Bir işə, dərsə, dil öyrənməyə və bunun kimi başqa bir çox şeyə başladıqda yüksək motivasiyalı olmağımıza rəğmən sonradan o motivasiyamız zəifləyə, istəyimiz azala və artıq davam etməmə istəyi meydana çıxa bilir. Bu meydana gələn hisslərin nəticəsində ya həmin hisslərimizə qalib gəlib başladığımız işə davam edəcəyik, yada davam etməyərək tənbəlləşib həmin işi yarımçıq qoyacayıq. Bəs biz bu hisslərlə necə mübarizə apara bilərik? Həmin işə başladığımız andaki kimi niyə eyni motivasiyada qala bilmirik? Bu sualların əsasında isə ortaya verməli olduğumuz əsas sual meydana çıxır və həmin sualı qeyd etməyim daha doğru olar deyə düşünürəm.
Motivasiyamızı necə qoruya bilərik?
İlk növbədə bundan əmin olmalısınız ki, yuxarıda qeyd olunan bütün hissləri və düşüncələri hər kəs həyatının müəyyən dövrlərində hər hansı bir iş prosesində yaşayır. Həmin işə başlayarkən yüksək motivasiyamız və səyimiz bir anda azala bilir və hətta həmin işdən imtina etməyimiz lazım olduğu düşüncəsinə qapıla bilirik. Bu düşüncələrin çox normal olduğunu qəbul edib işimizə davam etməli və yolumuzdan əsla dönməməliyik. Lakin işimizə davam edərkən bəzi metodlardan istifadə etməliyik ki, bu enişli-çıxışlı motivasiya hisslərini tez-tez yaşamayaq.
Həmin metodlar isə bunlardır:
Məqsədlər, hədəflər barəsində çoxlu sayda motivasiya dolu cümlələr, hər gün qarşılaşdığımız instagram postları olmasına rəğmən hər kəs motivasiyasızlıqdan, motivasiyasının azaldığından və bir işə başlayıb hər dəfə yarımçıq qoyduğundan şikayətlənir. Buna səbəb isə düzgün məqsədin və hədəfin qoyulmamasıdır!
Məsələn tutaq ki, siz dil öyrənməyə başladınız. Bunu nəyə görə istəyirsiniz? Bir hədəfiniz varmı ki bu yolda dil öyrənmək sizə yardımçı olacaqdır? Xarici ölkədə təhsil almaq üçün istəyirsiniz ya işə girmək üçünmü? Bu suallara əsaslı bir səbəbiniz; məqsədiniz olmadığı müddətdə dil öyrənməyə hər dəfə başlayıb motivasiyasızlıqdan şikayətlənib sonda isə başladığınız dil öyrənmə prosesini yarımçıq qoya bilərsiniz. Buna görədə bu periodu yaşamamaq istəyirsinizsə qarşınıza düzgün məqsəd və hədəf qoyun! Əlbəttə siz dil öyrənməyi sevdiyinizdən dolayıda bu işə başlaya bilərsiniz burada sadəcə bundan nümunə vermək istədim).
Gününüzün və işlərinizin uğurla və istədiyiniz kimi davam etməsini istəyirsinizsə günə To Do List hazırlayaraq başlayın! Yəni gün ərzində etməli olduqlarınızı bir dəftərdə qeyd edin. Məsələn, 13:00-da dərs edəcəm və s. tipli bir siyahı hazırlayın. Belə olduğu təqdirdə siz gün ərzində daha produktiv və gününüzü daha səmərəli keçirmiş olacaqsınız. Əgər sizdə alınırsa günün ilk başlarında sizin üçün ən vacib sayılan işləri görün. Çünki həm dincəlmiş və yorulmamış beyininiz sayəsində həmin o vacib işlərə daha çox diqqət ayırmış olacaqsınız, həm də bəzi günlərdə heç hesaba alınmayan fors-major halları olur ki, gün ərzində görməli olduğumuz vacib işlərə zaman ayıra bilmirik.
Bu ən vacib hesab olunan məqamlardan biridir. Bir işə başlayarkən özünə inanmaq və mən bunu bacara bilərəm güvəni hesab edirəm ki, hər bir insanda olmalıdır. Çünki özünə inam uğurun yarısıdır. Bəs bu özünə inam hissini necə qazana bilərik? İnamsızlıq qorxu hissi nəticəsində meydana gələn bir hissdir. “Bacara bilmərəm” , “Yox mən bunu etməkdən qorxuram”, “Bu məndə alınmaz” düşüncələri özü ilə bərabər özünə inamsızlığı meydana çıxarır. Buna görədə qorxularınızla üzləşin və ən pisi nə ola bilərki deyin?! Ya uğursuz olacaqsınız, yada uğurlu. Bunu cəhd etmədən necə bilərsiniz?! Uğursuzluq özüdə böyük bir təcrübədir və həqiqətən uğur əldə etmək istəyirsinizsə uğurlu olana qədər cəhd etməkdən çəkinməyin və cəhd edin.. Çünki bu həyatda ya xəyallarımızı, yada qorxularımızı yaşayırıq..
Çünki uğura gedən yol davamlılıqdan keçir.. Davamlı olaraq aktiv səy göstərin, bezmədən, usanmadan gecə-gündüz və hətta etmək istəmədiyiniz bir anda belə həmin işi edərək ortaya möhtəşəm əsərlər çıxarın! Necə ki mən bu məqaləni yazmaq istəmədiyim bir anda işimin başına keçdim və indi oxuduğunuz bu məqaləni işimdən həzz alaraq edirəm.
Bəzi insanlar bilirsiz necə daha uğurlu olurlar? 10.000 saat davamlı olaraq çalışaraq! Bəli, bu rəqəm hər nə qədər gözümüzə qabarıq görünsədə elmi araşdırmalar əsasında təsdiqlənmiş çalışma saatıdır. Əgər sizdə bu çalışma saatı haqqında ətraflı məlumat almaq istəyirsinizsə “Bəzi İnsanlar Niyə Daha Çox Uğurlu Olur?” adlı məqaləmi oxuya bilərsiniz. Hələ heç kim zəhmətə və əziyyətə qatlaşmadan saatlarını, günlərini, illərini sərf etmədən uğur əldə etməyib.. Buna görədə davamlı olaraq bir işi görməliyik ki uğur əldə edək!
Son olaraq isə sizlərə görmək istədiyiniz və gördüyünüz bütün işlərdə yüksək motivasiyalı olmağınızı və motivasiyanızın davamlı olmasını arzu edirəm!
Xaricdə təhsil suallaranızı bizə yaza bilərsiz.
