Hollandiya dedikdə, ilk olaraq ağlımıza ənənəvi yel dəyirmanları, lalələr, velosipedlər, holstein adı verilən inəklər, kanallar və rəngli binalar gəlir. Avropada xarici təhsil axtarışında olan beynəlxalq tələbələr üçün Hollandiya; tarixi və müasir memarlığı, ənənəvi və sakit həyat tərzi, mədəni müxtəlifliyi, Amsterdam, Leiden, Rotterdam, Groningen kimi tələbə şəhərləri ilə diqqət çəkərkən, xüsusilə elm və mühəndislik sahələrində tədqiqat yönümlü təhsil vrrən yüksək keyfiyyətli məktəbləri, müasir təhsil metodları, aşağı təhsil haqları və ingilis dili imkanları ilə diqqəti cəlb edir. Ölkədənin təhsil müəssisələri, araşdırma universitetləri və tətbiqi elmlər universitetləri olaraq iki qrupa ayrılmaqla bakalavr proqramları 3-4 il, magistr proqramları isə 1-2 il davam edir.
Hollandiyaya təqaüdlə təhsil almaq istəyənlər üçün həm dövlət, həm də özəl müəssisələr və universitetlər xarici tələbələrə çox çeşidli maliyyə dəstəyi təmin edirlər. Bu məqalədə sizlər üçün Hollandiyaya təqaüdlü təhsil verən 5 universiteti araşdırmışıq.
University of Amsterdam
Hollandiyanın paytaxtı Amsterdamda yerləşən tədqiqat mətkəbi olan Amsterdam Universiteti, 1632-ci ildə təsis edilmiş ölkənin ən qədim və zəngin tarixə malik təhsil müəssisələrindən biridir. Xüsusilə, tədqiqat işləri və innovasiyalar sahəsində verdiyi dəstəklərlə tanınan universitet, Avropa İttifaqında bir çox fəaliyyətdə aktiv rol oynayır. Universitet, hüquq, elm, sosial və təbiət elmkləri, iqtisadiyyat və biznes fakültələrində, 200-dən çox ingilis dilli magistr proqramları ilə 100-dən çox ölkədə təqribən 5500 xarici tələbələrə ev sahibliyi edir. Eyni zamanda Philips, ING, Heineken kimi şirkətlərdə tələbələrə təcrübə və məzun olduqdan sonra karyera imkanları təklif edən Amsterdam Universiteti, Aİ üzvü olmayan ölkələrdən gələn tələbələrə də təqaüdlər təklif edir.
Delft University of Technology
Delft Texnologiya Universiteti ölkənin ən böyük və ən geniş miqyaslı texniki universitetlərindən biridir. Aralarında memarlıq, elektrik mühəndisliyi, texnologiya və iqtisadiyyat, sənaye dizayn mühəndisliyi, riyaziyyat və kompüter kimi sahələrin olduğu 8 fakültədə zəngin bakalavr və magistr proqramları ilə diqqət çəkən məktəb, fizika və kimya sahələrində Nobel mükafatı qazanmışdır. Delft Texnologiya Universiteti, dünyanın ən parlaq zəkalı tələbələrini universitetə cəlb etmək üçün çoxsaylı prestijli təqaüd imkanları təklif edir. Xüsusilə tətbiqi elmlər sahəsində magistr tələbələrinə təklif edilən TU Delft Excellence Təqaüd proqramı, 2 illik müddət üçün Aİ üzvü vətəndaşlarına 12.500 avro, Aİ üzvü olmayan vətəndaşlara isə 25.000 avro məbləğində maliyyə dəstəyi göstərir.
Eindhoven University of Technology
1965-ci ildə əsası qoyulan universitet, beynəlxalq arenada tədqiqat yönümlü və dizayn əsaslı təhsil verən texnologiya universitetidir. Hollandiyanın yüksək texnologiyalar bölgəsi olan Brainport-un mərkəzində yerləşən, müasir keyfiyyətli laboratoriya imkanları ilə təchiz edilmiş kampusunda, cığır açan araşdırmalar və sənaye ilə bağlı sıx əməkdaşlığı ilə diqqəti çəkən universitet 10.000-dən çox tələbəyə xidmət göstərir. Eindhoven Texnologiya Universiteti hər il bakalavr və magistr tələbələrinə təqaüd imkanlarla təklif edir. Xüsusilə magistr proqramlarına müraciət edən Aİ üzv ölkələri xaricindəki xarici tələbələrə ilk il, birdəfəlik 5.000 avro dəyərində təqaüd verir.
Leiden University
Hollandiyanın Leiden şəhərində William of Orange tərəfindən 1575-ci ildə qurulan ölkənin ilk və ən qədim təhsil ocağı olan Leiden Universitetində bu gün 120 fərqli ölkədən 29.000 tələbə təhsil alır. Aralarında sənət, elm və sosial elmlərin olduğu 7 fakültə və geniş ingilis dilli magistr proqramları ilə seçilən müəssisə, tələbələrin akademik və şəxsi inkişaflarına töhfə verən dünya miqyasında məşhur ortaq layihə və bağlantılara sahibdir. Məşhur məzunları arasında Hollandiya kralı Willem Alexander və Nelson Mandela, Winston Churchill, Albert Einstein kimi adların olduğu Leiden Universiteti bu günə qədər 16 Nobel mükafatına layiq görülmüşdür. Universitet, xüsusilə magistr tələbələri üçün LexS adı verilən Leiden University Excellence Scholarships universitet tələbələrinə təqaüd imkanları yaradır.
Utrecht University
Xarici təqaüdlər üçün ölkəyə gələn beynəlxalq tələbələrə çoxçeşidli imkanlar təklif edən Hollandiyanın Utrecht şəhərində 1636-cı ildə qurulan təhsil müəssisəsi, Avropanın ən qədim və seçilən tədqiqat universitetlərindən biridir. Beynəlxalq sıralarda ilk 100-lükdə yer alan Utrecht Universiteti, arasında sosial elmlər, hüquq, tibb və dəqiq elmlərin olduğu 7 fakültə, 49 bakalavr və 147 magistr proqramları ilə tələbələrə xidmət göstərir. Universitet, 12 Nobel mükafatı, rahat və təhlükəsiz kampus həyatı, sistemli təhsili və araşdırma imkanları ilə seçilir. Magistr proqramlarına müraciət edən Ai üzvü olmayan ölkələrdən gələn xarici tələbələrə Utrecht Excellence Scholarship təqaüd proqramı ilə dəstək verən universitetin təqaüd proqramları, 1 sentyabrdan başlayıb 1 fevralda bitir. Təqaüdlər, tələbələrin təhsil haqlarını, ya da 11.000 avro dəyərində yaşam xərclərini qarşılayır.
Hollandiyada təhsil barədə daha ətraflı məlumat əldə etmək istəyirsinizsə, bizimlə əlaqə saxlaya bilərsiniz.
[elaqehollandiya]
