Təhsil və elm baxımından ideal ölkə olan Almaniya maraqlı şəhərləri və gözəl təbiəti ilə dünyanın dörd bir yanından olan insanları özünə cəlb etməkdədir. Xaricdə təhsil üçün beynəlxalq səviyyədə tələbələrin ən çox seçdikləri ölkələr sırasında üçüncü yerdədir. Neçə yüz illik təhsil sisteminə malik olan Almaniya universitetlərinin diplomları dünyanın digər ölkələrində yüksək səviyyədə qiymətləndirilir və tanınılır. Həm güclü və inkişaf etmiş iqtisadiyyatı ilə, həm də yaşam və həyat keyfiyyətinin yüksək səviyyədə olması ilə tələbələrin ən çox xaricdə təhsil üçün seçdikləri ölkələrdəndir. Almaniyada təqaüdlə təhsil almaq üçün tələbələrin ən çox müraciət etdikləri proqramlardan biri olan DAAD haqqında sizlərə keçən yazımda ətraflı məlumat vermişdim. DAAD Proqramı nədir və bu proqrama kimlər müraciət edə bilər deyə maraq edirsinizsə https://qebulol.az/daad-teqaud-proqrami-nedir/ linkə daxil olub oxuya bilərsiniz. İndi isə sizlərə bu proqrama qəbul şərtləri haqqında ətraflı məlumat vermək istəyirəm. Elə isə gəlin başlayaq!
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
Proqrama Qəbul Tələbləri Nələrdir?
Öncəliklə bunu qeyd etməliyəm ki, DAAD Azərbaycan üçün bakalavr təqaüdü vermir. Yəni siz bu proqrama magistr və doktorantura təhsili almaq üçün müraciət etməlisiniz. DAAD proqramlarında iştirak üçün yaş məhdudiyyəti olmasa da, sizin gerək son təhsil müddətinizdən 6 il keçməsin. DAAD proqramnın çox saylı təqaüdləri olduğundan dolayı siz həmin təqaüdlərlə tanış olduqdan sonra öz proqramınızı seçib şərtlərə görə müraciət etməlisiniz. Həmin təqaüdlər nələrdir?
- Magistr tələbələri üçün təqaüd proqramı
- Doktorantura və tədqiqat təqaüdü
- Məzunlar üçün təqaüd proqramları
DAAD təqaüdlərinin əksəriyyəti tələbənin Almaniyada bütün xərclərini qarşılamaqdadır. Bura magistr tələbələri üçün aylıq 850 avro, tibbi sığorta xərcləri və həmçinin səyahət xərcləri də daxildir. Doktoratura tələbələri üçün isə aylıq 850-1200 avro təqaüd, tibbi sığorta və səyahət xərcləri də daxildir. Tələbə qəbul seçimi isə təqaüd proqramından asılı olaraq aparılır. Proqrama qəbul üçün isə ümumi tələblər bunlardır:
- Müraciət edən ərizəçinin ən azı iki illik iş təcrübəsi olmalıdır.
- Seçdiyiniz ixtisasın tədris olunma dilindən asılı olaraq İngilis və Alman dillərini bildiyinizə dair sertifikitalarınız olmalıdır. İELTS və ya TOEFL sertifikatınız olmalı və imtahan balınız qəbul olmaq istədiyiniz ixtisasın şərtlərinə cavab verməlidir. Diqqət etməlisiniz ki, hər bir universitet qəbul üçün imtahan nəticəsini özü müəyyən edir. Bəzi ixtisaslar isə hər iki dildə tədris olunduğundan dolayı ixtisas seçimində buna da diqqət etməlisiniz.
- Motivasiya məktubu təqdim etməlisiniz.
- Almaniyaya 6 aydan çox müddətə getmək istəyirsinizsə son təhsil dərəcənizi yaşadığınız ölkədən əldə etməlisiniz.
DAAD təqaüd proqramlarına müraciət edərkən tələb olunan sənədlərin notarial və ya Almaniyanın Bakıdakı Səfirliyi tərəfindən təsdiqinə ehtiyac yoxdur. Sənədlər isə ingilis və ya alman dillərində təqdim olunmalıdır. Tələb olunan sənədləri isə həm online , həm də kağız formasında təqdim etməlisiniz. Hər bir təqaüd proqramına müraciət isə müxtəlif tarixlərdə olur. Tarixlərlə və təqaüd proqramları ilə yaxından tanış olmaq istəyirsinizsə https://www.daad.az/az/teqaud-axtarisi/azerbaycan-uchun-daad-teqaudleri/ linkə keçid edə bilərsiniz. Əsasən son müraciət tarixləri hər ilin payız aylarına qədər davam edir. Proqrama qəbul üçün imtahanı uğurla verdikdən sonra sizdən müsahibə götürülür. 15 dəqiqə davam edən müsahibə proqrama qəbul üçün əsas amildir. Burada sizin şəxsi keyfiyyətləriniz, bilik və bacarıqlarınız , proqrama qəbul üçün şəxsi motivasiyanız barəsində suallar verilir.
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
Son olaraq sizlərə xaricdə təhsil yolunuzda QəbulOl şirkəti adından uğurlar və müraciət etdiyiniz hər bir proqramdan qəbul cavabı almağınızı arzu edirəm! Sizi Almaniyada yaşam barəsində maraqlandıra biləcək bəzi suallara ise cavab vermək istəyirəm:
Digər Avropa ölkələrinə nisbətən Almaniyada yaşam düşünüldüyü qədər bahalı deyil. Əsasən sizin xərcləməyinizdən asılı olaraq aylıq yaşam xərcləri 700-850 avro yəni 1400-1700 manat arasında dəyişir.
Qalmaq istədiyiniz evin şəraitindən və universitetə yaxınlığından asılı olaraq 300-550 avro yəni 600-1100 manat arasında dəyişir.
Biletlərin qiyməti 100 manatdan başlayır.
Xeyr, bu əsas tələb olmasada daha sonra alman dili kurslarında iştirkak etməniz məcburidir.
P.S. Təqaüdlərlə bağlı ətraflı məlumat almaq istəyirsinizsə digər məqalələrimizi də oxuya bilərsiniz:
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
