Almaniya 2018-ci ilin statistikalarına görə Avropanın ən böyük, dünyanın isə ən böyük dördüncü iqtisadiyyatıdır. Almaniyada 2017-ci ildən bəri 350.000-dən çox beynəlxalq tələbə təhsil alır. Ölkədə 400-dən çox universitet, 14.500-ə yaxın bakalavr və magistr proqramı təklif olunur. 16 ştatdan 11-də təhsil haqqı yoxdur və ya çox aşağıdır. Almaniya universitetləri dəqiq elmlər, tibb, mühəndislik və iqtisadiyyat kimi sahələrdə ixtisaslaşıb. Almaniyada alman, ingilis və ya hər iki dildə təhsil ala bilərsiniz. Buna görə də alman dilini bilmək məcburi deyil. Əgər ingilis dilində təhsil alacaqsınızsa, IELTS və ya TOEFL sertifikatlarından birini təqdim etməyiniz kifayətdir. Lakin bakalavr proqramlarının əksəriyyəti alman dilində olduğundan və ingilis dilli proqramların daha baha olduğunu nəzərə alaraq alman dilini bilmək üstünlükdür.
Xaricdə təhsil suallaranızı bizə yaza bilərsiz.
Almaniyada bakalavr təhsili
Almaniyada iki yolla bakalavr təhsili almaq mümkündür və 3 il davam edir. Birincisi, Almaniyada tam orta təhsil 12 il olduğundan birbaşa attestatla qəbul mümkün deyil. Bunun üçün Almaniyada “studienkolleg” adlı hazırlıq proqramı keçmək lazımdır. Bu tip kolleclərin sayı hər ştat üzrə 1-dir və yalnız alman dilindədir. Bu proqramı uğurla bitirdikdən sonra Almaniya universitetlərinə bakalavr proqramlarına qəbul ola bilərsiniz. İkinci yol isə Azərbaycanda hər hansı ixtisas üzrə ən azı iki il və ya daha çox oxuyub həmin transkript və attestat qiymətləri ilə Almaniyada bakalavr proqramlarına müraciət etməkdir. Attestatla birbaşa bakalavr proqramlarına qəbul yalnız özəl universitetlərdə mümkündür. Almaniyada özəl universitetlərin təhil haqqı universitetdən asılı olaraq təqribən 10.000 avrodan başlayır.
Xaricdə təhsil suallaranızı bizə yaza bilərsiz.
Almaniyada magistr təhsili
Almaniyada təhsil almaq istəyən tələbələrin əksəriyyəti magistr proqramlarına müraciət edir. İngilis dilində çoxsaylı magistr proqramları mövcuddur. İlkin şərtlər isə ondan ibarətdir ki, Azərbaycanda bakalavr diplomu və dövlət universitetlərində təhsil almaq üçün yüksək ortalama bal lazımdır. Təhsil alacağınız dilə uyğun olaraq ingilis və ya alman dilində dil sertifikatı almaq lazımdır. Bu ingilis dilində IELTS və ya TOEFL, alman dilində isə TestDaf imtahanıdır. Almaniyada dövlət univeristetlərində magistr proqramlarına qəbul zamanı GPA balına xüsusilə önəm verilir, çünki ingilis dilli proqramların əksəriyyəti rəqabətlidir. Ən azı 80-85+ GPA balı ilə Almaniya dövlət universitetlərinə rahat qəbul mümkündür. Almaniyada magistr təhsili bakalavrda oxuduğunuz ixtisasa uyğun olmalıdır. Xüsusilə dövlət universitetləri bu məqama xüsusi diqqət yetirirlər.
Almaniyada təqaüdlü təhsil
DAAD gənclərə Almaniya daxili və xaricində beynəlxalq təhsil və tədqiqat təcrübəsini toplamağa imkanı yaradır. Əksər xarici DAAD təqaüdçüləri magistr və doktorantura tələbələridir. Təqaüd imkanları məzunlara şamil olunur. Çünki onlar ilk akademik nailiyyyətlərini əldə etmiş və təqaüddən təhsilin ilkin dövründə olan tələbələrdən daha yaxşı faydalana bilərlər. Təqaüd paketi bakalavr, magistr və doktorantura proqramları üzrə təqaüdlər təklif edir.
