İtaliyada Bakalavr və Magistr Təhsili

İstər təhsil almağa, istərsə də sadəcə tətil üçün gəlməyinizə baxmayaraq İtaliya çox füsunkar bir ölkədir, lakin İtalyan universitetlərində təhsil alan beynəlxalq tələbə olaraq siz hər ikisini də etmə şansını qazana bilərsiniz.

Bu gün də tanıdığımız universitet sisteminin təşəbbüskarı olan, dünyanın ən qədim universitetlərindən biri olan Bolonya Universitetinin vətəni olan İtaliyada bakalavr və magistr təhsili almağı seçsəniz, heç də səhv seçim etməzsiniz.

Reklam

Ən yaxşı İtalyan universitetlərindən birinə müraciət etməyə başlamazdan əvvəl, qəbul prosesi haqqında bəzi faydalı məlumatları bilməyiniz mütləqdir.

İtaliyada təhsil almaq üçün populyar ixtisaslar

İtaliyada bakalavr və magistr təhsili almaq üçün əksər ixtisaslarda istər ingilis dilində, istərsə də italyan dilində təhsil almaq şansı var. Beynəlxalq tələbələrin buraya daha çox cəlb olunması məqsədi ilə ingilis dilində təhsil ala biləcəyiniz ixtisasların sayı isə günü-gündən artır. Nəzərə alınmalı ən populyar seçimlərdən yalnız bir neçəsinə göz atsaq, bunları görə bilərik:

Reklam

Sənaye Dizaynı
İncəsənət
Rabitə Elmləri
Səhiyyə Elmləri
İqtisadiyyat

İtalyan universitetlərinin reytinqləri

Xaricdə təhsil almaq üçün İtaliyadakı ən yaxşı universitetlərə nəzər salmaq istəsəniz, bu zaman dünyada ən məşhur olan iki reytinq göstəricisi əsasında seçilmiş siyahıya baxmaq lazımdır. Burada sizə hər reytinq göstəricisi üzrə ilk on yeri tutan universitetləri təqdim edəcəyik. Ancaq unutmaq olmaz ki, təhsil almaq istədiyiniz ixtisas üzrə bu reytinqlər fərqlilik göstərə bilər. Ona görə də, ixtisas seçiminiz üzrə reytinq göstəricilərinə xüsusi şəkildə baxmağı da unutmayın.

THE World University Rankings əsasında ilk onluq:

167 University of Bologna
170 Sant’Anna School of Advanced Studies – Pisa
181 Scuola Normale Superiore di Pisa
201–250 Sapienza University of Rome
251–300 University of Padua
251–300 Vita-Salute San Raffaele University
301–350 University of Trento
351–400 University of Milan
351–400 University of Milan-Bicocca
351–400 Polytechnic University of Milan

QS World University Rankings əsasında ilk onluq:

137 Politecnico di Milano
160 Alma Mater Studiorum – University of Bologna
171 Sapienza University of Rome
216 Università di Padova
301 University of Milan
308 Politecnico di Torino
383 University of Pisa
392 University of Naples – Federico II
392 Università Vita-Salute San Raffaele
403 University of Trento

Müraciət üçün hazırlıq

İtaliyadakı bir universitetə müraciət etməzdən öncə göstəricilərinizin ali təhsil alacağınız ixtisasın kriteriyalarına uyğun olub olmadığını yoxlamalısınız:

Təhsil haqqını və yaşayış xərclərini gözdən keçirin. İtaliyadakı şəhərlər gözəl ola bilər, ancaq büdcənizə görə kifayət qədər baha da ola bilər.
Maraqlandığınız universitetlə əlaqə qurun və əvvəlcədən bütün suallarınızı yönləndirərək ətraflı məlumat istəyin.
Universitet onlara uyğun olub-olmağınızla əlaqədar sizə rəy verəcəkdir. Qəbul şərtlərinə cavab verdiyiniz təqdirdə, ərazinizdəki İtalyan səfirliyinə və ya konsulluğuna əvvəlcədən müraciət tələbi göndərməlisiniz.
İtaliya səfirliyi və ya konsulluğu müraciət və sənədlərinizi müraciət etmək üçün seçdiyiniz İtalyan ali təhsil müəssisəsinə təqdim edəcəkdir.
İtaliya səfirliyi və ya konsulluğu qəbul olunan namizədlərin siyahısını atətən avqustun sonunda dərc edir.
İtaliyada təqaüd imkanları axtarmağı unutmayın. Xaricdəki təhsilinizi maliyyələşdirmək üçün bir az kömək almaq üçün dövlət təqaüdlərinə və ya universitetlərin öz təqaüdlərinə müraciət edə bilərsiniz. Həmçinin, təqaüdlər merit-based (göstəricilərə əsaslanan) və need-based (ailə vəziyyətinə, ehtiyaclara əsaslanan) olaraq iki yerə ayrılır.

