olduğunuzu və səbəblərinizi bildirirsiniz. Bir növ özünüz haqqında məlumatları bildirir və bu qəbulu nə qədər istədiyinizi bildirən bir məktubdur. Sizin qəbul olunmanız üçün sizə bir şans verilir. Siz bu şansı dəyərləndirə bilmək üçün “nəyə görə sizi seçməliyik?”, “bizim şirkətə nə kimi faydanız dəyə bilər?”, “nəyə görə bu universitet?” , “təhsildən gözləntiləriniz nələrdir?” , “nəyə görə bu ixtisas?” suallarına aydın və ətraflı cavablandırmalısınız. Məktubu yazarkən qrammatik qaydalara riayət etməli və sözləri yerində istifadə etməlisiniz. Məktubun dili son dərəcə axıcı olmali , yersiz və uzadıcı sözləri özündə ehtiva etməməlidir.
Məktub necə yazılmalıdır?
Motivasiya məktubunun strukturu 5 hissədən ibarətdir:
- Salamlama hissəsi (Greeting)
Məktubu kimin oxuyacağından asılı olmayaraq yazıya “Dear Sir\Madam” ilə başlaya bilərsiniz. Əgər müraciətiniz universitetədirsə yazıya “Dear Admissions Director” ilə başlaya bilərsiniz.
- Giriş hissəsi (İntoduction)
Məktuba necə başlayacağınız Giriş hissəsi son dərəcə vacibdir. Özünüz haqqında ümumi məlumatları verdikdən sonra sizin qəbul cavabını almağınız məktuba necə başlayacağınızdan asılıdır. Məktubu ilk andan oxumağa başlayan birisinin sizin haqqınızda təsəvvürü formalaşır. Giriş hissəyə son dərəcə özünüzdən əmin başlamalı, səmimi , real və kreativ olmalısınız. Şablondan uzaq özünüzə məxsus şəkildə yazılmalısınız. Gələcəyə dair xəyallarınızı niyə qəbul cavabı almaq istədiyinizlə və “niyə sizi seçməli?” sualı ilə birləşdirib bir giriş edin. Bu suala elə cavab verməyə çalışın ki, sizə yox deyə bilməsinlər.
- Bədən hissəsi (Body)
Məktubun bu hissəsində şəxsi keyfiyyətlərinizdən, bacarıqlarınızdan, sosial fəaliyyətlərinizdən, iş təcrübələrinizdən ve akademik göstəricilərinizdən bəhs edə bilərsiniz. Özünüzdən bəhs etdikdən sonra bu universitet və ya şirkətin sizin həyatınıza nələr qata biləcəyinizi və rolundan, niyə məhz oranı seçdiyinizdən yaza bilərsiniz.
Reklam - Sonluq hissəsi(Closing)
Bu hissənidə mütləq əlavə etməlisiniz. Yazılan bütün detalları ümumiləşdirib son olaraq bir fikirlə, bu müraciətin sizin üçün nə qədər dəyərli və vacib olduğunu bildirərək sonlandıra bilərsiniz.
- Təşəkkürlər hissəsi (Thanks)
Bu hissə vacib olmasa da məktubunuzun oxudulduğuna dair təşəkkür etsəniz sizə çox şey qazandıracaqdir.
İmza,tarix əlavə əlavə edərək məktubu sonlandıra bilərsiniz.
Son olaraq onu qeyd etmək istəyirəm ki , hər bir xarici universitetin fərqli qəbul qaydaları və tələbləri olur. Xarici təhsil yolunuzda sizlərə Uğurlar arzu edirəm!
Xaricdə təhsil suallaranızı bizə yaza bilərsiz.
