Müasir texnologiya vasitəsilə artıq demək olar ki, bütün işlərimizi asanlıqla həll edə biləcəyimiz bir dönəmdə yaşayırıq. İnformasiya texnologiyalarının bizlərə təmin etdiyi proqramlar vasitəsilə bütün məlumatlara rahat və tez bir zamanda, bir kliklə çata bilirik. Bəs öyrənməyi və dərs çalışmağı asanlaşdıracaq proqramlarda varmı? Əlbəttə var! Birazdan sizinlə paylaşacağımız proqramlar sayəsində sizin dərs çalışmağa olan həvəsiniz və motivasiyanız yüksələcək və həmçinin dərs çalışmaq artıq sizin üçün məcburi bir hal olmaqdan çıxıb, əyləncəli bir fəaliyyətə dönüşəcəkdir. Elə isə gəlin çox vaxt itirmədən başlayaq!
Həmin Dərs Çalışma Proqramları Hansılardır?
Ən yaxşı dərs çalışma proqramlarından biri olan Notion qeyd alma, düzəliş və arxivləşdirmə tətbiqidir. İstifadəsi çox asan olan bu proqramın həmçinin açma-qapama düyməsi belə, sadəcə yaddaş və öyrənmə texnikalarını istifadə etməyinizi də asanlaşdırır. Bir mövzunu öyrənməyə çalışarkən ağlınıza gələn bütün sualları əvvəlcə yazmalı, daha sonra sualların altında isə cavabları yazmanızı təmin edən bir proqramdır. Bir sözlə Notion tətbiqi asan interfeysi və təqdim etdiyi müxtəlif variantları ilə tələbələrin dərs çalışmalarını rahatlaşdırır.
Sizlərə keçən məqaləmizdə öyrənmə texnikalarından olan Pomodoro texnikasından bəsh etmişdik. İndi isə bu texnikanı oyunlaşdıran bir tətbiqdən Forestdən bəhs edəcəyik. Forest sizin dərs çalışmağa olan diqqətinizi daha da artırır və kömək edir. Pomodoro texnikasına uyğun ən az 25 dəqiqə və ya sizin istədiyiniz müddət ərzində Forest proqramı telefonuzda geri sayıma başlayır. Oyunlaşdırma hissəsi isə başlatdığınız müddət ərzində sanki torpağa bir fidan əkirmişsiniz kimi hərəkət edir. Əgər sayğacı başlatdıqdan sonra telefonuzda başqa işlə məşğul olsanız əkdiyiniz fidan quruyacaqdır. Amma sayğacın sonuna qədər səbr edib edib işinizi bitirsəniz, əkdiyiniz fidan ağaca çevrilir. Və bu şəkildə hər gün telefonuzdan və ya tabletinizdən çalışarkən bir fidan əkərək virtual meşə yarada bilərsiniz. 
Dərs çalışma tətbiqləri arasında yer alan digər bir proqram isə Photomathdir. Bu tətbiq vasitəsi ilə siz çətinlik çəkdiyiniz riyaziyyat məslələrinin həllini asanlıqla görə bilərsiniz. Photomath proqramı daha sonra isə sizə məsələnin həllini ətraflı və geniş izah edir. Bunun üçün adından göründüyü üzrə sadəcə proqrama məsələnin şəklini çəkməyiniz kifayət edəcəkdir. Photomath kəsrlər, xətti tənliklər, inteqrallar, loqorifmalar kimi müxtəlif funksiyalı riyaziyyat məsələlərini rahatlıqla həll edə və daha sizə izah edə bilir.
Çox təəssüf ki, pandemiya həyatımıza bir anda daxil oldu və hamızın həyatına təsir etməklə iş və dərs rejimini pozdu. Təhsil sistemində isə distanta yəni uzaqdan təhsilə keçirildi. Bununla da şagird və tələbələrin dərs və həyat rejimləri pozularaq, həyatlarında böyük bir rejimsizlik və əhval-ruhiyyələrində isə düşkünlük yaşatdı. Lakin Any-do proqramı burada sizin köməyinizə çatacaq və həyatınızı qaydasına salacaqdır. Any-do tətbiqi vasitəsi ilə siz özünüz üçün rejim qrafiki qura biləcəksiniz və tətbiq sizin üçün bir növ xatırlatma olacaqdır. Proqrama gün ərzində etməli olduğunuz işləri, daxil olmalı olduğunuz dərsləri və etməli olduğunuz dərsləri, imtahanları qeyd edə və yaddaşda saxlaya bilərsiniz. Plandığınız işləri etməyincə tətbiq bunu sizə daim xatırladacaqdır.
Yekun olaraq isə sizlərə paylaşdığımız proqramların dərs çalışmalarınızda köməkçi olmasını və hazırlaşdığınız bütün imtahanlarda uğurlar və müvəffəqiyyətlər arzu edirəm!
Xaricdə təhsil suallaranızı bizə yaza bilərsiz.
