Bir çox gəncin və tələbənin arzusu xaricdə təhsil almaq, müxtəlif seminarlara və programlara qatılmaq və xaricdə yaşamaqdır. Bu arzuların reallaşması üçün ən effektiv və hamı tərəfindən bilinən yol tələbə mübadilə programlarına qoşulmaqdan ibarətdir. Tələbə Mübadilə Programlarının ən məşhuru və tələbələrin ən çox faydalandığı program isə Erasmusdur. Birazdan bu proqram haqqında bütün maraq etdiklərinizə ətraflı cavab tapacaqsınız. Elə isə gəlin başlayaq!
Erasmus Programı Nədir?
Açılışı European Region Action Scheme for the Mobility of University Students olan tələbə mübadilə programı Erasmus 1987-ci ildə yaradılmışdır. 2014-cü ildən etibarən isə Erasmus+ və ya Erasmus Plus programı ilə yüzlərlə gənc təhsil, təlim və idman sahələrini əhatə edən təlim və seminarlarda, təcrübə proqramlarında iştirak etmişdir. Avropa Birliyi tərəfindən yaradılmış ve universitetlər arasında əməkdaşlıq çərçivəsində maliyyələşdirilən program bakalavr və təhsilinin növbəti pillələrini davam etdirmək istəyən tələbələr, xaricdə yaşamaq istəyən şəxslər və karyeralarında yüksəlmək üçün müxtəlif təcrübə proqramlarda iştirak etmək istəyən gəncləri özündə birləşdirən möhtəşəm sistemdir. Proqram çərvisində tələbələrin uçuş bilətlərinin məbləği qarşılanır və aylıq yaşam xərclərinin qarşılanması üçün tələbələrə hər ay 850 EURO təqaüd verilir.
Programın Neçə Növü Var?
Erasmus Programının 3 növü var: erasmus exchange (mübadilə), erasmus mundus və erasmus təcrübə
Programın bu növü bakalavr magistr və doktorantura təhsili almaq istəyən gənclər üçün nəzərdə tutulmuşdur. Və program vastiləsi tələbələrə hər təhsil səviyyəsi üzrə bir smestr (bəzən 2 smestr ola bilir) təhsil almaq şansı verilir. Proqram çərçivəsində müxtəlif ölkə və universitetlər var ki, siz onlara müraciət edib 1 və ya 2 smestr qəbul olunduğunuz universitetdə təhsil ala bilərsiniz.
Rəqabəti güclu olan bu proqram növü magistr və doktorantura səviyyəsi üzrə təhsil almaq istəyən tələbələr, akademik fəaliyyətlə məşğul olmaq istəyən şəxslər üçün nəzərdə tutulmuşdur. Hansı ki , siz bakalavr təhsilinizin sonuncu kursunda proqrama müraciət etməlisiniz.
Bu program növündə isə Avropanın müxtəlif ölkələrində karyera inkişafı üçün müxtəlif təlim və seminarlarda iştirak etmək imkanı yaradılmışdır. Proqram çərçivəsində siz Avropanın bir çox nüfuzlu şirkətlərində təcrübə keçmek şansı əldə edirsiniz. Avropanın prestijli universitelərində təlim və seminarlara qoşulmaq imkanı əldə edirsiniz. Təcrübə proqramları həm ödənişli həm də ödənişsiz ola bilir.
Üstünlükləri Nədən İbarətdir?
Ən birinci üstünlüyü ondan ibarətdir ki, siz bu proqram vasitəsilə Avropanın 36 fərqli ölkəsində və 1000-dən çox TOP universitetlərində 3 ilə 12 ay müddəti ərzində təhsil ala və xarici təcrübə əldə edə bilərsiniz. Bilik və bacarıqlarınızı artıra, dil biliklərinizi inkişaf etdirə, fərqli mədəniyyətlərlə tanış olub, fərqli ölkədən dostluqlar qazana networking edə biləcəksiniz. Belə ki, siz ölkəyə qayıtdıqdan sonra iş tapmaq şansınız digər namizədlərə görə daha çox yüksəkdir. CV-nizdə məsələn “Mən İtaliyada yaşadım və orada italyan dilini öyrəndim, müxtəlif şirkətlərdə təcürbə proqramlarına qoşuldum” deyə qeyd etməklə digər namizədlərdən 1-0 öndə olmaq şansını əldə etmiş olursunuz. Hər il 600-dən çox azərbaycanlı tələbələr bu proqrama müraciət edir və keçən il isə 23 azərbaycanlı tələbə Erasmus proqramı vasitəsilə magistr təhsili almaq üçün təqaüd əldə edib. Elə isə sizdə 1 smestrlikdə olsa bu proqramda iştirak etməklə çox şey qazanmış olacaqsınız!
Digər Təqaüd Proqramları ilə tanış olmaq istəyirsinizsə Təqaüd Proqramları məqaləmi oxuya bilərsiniz. “Erasmus Proqramına qəbul olmaq üçün nə etməliyəm?” və “Hansı universitetlər bu proqramla əməkdaşlıq edir?” deyə maraq edirsinizsə səhifəni izləmədə qalın! Sizlər üçün bu mövzular barəsində ətraflı postlar paylaşacam. Xaricdə təhsil yolunuzda Uğurlar!
