Sadəcə Amerika, Kanada , Avstraliya kimi ana dili ingilis dili olan ölkələrdə deyil, dünyanın bir çox top universitetlərində ingiliscə magistr, MBA, menecment , iqtisadi və biznes yönümlü ixtisas proqramları üzrə təhsil almaq istəyən namizədlərdən İELTS balı ilə yanaşı tələb olunan imtahanlardan biridə GMAT-dir. Açılışı Graduate Management Admission Test olan GMAT ilk dəfə 1953-cü ildə təşkil olunmuşdur və o vaxtdan bəri test hər il yenilənməkdədir. İmtahanın davam etmə müddəti 3 saat 30 dəqiqədir. Və imtahan 4 hissədən ibarətdir:
Bu bölmə namizədin analitik yazı bacarıqlarını qiymətləndirir. İmtahan 30 dəqiqə davam edir və 6 bal üzərindən dəyərləndirilir. Mətni analitik formada dəyərləndirib , verilən məlumatlara görə mübahisə fikri inkişaf etdirməyiniz gözlənilir.
Məntiqi və analiz etmə qabiliyyətləriniz yoxlanılır.Bu bölmə 12 sualdan ibarətdir və 30 dəqiqədavam edir. Fərqli məlumat növlərini analiz etmə və istifadə etmək bacarıqlarınız yoxlanılır. Fərqli şəkil və qrafiklərlə bu bölmədə tez-tez qarşıla bilərsiniz. İmtahan nəticəsi 8 bal üzərindən qiymətləndirilir.
Bu bölmədə 2 fərqli sual növü verilir. Biri məsələ həll etmək, digəri isə məlumat əldə etmək bacarığıdır. Bölmə ümumi olaraq 37 sualdan ibarətdir və 75 dəqiqə davam edir. Əsas cəbr və həndəsə suallarından ibarətdir. 60 bal üzərindən qiymətləndirilir.
Son bölüm olan verbal reasoning sizin oxuduğunuzu anlama, tənqid etmə bacarıqlarınızı ölçür. 41 sualdan ibarət olub , 75 dəqiqə davam edir. Bu bölümdəki mətnlər sosial və humanitar elmlərin fərqli mövzularından ibarətdir. Əsas yoxlanılan namizədin şifahi bacarığıdır. Verbal bölümüdə 60 bal üzərindən qiymətləndirirlir.
GMAT-ın ümumi qiymətləndirilməsi 200-800 bal arasında dəyişir. İmtahanın etibarlılıq müddəti 5 ildir. GMAT kopmyuter əsaslı təşkil olunur. İmtahanda iştirak etmək üçün https://www.mba.com/ saytında qeydiyyatdan keçməlisiniz. Qiyməti isə 250 dollardır.
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
GRE və GMAT İmtahanlarının Fərqləri Nədir?
GRE və GMAT imtahanlarının oxşarlığı çox olsada təməldə fərqləri də mövcuddur:
- GMAT-da cümlələri yerine qoyub düzəltmə bölümü olduğu halda, GRE-de sözləri yerine qoyub düzəltməlisiniz. Burada sizə bir mətn verilir, həmin mətndə söz boşluqları olur və həmin sözlər gündəlik istifadə olunan deyildə, əsasən tez-tez istifadə olunmayan çətin sözlər olur. Buna görədə GRE-də siz ciddi mənada söz ehtiyatınıza fikir verməli və 2-3ay söz əzbərləməlisiniz.
- GMAT siz sualları doğru bildikcə çətinləşir, səhv bildikcə isə asanlaşır. GRE-də isə bu bölüm üzərindən müəyyənləşir.
- GRE-də siz hər hansı bir bölümü boş buraxıb digərinə keçə bilirsiniz. GMAT-da isə belə bir şey mümkün deyildir. Siz o sualı həmin dəqiqə cavablandırmalısınız, çünki növbəti sual sizin cavabınız əsasında müəyyənləşir.
- GMAT-da imtahana istədiyiniz bölümdən başlaya bildiyiniz halda, GRE-də müəyyən bir sıra ilə getməlisiniz.
Son olaraq bunları qeyd etmək istəyirəm ki, sizin İELTS və GMAT nəticəniz varsa siz dünyanın bir çox top universitetlərində təqaüdlə təhsil ala bilərsiniz. MBA qəbul olanlar əsasən GMAT nəticəsi ilə qəbul olurlar.
Xaricdə təhsil yolunuzda uğurlar və iştirak etdiyiniz hər bir imtahandan yüksək nəticə əldə etməyinizi arzu edirəm!
Xaricdə təhsil suallaranızı bizə yaza bilərsiz.
