Karyera-iş həyatında şəxsin müəyyən hədəfə çatmaq üçün əməklə özünü ifadə etmək yoludur. Həyatın hər bir sahəsində olduğu kimi, karyerada da müəyyən hədəflərə çatmaq, istədiklərimizi reallaşdırmaq və potensialımızı üzə çıxartmaq üçün şəxs qarşına hədəflər qoymalarıdır. Bu hədəflər toplusu isə Karyera Planlamasıdır. Bütün bunların reallaşması üçün xatırlamamız gərəkən ən vacib amillər isə çalışma, iradə və düzgün planlamadır. Karyera planlaması iş həyatında uğur əldə etmək istəyən hər bir şəxs tərəfindən edilməlidir.
Karyera Planlamasına Nə Vaxt Başlamalı?
Siz yanlış ixtisas seçimi ilə 4 ilinizi itirə bildiyiniz halda, yanlış karyera seçimi ilə illərinizi hətta bütün ömrünüzü sərf edə bilərsiniz. Bu yanlışı etməmək üçün ilk növbədə düzgün ixtisas seçimi etməli və bu seçimi “Universitetə qəbul balım hara uyğundursa o ixtisasa qəbul olaram” düşüncəsinə, müəllimlərinizə və hətta valideynlərinizə belə həvalə etməməlisiniz. Potensialınıza və bacarığınıza əsasən, həvəs və istəyiniz hansı ixtisasa uyğun gəlirsə o ixtisası da seçməlisiniz. Bir nüansada diqqət etməlisiniz ki, əmək bazarında hansı ixtisaslar aktualdır və seçəcəyiniz ixtisasın gələcəyi nədir.
Əlbəttə ola bilsin ki, siz artıq ixtisasınızı seçmisiniz və təəssüfki gələcəkdə o ixtisası icra etmək istəmirsiniz. Karyera planlaması hər yaşda, istənilən zamanda yenidən edilə bilər. Yeter ki özünüzə inanın və seçəyiniz ixtisası icra etməkdən yorulmayasanız. Bəs düzgün ixtisas seçimində və karyera planlamasında nələrə diqqət etməliyik?
Özünüzü Tanıyın! – bu amil ixtisas seçimində və düzgün karyera planlamasında ən vacib rol oynayır. “Mənim bacarıqlarım və qabiliyyətlərim nələrdir? İş həyatında özümü harda görürəm? İş həyatından gözləntilərim nələrdir? Hansı işi görməkdən zövq alıram və onu icra etməkdən yorulmuram?” Bu sualları özünüzə verin və səmimi şəkildə öz istəklərinizə uyğun, heç kimin gözləntilərini qarşılamadan cavablandırın. Və təbii olaraq bu sualların cavabına bir anda cavab verə bilməzsiniz, lakin zamanla, tələsmədən səbrlə qəlbinizin səsini dinləyərək cavablamağa çalışın. Əsas odur ki, verəceyiniz hər bir qərardan əmin olun və kiçik addımlarla başlayın. Seçəcəyiniz sahəyə uyğun təcrübə proqramlarına və könüllü işlərə qoşulun. Artıq bunları edərkən özünüzə olan inamınız və zamanla təcrübəniz artacaqdır.
Əmək Bazarını Araşdırın! – ilk addımı artıq atdınız özünüzü tanıdız və ixtisasınızı seçdiniz. İkinci əsas addım isə əmək bazarını öyrənmək və əmək bazarının tələblərini bilməkdir. Bunun üçün isə oxuduğunuz və yaxud seçdiyiniz ixtisasa uyğun iş sahələrini və perspektivlərini araşdırmaq və vakansiyalarla yaxından tanış olmaq lazımdır. İş saytlarında mövcud olan bütün vakansiyalara baxa və tələbləri öyrənə bilərsiniz. Məsələn siz Marketinq ixtisasını seçmisiniz. Əmək bazarında bu sahəyə çox böyük tələbat vardır və günü-gündəndə artmaqdadır. Digital dünyanın həyatımızdakı təsiri artmaqlada marketingə olan tələbatla əmək bazarında mütəxəssislərə və menecerlərə olan ehtiyacda artmışdır. Digital Marketing Meneceri və bu sahənin ixtisaslaşmiş SMM Meneceri, Reklam və PR meneceri olaraqda sahələrində freelancer olaraq ofisə getmədən çalışa bilərsiniz. Kifayət olan odur ki, ingilis dil bilikləriniz bu iş sahələrində tələb olunan səviyyədə olsun.
Portfolionuzu və Fəaliyyət Planınızı Hazırlayın! – yəni təhsil, ixtisas, bacarıq, təlim, təcrübə və s. harda və necə iştirak etməyiniz lazımdırsa onu mükəmməl şəkildə hazırlayın və lazımi ünvanlara və şəxslərə müraciət edin. Karyeranız boyu bütün bunlar sizə işıq tutacaq və çatmaq istədiyiniz zirvəyə, hədəfə və nöqtəyə bir o qədər tez çatacaqsınız. Hal-hazırda çalışdığınız ixtisasda daha da irəli getmək üçün lazımi olan bilik və bacarıqlara, texniki detalları bilməyə olan həvəs və zamanınız nə qədər çoxdursa həmin detallarda sizə bir o qədər üstünlük qazandıracaqdır.
Yekun olaraq sizlərə QəbulOl şirkəti adından iş həyatınızda və karyera planlamanızda uğurlar arzu edirəm!
Xaricdə təhsil suallaranızı bizə yaza bilərsiz.
