Norveç Təhsil Sistemi
Azərbaycandan fərqli olaraq Norveçdə orta məktəblər 12 illik olur. Yəni, azərbaycanlı tələbələr Azərbaycanda orta məktəbi bitirdikdən sonra birbaşa bakalavr proqramlarına qəbul ola bilməzlər. Bunun üçün ya Norveçdə “foundation” proqramını bitirməli, ya da Azərbaycanda ən azı bir il universitet təhsili alıb müraciət etməlidirlər. Norveçdə bakalavr təhsili 3 il, magistr təhsili 2 il, doktorantura təhsili isə 3 il davam edir. Dövlət universitetlərinin çoxunda bakalavr proqramları norveç dilindədir, ingilis dilində az sayda proqram mövcuddur. İngilis dilində magistratura və doktorantura proqramları isə bir qədər genişdir. Təhsilin keyfiyyəti, yaşam standartlarının yüksək və dövlət univeristetlərinin pulsuz olması qəbul məsələlərində ciddi şəkildə rəqabət yaradır.
Xaricdə təhsil suallaranızı bizə yaza bilərsiz.
Norveç universitetləri
Norveçin dövlət universitetlərində demək olar ki, təhsil haqqı yoxdur. Təhsil haqqının olmaması həm bakalavr, həm magistratura, həm də doktorantura proqramları üçün keçərlidir. Norveçin özəl univeristetlərində təhsil haqqı var və kifayət qədər bahadır. Məsələn, Norveç Biznes Məktəbində Biznes analitik üzrə magistratura proqramının 1 illik təhsil haqqı 10.000 avrodur. Universitetin statusundan da çox şey asılıdır. Ölkədə 7 universitet, universitet səviyyəsində 7 ixtisaslaşmış institut, 24 dövlət kollec universiteti, iki dövlət incəsənət institutu və 2 özəl kollec universiteti, 31 özəl institut (onlardan 22-si dövlət tərəfindən müəyyən maliyyə yardımı alır) fəaliyyət göstərir. Ali məktəblərdə oxuyan təxminən 195000 tələbədən 24500-ü özəl kollec və ya kollec universitetlərdə təhsil alır.
Xaricdə təhsil suallaranızı bizə yaza bilərsiz.
Magistr proqramlarına qəbul şərtləri
Bakalavr proqramlarına müraciət zamanı attestat balınız minimum 4.00 olmalıdır. Ortalama balınız ən azı 80+ olmalı və oxuyacağınız ixtisasa və gələcək gözləntilərinizə dair yaxşı yazılmış motivasiya məktubunuz olmalıdır. Bununla yanaşı, könüllülük və iş təcrübəsi də önəmlidir. Dövlət universitetlərində təhsil haqqı olmadığından ingilis dilli proqramlara rəqabət yaranır. Bu zaman eyni göstəricilərə sahib tələbələri müqayisə edərkən sosial həyatı aktiv olan tələbələrə üstünlük verilir. Eyni zamanda elmi məqalə və nəşrlərinizin olması müsbət bir hal hesab olunur. Bəzi universitetlər tövsiyə məktubu tələb edir, bəziləri isə buna ehtiyac görmür. Amma tövsiyə məktubunu sizi daha yaxşı tanıyan universitet müəlliminiz və ya varsa, işlədiyiniz müəssisənin rəhbərindən almağınız məqsədəuyğundur. İngilis dilində təhsil alacaqsınızsa, ingilis dil biliklərinizi sübut edən IELTS və ya TOEFL sertifikatlarınız olmalıdır.
Xaricdə təhsil suallaranızı bizə yaza bilərsiz.
Təhsil haqları
Dövlət universitetlərində semestr haqqı 30-80 avro arasında dəyişir. Bu xərc administrativ xərc hesab olunur və tələbələrə nəqliyyat və s. kimi bir çox imkanlar təqdim edir. Norveçin özəl ali təhsil müəssisələrində isə təhsil haqqı ortalama 8.000 – 21.000 avrodur. Təhsil haqqı universitet və proqramlardan asılı olaraq dəyişir. Dövlət universitetlərində təhsil haqqının aşağı olmasına baxmayaraq orta aylıq yaşayış xərcləri olduqda yüksəkdir. Bir tələbənin aylıq normal yaşam xərclərini qarşılaması üçün təqribən 700-1300 avro lazımdır. Təhsil vizası tələbələrə həftəlik minimum 20 saat işləmə imkanı verir. Tələbələr bu imkandan istifadə edərək aylıq yaşam xərclərini müəyyən qismini qarşılaya bilərlər.
Xaricdə təhsil suallaranızı bizə yaza bilərsiz.
Norveç təhsil vizası
Norveçə təhsil almaq məqsədilə gələn xarici tələbələr uzunmüddətli vizaya (90 gündən artıq müddətə qalma) müraciət etməlidir. Viza rüsumu 35 avro təşkil edir. Viza üçün tələb olunan sənədlər aşağıdakılardır:
- Xarici passport
- Gediş və dönüş biletlərinin bronu
- İşlədiyiniz müəssisədən və ya tələbəsinizsə oxuduğunuz təhsil müəssisəsindən arayış
- Lazımi xərclərin ödənəcəyinin sübutu və ya bankdan arayış
- Bankdan son 6 ay müddətində etdiyiniz əməliyyatların çıxarışı
- Bron etdiyiniz otelin vauçeri və ya sizə göndərilən dəvət məktubu
- Ən azı 30.000 avro məbləğində, bütün səfər müddəti və bütün şengen ölkələri üçün tibbi sığorta
- Şəkil 3.5×4.5 sm
- Hazır ərizə forması
- Şəxsiyyəti təsdiq edən sənədin və xarici passportun kopyası
Müraciət zamanı sizə lazım ola biləcək digər sənədlər
- Əgər evlisinizsə nikah şəhadətnaməsi və bununla yanaşı əgər 18 yaşına çatmamış övladınız (övladlarınız) varsa doğum haqqında şəhadətnamə
- Azərbaycan Respublikası ali və ya orta təhsil müəssisələrində təhsil alan və vizaya müraciət edən bütün tələbə və şagirdlər həmin təhsil müəssisəsində oxuduğuna dair arayış təqdim etməlidirlər
- Əlavə üstünlük kimi əgər adınızda hər hansı daşınan və ya daşınmaz əmlakınız varsa çıxarışları təqdim etmək
Norveç vizası üçün etdiyiniz müraciətin cavabı sizə 3 – 14 iş günü müddətində verilir.
Norveçdə təhsil və universitetlərə müraciət qaydaları barədə daha ətraflı məlumat üçün bizimlə əlaqə saxlaya bilərsiniz.
Xaricdə təhsil suallaranızı bizə yaza bilərsiz.
