Rusiya Federasiyasından sonra ərazicə ikinci ən böyük ölkə olan Ukrayna dövlətinə bir çox gənclərimiz təhsil almaq üçün üz tutur. Ukrayna dövləti qədim tarixi ilə, zəngin memarlıq abidələri ilə və xalqının qonaqpərvərliyi bir çox ölkələrdən fərqlənir. Həmçinin Ukrayna dövlətində təhsilin yüksək səviyyədə olması və Polşa, Macarıstan kimi Avropa ölkələri ilə həmsərhəd olması tələbələrimizin xaricdə təhsil almaq üçün Ukrayna dövlətini seçməsinə səbəb olur. Bununla yanaşı Ukraynada təhsil almağı düşünən tələbələrin maraqlandığı bir mövzu da vardır. Ukrayna universitetlərində təhsil aldıqdan sonra diplomların ölkəmizdə tanınma məsələsidir. Bu məqaləmizdə sizinlə hansı Ukrayna universitetləri diplomlarının ölkəmizdə və hansı səbəblərdən dolayı tanınmamasından bəhs edəcəyik.
Xaricdə təhsil suallaranızı bizə yaza bilərsiz.
Ukrayna Universitetlərinin Diplomunun Tanınmama Səbəbi Nədir?
Ukrayna dövlətində təhsil almağı düşünürsünüzsə ilk növbədə bunu bilməlisiniz ki, Ukrayna universitetləri diplomlarının Azərbaycanda tanınmasına dair iki dövlət arasında 2000-ci ildə müqavilə imzalanmışdır. Həmin müqalivə hələdə qüvvədə olmaqla, tələbələrin Ukraynada təhsil almasına və diplomların tanınmasına fürsət yaradır. Lakin bəzi tələbələr Ukrayna dövlətində təhsil aldıqdan sonra diplomlarının tanınmaması halları ilə qarşılaşırlar. Əlbəttə ki, bəzi səbəblərdən dolayı tələbələr bu problemlə qarşılaşırlar. Buna səbəb olan hallar isə aşağıdakılardır:
- Əgər tələbə təhsil aldığı ali təhsil müəssisəsində tələb olunan müddətdən az iştirak etdikdə diplom nostrifikasiya olunmur yəni tanınmır. Buna görədə dərslərdə olan fəaliyyətinizə və ölkədə qalma müddətinizə diqqətlə yanaşmalısınız. Bu zaman Təhsil Nazirliyi tələbənin xarici passportundakı ölkədən giriş və çıxış möhürlərinə diqqətlə nəzarət edir.
- Təhsilin məzmununu mənimsəmək üçün tələb olunan minimal dil biliklərinə malik olmalısınız. Diplomunuzun tanınması üçün sizdən müsahibə götürülməsinin səbəbi isə məhz budur. Buna görədə müsahibədən uğurla keçmək üçün hansı dildə təhsil alırsınızsa dil bilikləriniz kifayət qədər olmalıdır.
- Universitet diplomlarınızın tanınmasında ən əsas göstəricilərdən biri isə odur ki, əgər sizin əyani və ya qiyabi təhsil aldığınız ixtisas Azərbaycan universitetlərində yalnız əyani formada tədris olunursa, bu halda sizin Ukrayna dövləti universitetlərindən əldə etdiyiniz diplom tanınmayacaqdır. Bu səbəbdən dolayı təhsil almaq istədiyiniz ixtisasın ilk növbədə Azərbaycan universitetlərində hansı formada tədris olunduğuna diqqət etməlisiniz.
Xaricdə təhsil suallaranızı bizə yaza bilərsiz.
Hansı Ukrayna Universitetlərinin Diplomu Tanınmır?
MƏLUMAT 2021-ci ilə aiddir. Xarici universitetlərin diplomları tanınması (nostrtifikasiya olunmasına) Təhsildə Keyfiyyət Təminatı Agentliyi (TKTA) tərəfindən həyata keçirilir. Diplomların tanınmasına görə TKTA-nın saytından qeydiyyatdan keçməklə, tələb olunan sənədləri təqdim etməlisiniz. Sənədlərin qəbulu üçün isə ərizəçilər 250 manat dəyərində xidmət haqqı ödəməlidirlər. Keçən rüb ərzində isə Ukrayna dövlətinin aşağıdakı universitet diplomları tanınmamışdır:
- Ukrayna Dövlət Dəmiryol Nəqliyyatı Universiteti
- Poltava İqtisadiyyat və Ticarət Universiteti
- H.P.Konaviç-Saqaqdaçnıy adına Kiyev Su Nəqliyyatı Universiteti
Son olaraq isə sizlərə xaricdə təhsil yolunuzda uğurlar arzu edirik və bu kimi problemlərlə qarşılaşmamanız üçün diqqətli olmağınızı tövsiyə edirik. Ukraynada təhsil və yaşam ilə əlaqədər ən çox ünvanlanan sualları cavablandırmaq istəyirik:
Təhsil almaq istədiyiniz universitet və ixtisasa görə illik təhsil haqqı qiymətləri 700-4000 dollar arasında dəyişir.
Aylıq yaşam xərcləri əsasən sizin xərclərinizdən asılı olaraq 150-300 dollar arasındadır.
30-40 dollar arasında yataqxanaların qiyməti dəyişiklik göstərir.
Bəli, bunun üçün bizimlə əlaqə saxlamanız kifayət edəcəkdir.
Xaricdə təhsil suallaranızı bizə yaza bilərsiz.
