Xaricdə təhsil məsələsində akademik səriştə ən vacib məqamlardan biridir. İlk addımlardan biri universitet və ixtisası düzgün seçməkdir. Bəs ixtisas seçimini necə aparmalı? Bunun üçün tələbə özünə bu sualı verməlidir: “Mən nəyi etməyi sevirəm? Nə məni xoşbəxt edir?” Bu suallar onu düzgün istiqamətə yönləndirəcək. Bəzən tələbələr sırf universitetin prestijinə görə seçim edirlər. Lakin bu yanlışdır. İxtisasa görə reytinqlərə baxmalı, hansı ixtisas hansı universitetdə daha yaxşı tədris olunur, ona baxmaq lazımdır. Bu məqalədə xarici universitetlərə sənəd qəbulu prosesində diqqət yetirməli olduğunuz vacib məqamları addım-addım qeyd etmişik.
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
1. Ortalama qiymət (GPA)
Bakalavr və ya magistr proqramlarına müraciət etməyinizdən asılı olmayaraq attestat və ya bakalavr qiymətləriniz yaxşı olmalıdır. Bakalavr proqramlarına müraciət zamanı attestat qiymətləri əsas götürülür. Bir çox universitetlər bu qiymətlərə əsasən tələbələri qəbul edir. Bununla yanaşı, buraxılış imtahanından da yaxşı nəticələr əldə etməlisiniz.
Magistr proqramlarına müraciət zamanı isə bakalavr yekun orta göstəriciləriniz nəzərə alınacaq. Əgər top universitetlərdə təhsil almaq istəyirsinizsə, bu zaman qiymətləriniz ən azı 80 olmalıdır.
2. Beynəlxalq imtahan nəticələri
Bakalavr proqramları üçün SAT, ACT, IP, IB, A-Level kimi göstəricilərinizin olması üstünlükdür. Top universitetlər bu göstəricilərdən biri olmadıqda qəbul şansınız aşağı düşür.
Magistr proqramları üçün isə ixtisasınızdan asılı olaraq GRE, GMAT, ALES və s. kimi beynəlxalq imtahan sertifikatları tələb olunur. GRE, əsasən texniki yönümlü ixtisaslarda, GMAT isə biznes-iqtisadiyyat yönümlü ixtisaslarda tələb olunur. ALES, Türkiyənin dövlət və prestijli özəl universitetlərinə qəbul zamanı tələb olunur.
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
3. Xarici dil sertifikatı
Əgər gedəcəyiniz ölkədə ingilis dilində təhsil almağı düşünürsünüzsə, IELTS, TOEFL, Pearson və s. kimi beynəlxalq ingilis dili imtahanlarından birini verməlisiniz. Bəzi universitetlər bu imtahanları tələb etməyə də bilər, bu zaman sizə qəbul zamanı universitetin daxili imtahanını verməlisiniz.
4. Əlavə fəaliyyətləriniz
Akademik göstəricilərinizlə yanaşı, eyni zamanda dərsdənkənar fəaliyyətlərinizin, məsələn könüllülük, sosial layihə və fəaliyyətlərinizin olması sizin üçün böyük üstünlükdür. Tövsiyə olunur ki, bakalavr təhsiliniz zamanı öz sahəniz üzrə sosial fəaliyyətlərinizi genişləndirəsiniz. Bu, nəinki xarici universitetlərə qəbul zamanı, hətta təqaüdləri qazanmaqda belə sizə kömək edə bilər.
