Hollandiyada təhsil. Bakalavr və magistr – 2024 ƏN SON

Hollandiya adı ilə məşhur olan ölkənin əsl adı Niderlanddır. Hollandiyanı təkrarolunmaz edən şey onun təhsil sistemidir. Hollandiya dünyanın proqramlaşdırma şirkətlərinin mərkəzi hesab olunur. Hollandiya kompüter mühəndisləri və proqramlaşdırma mütəxəssisləri üçün çox böyük imkanlar açır. Hollandiya Böyük Britaniyadan sonra ana dili İngilis dili olan ikinci ölkədir ki, İngilis dilində çox geniş beynəlxalaq proqramlar təklif edir. 

Hollandiyada bakalavr təhsili

Hollandiya Avropada ən çox ingilis dilli proqramlara malik ölkələrdən biridir. Hollandiyada bakalavr proqramları iki versiyada mövcuddur. Birinci versiya dörd illik proqramlardır. Əgər tələbə Azərbaycanda attestat proqramını bitiribsə və sadəcə ingilis dili bilikləri varsa, dörd illik proqramlara müraciət etməsi daha məqsədəuyğundur. Çünki Hollandiyanın dörd illik bakalavr sistemi Azərbaycanın dörd illik universitet proqramlarına çox uyğundur. Əgər tələbə daha çox tədqiqat yönümlü üç illik proqramlara getmək istəyirsə, mütləq şəkildə beynəlxalq High School diplomu əldə etməlidir. Üç illik proqramlar, əsasən Erasmus, Amsterdam və Groningen kimi universitetlərdə mövcuddur. High School diplomu vasitəsilə azərbaycanlı tələbələr birbaşa bakalavr proqramlarına müraciət edə bilər.

Hollandiyada təhsil haqları

Hollandiyada normal təhsil haqqı 18000-19000 avro arasında dəyişir. Amma dövlət bakalavrda təhsil alan tələbələrin təhsil haqlarının 50%-ni özü maliyyələşdirir. Buna görə də bakalavr üzrə təhsil haqları universitetlərdən asılı olaraq 6000 avrodan başlayaraq 12000 avroya qədər dəyişir. Hollandiyada bakalavr proqramlarına qəbul olmazdan əvvəl universitet tələbədən ayrıca riyaziyyat imtahanı götürür. İmtahanlar onlayn şəkildə aparılır və nəticələri elan olunduqdan sonra birbaşa bakalavr proqramına qəbul olub-olmadığınızı öyrənirsiniz. Hollandiyada viza prosesi olduqca rahat və sistematikdir. Qəbul olduğunuz universitet tələbənin adından vizaya müraciət edir.

Hollandiyada hüquq təhsili

Hollandiyanın digər bir üstünlüyü ondadır ki, ölkə təkcə İT, proqramlaşdırma, mühəndislik sahələrində ixtisaslaşmaqla kifayətlənməyib, eyni zamanda hüquq sahəsində da ixtisaslaşıb. Hollandiyanın Haaqa şəhərində Haaqa Universiteti yerləşir və hüququn müxtəlif sahələrində bakalavr və magistr proqramları təklif edir. Haaqa Universitetində hüquq təhsili alıb, eyni zamanda Haaqa şəhərində yerləşən müxtəlif hüquq şirkətləri və bürolarında, təşkilatlarda beynəlxalq təcrübə keçə bilərsiniz. Təhsilinizi tamamladıqdan sonra Azərbaycana qayıdıb müxtəlif beynəlxalq təşkilatlarda, hüquq şirkətlərində və ya dövlət müəssisələrində işləyə bilərsiniz.

Hollandiyada magistr təhsili

Hollandiyada magistr proqramları çox genişdir və təhsil haqları 17000-18000 avrodan başlayır. Universitetlərdə rəqabət güclüdür və dövlət tərəfindən hər hansı maliyyə dəstəyi yoxdur. Bəzi universitetlərin daxili təqaüdləri və ya endirimləri olur və yüksək GPA, beynəxalq sertifikatlarınız olduğu halda təqaüd qazanma şansınız da çoxalır. Hollandiyada magistr proqramları bir illik təhsil imkanları təqdim edir.

Hollandiya təhsil vizası

Holland təhsil müəssisəsinə qəbul olduğunuz təqdirdə Hollandiya tələbə vizasına müraciət edə bilərsiniz. Hollandiyada təhsil almaq üçün hər bir şəxs Hollandiya tələbə vizası və yaşayış icazəsi əldə etməlidir. Tələb olunan sənədlər:

• Akademik transkript

• Təhsil alacağınız təhsil müəssisədən rəsmi qəbul məktubu

• Tam təhsil planı. Xüsusi sahədə təhsil alma səbəbinizi və bunun sizin əvvəlki təhsilinizlə nə dərəcədə əlaqəli olduğunuzu izah etməlisiniz.

• Təhsil alacağınız müddətdə özünüzü maddi cəhətdən təmin edəcəyinizə dair sübut. Bu məbləğ, aylıq təqribi 870 avro təşkil edir.

• Qaldığınız müddət ərzində səyahət və tibbi sığorta.

• Viza rüsumu – 317 avro

• Tuberkuloz test nəticəsi. Bu testi Hollandiyaya gəlməzdən qabaq üç ay ərzində almalısınız.

• Təhsil almaq istədiyiniz universitet\kollecdə qeydiyyatdan keçməlisiniz.

• Gəlir mənbəyi.

• Şəkil, pasport və əvvəlki vizaların orijinal surəti.

Sənədləriniz ya holland, ya ingilis, ya fransız ya da alman dilinə olmalıdır. Tərcümə olunmayıbsa, sertifikasiyalı holland tərcüməçi tərəfindən tərcümə olunmalı və orijinal sənədlərlə birlikdə təqdim olunmalıdır.

Vizanın müddəti təhsil müddətinizdən asılı olaraq 5 ilə qədərdir.

Tələbə hər təqvim ili üzrə tələb olunan kreditlərin ən az 50%-ni tamamlamalıdır. Əks halda tələbə vizası ləğv olunacaq.

Tələbə vizası ilə iş imkanı:

Həftə ərzində maksimum 16 saat işləmək imkanı.

İyun, iyul və avqust aylarında bütün gün işləmək olar.

İş icazəsi alınmalıdır. İşəgötürən şəxs bunu sizin adınızdan etməlidir.