Hər birinin son tarixləri və tələbləri olan dünya üzrə çox sayda universitetə müraciət edərkən nə edəcəyinizi dəqiq müəyyən etmək çətin ola bilər. Əgər sizə lazım olan məlumatı tapmaqda çətinlik çəkirsinizsə, ərizə prosesində sizə yardımçı ola biləcək məlumatları bu məqalədən tapa bilərsiniz. Məqaləmizdə xaricdə universitet və proqram seçiminə başlamaq üçün nəyə ehtiyacınız olduğunu daha yaxşı başa düşməyinizi asanlaşdıracaq.
Universitetə müraciət tarixlərini izləyin
Hər şeydən əvvəl, universitetin başlama tarixlərinin hər bir universitet və ölkəyə görə fərqli olacağını bilmək çox vacibdir. Məsələn bəzi ölkələrdə müraciət tarixləri standart olur:
Böyük Britaniya: sentyabr-oktyabr
Amerika: sentyabr
Kanada: sentyabr
Avstraliya: Yanvar-fevral
Yeni Zelandiya: fevral
Bununla belə, bu tarixlər standart deyil və universitetlərə görə dəyişə bilər.
Əgər payız semestri üçün müraciət tarixini ötürmüsünüzsə, qış semestri qəbulu üçün müraciət edə bilərsiniz.
Viza prosesini araşdırın
Xaricdə təhsil almaq üçün başqa ölkəyə getməyə qərar verdiyiniz zaman tələbə vizası üçün müraciət etməli olacaqsınız. Bu, hansı ölkəyə köçmək istədiyinizə və yaşadığınız yerə görə dəyişə bilər. Bu səbəbdən ən çox tələb olunan sənədlər yaşayış yerinin sübutu, maliyyə imkanlarının sübutu və qəbul məktubunuz olacaq.
Xaricdə təhsil almaq üçün müraciət edərkən, viza müraciətinizə baxılması üçün minimum-maksimum vaxtları da nəzərə almalısınız. Tələbə vizası müraciətləri üçün vaxt qrafikləri aşağıda qeyd edildiyi kimi hər ölkə üçün eyni deyil;
Böyük Britaniya: Dərslərin başlama tarixindən ən azı altı ay əvvəl müraciət edə bilərsiniz və adətən üç həftə ərzində viza ilə bağlı qərar veriləcək.
Amerika: Tələbələrin əksəriyyətinin ABŞ-da təhsil almaq üçün F-1 vizası tələb olunur və bu viza üçün dərslər başlamazdan ən azı dörd aya əvvəl müraciət etməlisiniz.
Kanada: Dərslər başlamazdan dörd-altı ay əvvəl Kanadada təhsil icazəsi üçün müraciət etməyiniz tövsiyə olunur.
Avstraliya: Tədris ilinin başlama tarixindən ən azı altı həftə əvvəl Avstraliya tələbə vizası üçün müraciət etməlisiniz, lakin universitetlər sizə Qəbul Məktubunu alan kimi vizaya müraciət etməyi tövsiyə edir.
Əslində viza ərizəsinin təqdim edilməsi proses hər bir ölkə üçün fərqlidir. Məsələn; Əgər siz ABŞ-da təhsil almaq istəyirsinizsə, öz ölkənizdəki ABŞ səfirliyinə və ya konsulluğuna müraciət etməlisiniz, burada sizdən müsahibədə iştirak etmək tələb oluna bilər. Digər ölkələrdə siz hökumətin saytında hesab yaratmalı və onlayn sistem vasitəsilə tələbə vizası üçün müraciət etməlisiniz.
Tələb olunan sənədlər
Xarici universitetlərə qəbul olmaq üçün müəyyən sənədlər təqdim etməlisiniz, bu sənədlər də universitetlərin tələblərinə görə dəyişə bilər. Buna görə də, oxumaq istədiyiniz universitet və ixtisasa xas olan xüsusi tələblər üçün universitetin veb-saytını yoxlamağı tövsiyə edirik. Aşağıda sizə hansı sənədlərə ehtiyacınız olacağı və müraciətiniz zamanı sizdən hansı sənədlərin tələb oluna biləcəyi barədə ümumi fikir əldə edə biləcəyiniz bir siyahı da tərtib etmişik:
- Ərizə forması / motivasiya məktubu / iş təcrübəsi (əgər varsa)
- Bank hesabında tələb olunan vəsaitin olması
- IELTS və ya TOEFL kimi ingilis dili imtahanı ilə dil biliyinin sübutu
- Akademik transkript
- Tövsiyə məktubu
- Portfolio – təsviri incəsənət və memarlıq kimi proqramlar üçün tələb olunur.
Bu sənədləri ingilis dilinə tərcümə etdikdən sonra sənədləri skan edərək və ya şəkillərini çəkərək və ya poçtla göndərərək onlayn ərizənizə əlavə etməlisiniz.
Minimum qəbul şərtləri
Bu sizə sadə görünə bilər, lakin müraciət edəcəyiniz universitetlər üçün minimal tələblərə cavab verdiyinizə əmin olmalısınız. Bu səbəbdən, müraciət etdiyiniz hər bir universitetin mimumal akademik tələblərini, onların internet saytındakı proqrama dair məlumatları və nə tələb olunduğunu yoxlamalısınız.
Necə müraciət etməli
Təhsil almaq istədiyiniz universitet və ölkədən asılı olaraq xaricdəki universitetlərə müraciət etməyin müxtəlif yolları var. Bəzi ölkələrdə Böyük Britaniyada UCAS kimi mərkəzləşdirilmiş qəbul sistemi mövcuddur ki, bu sistem vasitəsilə sizə maksimum 5 universitetə müraciət edib sənədləri yükləyə bilərsiniz. Əksər universitetlər müraciətləri onlayn şəkildə qəbul edir, lakin bəzi universitetlərdə, məsələn Almaniyada sənədləri poçtla göndərmək tələb oluna bilər.
Qəbul olduqdan sonra nə etməli
Avstraliya, Kanada kimi bəzi ölkələrdə tələbə vizası üçün müraciət edərkən qəbul məktubunuz hazır olmalıdır. Çünki bu məktubu aldıqdan sonra qeydiyyat üçün təsdiq tələb oluna bilər. Bu məktub daha sonra viza müraciətinizin bir hissəsi kimi də istifadə olunacaq.
Universitet və ya qəbul şöbəsi hər hansı yeniliklər üçün sizə e-poçt göndərə bilər. Qəbul məktubu təklifi necə qəbul etmək və ya rədd etmək barədə detalları sizə göndərilən e-poçt vasitəsilə tanış ola bilərsiniz.
Xaricdə təhsil suallaranızı bizə yaza bilərsiz.