Universitetlərə müraciət məsləhətləri

Qəbul olunmaq üçün müraciət edən tələbələr ümumiyyətlə əvvəlki təhsillərində orta bal göstəricilərinə (GPA – ÜOMG) əsasən qiymətləndirilir. Seçdiyiniz universitetləri araşdırın, əgər bu barədə bir məlumat tapa bilmirsinizsə o zaman birbaşa universitetə müraciət edin və oxumaq istədiyiniz ixtisasa və ali təhsil dərəcəsinə uyğun olmaq üçün lazım olan minimum GPA-yi öyrənin.

Aşağıdakı kimi ixtisaslaşmış təhsil sahələri üçün xüsusi qəbul imtahanlarından keçmək lazım ola bilər:

Tibb
Memarlıq
Mühəndislik

10 və ya 11 illik təhsildən sonra universitetə qəbul olma imkanı olan ölkələrdən olan tələbələr, ümumi 12 illik təhsilə çatmaq üçün iki il və ya bir il boyunca bütün lazımi imtahanlardan keçdiklərini sübut etməlidirlər.

İtalyan universitetlərinə müraciət üçün dil biliyi tələbləri

İtalyan universitetləri həm italyan, həm də ingilis dilində tədris olunan təhsil proqramları təklif edirlər. Bununla yanaşı, İngilis dilində təhsil proqramlarının əksəriyyəti Magistratura və Doktorantura səviyyəsində də mövcuddur.

Bəzi İtalyan universitetlərində italyan dilində tədris olunan dərəcələrə müraciət etmək seçiminiz ola bilər, ancaq tapşırıqları və imtahanları ingilis dilində də verə bilərsiniz. İtaliyadakı universitetlər tərəfindən qəbul edilən dil testləri:

İtalyan dili testləri:

CILS – imtahan İtaliyada və dünya miqyasında İtalyan Mədəniyyət İnstitutlarında verilə bilər
CELI – Perugia Universiteti ilə ortaq şəkildə sertifikatlı mərkəzlərdə imtahan verə bilərsiniz

İngilis dili testləri:

İngilis dilinin bakalavr dərəcəsinin tədris dili olduğunu sübut edə bilən tələbələr (ən azı üç il) hər hansı bir ingilis dili sertifikatı verməkdən azaddırlar.

Universitetə müraciət zamanı tələb olunan sənədlər

Şəxsiyyət vəsiqəsi
Pasport tipli fotoşəkil
Akademik transkript
Universitetə müraciət forması
Sillabus (akademik tədris planınıza uyğun olaraq tamamladığınız kursların və ya təlim fəaliyyətlərinin saatını və kreditlərini daxil etməlisiniz)
CV
Tövsiyə məktubu
Motivasiya məktubu
Dil biliyini təsdiq edən sənəd (İngilis və ya İtalyan)
Portfolio (yalnız memarlıq, şəhərsalma və ya hər hansı bir dizayn proqramına müraciət edənlər üçün)
Tələb olunduğu təqdirdə rəsmi SAT və ya ACT balı

İtaliyan universitetlərinə müraciət tarixləri

Aprel ayının ortasından may ayının ortalarına qədər: Akademik Uyğunluq və Uyğunluq Məktubu (Dichiarazione di Valoro in Loco) almaq üçün İtaliya səfirliyi / konsulluğu ilə əlaqə saxlayın.

Müraciət üçün son tarixlər hər quruma görə dəyişə bilər, buna görə daima maraqlandığınız universitetlə əlaqə saxlayın və mümkün qədər tez müraciət etməyə çalışın.

Qəbul məktubunuzu aldıqdan sonra son addımlar

İtaliyada təhsil almaq müraciət müddətindən sonra bir neçə əlavə addım deməkdir:

Tələbə vizasına ehtiyacınız varsa müraciət edin (əsasən EU / EEA ölkələrindən gələn tələbələr üçün tələb olunur)
İtaliyaya gəlişinizdən sonra səkkiz iş günü ərzində yerli polisə (Questura) qeydiyyatdan keçərək yaşayış icazəsi üçün müraciət edin
Ən azı 30.000 EUR əhatə edən bir tibbi sığorta planı hazırlayın. Avropa Tibbi Sığorta Kartına (EHIC) sahib olan AB vətəndaşları, İtalyan vətəndaşları ilə eyni tibbi xidmətlərdən istifadə edə bilərlər. Həm AB (bir EHIC olmadan), həm də AB xaricindəki vətəndaşlar İtaliyaya yola düşməzdən əvvəl ya öz ölkələrindən sağlamlıq sığortası ödəyə bilər, ya da gəlişindən sonra ən qısa müddətdə satın ala bilərlər. Ayrıca İtalyan Milli Səhiyyə Xidmətinə (Servizio Sanitario Nazionale – S.S.N.) abunə ola bilərlər.
Tələbələr dərslərinə başlamazdan əvvəl İtaliyaya gəldikdəndərhal sonra rəsmi olaraq universitetə qeydiyyatdan keçməlidirlər
Bir İtalyan universitetinə müraciətlə bağlı daha ətraflı məlumat üçün rəsmi veb saytına baxa bilərsiniz: İtalyan Təhsil, Universitetlər və Araşdırma Nazirliyi