Xaricdə təhsil suallaranızı bizə yaza bilərsiz.
Almaniyada yay dil kursu təqaüdü. Bu kursa iki il bakalavr təhsili oxuyan, lakin sonuncu kurs olmayan tələbələr müraciət edə bilər. Birinci kurs magistr tələbələri də hətta müraciət edə bilər. Bu təqaüdün maliyyələşdirdiyi sahələr dil, ixtisas və ya ölkəşünaslıqla bağlıdır. Təqaüdün ümumi miqdarı birdəfəlik 1575 € (kurs seçimindən asılı olmayaraq) olaraq müəyyənləşib. Bu kurslar 3-4 həftə ərzində baş tutur.
- EPOS İnkişaf siyasəti ilə bağlı ixtisaslar üçün magistr təqaüdü hesab edilir. Bu təqaüd məzunlar üçün nəzərdə tutulub. Ona müraciət etmək üçün məzunlardan ən azı 2 il iş təcrübəsi tələb olunur. Təqaüd ixtisasdan asılı olaraq 1 ildən 3 ilə qədər davam edir. Bu proqramın qarşıladığı xərclərə aşağıdakılar daxildir: aylıq təqaüd, sığorta xərcləri, səyahət xərcləri. Müraciətinizi isə sadəcə birbaşa olaraq seçdiyiniz universitetə edirsiniz.
- ERPİqtisadiyyat sahəsi üzrə magistr təqaüdüdür. Təqaüdə sadəcə təhsilin sonuncu kursunda oxuyan tələbələr və ali məktəb məzunları müraciət edə bilər. Bu təqaüd sadəcə ali məktəblərdəki iqtisadiyyatla bağlı ixtisasların maliyyə xərclərini qarşılamaqla yanaşı, aylıq 850 € təqaüd, sığorta xərcləri, səyahət xərclərini də qarşılayır. Həmçinin məzunlara əlavə ödəniş də verilir. Bu proqram 18-24 ayı əhatə edir.
- Həmçinin incəsənət, memarlıq dizayn və musiqi ixtisaslı məzunlar üçün təqaüd imkanı var.
Xaricdə təhsil suallaranızı bizə yaza bilərsiz.
Əksər DAAD təqaüdləri Almaniyada qalmanı tam maliyyələşdirir. Buraya aylıq təqaüd (adətən 750 Avro / aylıq), tibbi və bədbəxt hadisələrdən sığorta, həmçinin səfər xərcləri daxildir.
“Yay dil kursu” təqaüd proqramı istisna, digər proqramlarda alman dilini bilmək məcburi deyildir, ingilis dilində də müraciətlər qəbul olunur. Master, 7-10 aylıq tədqiqat və doktorantura təqaüdlərinə ingilis dilli proqram üçün təqaüd qazansanız, bu zaman DAAD sizə təhsildən əvvəl Almaniyada alman dili kursu təşkil edir. Bu kurslarda iştirak məcburidir və xərclər DAAD tərəfindən qarşılanır.
DAAD master təqaüd proqramına müraciət edərkən sizdən alman universitetinə qəbul olunmağınız tələb olunmur. Əgər sizin universitetdən qəbul olma haqqında artıq razılığınız varsa, həmin razılığı sənədlərinizə əlavə edə bilərsiniz.
Siz master təhsili üçün təqaüd ərizənizdə üç ixtisas göstərməlisiniz. Biz üç ixtisas göstərməyinizi məsləhət görürük ki, birinci ixtisasa qəbul olunmayacağınız halda alternativ imkanınız olsun.
Xaricdə təhsil suallaranızı bizə yaza bilərsiz.
