Bəzi hallarda tələbələr yanlış ixtisas və ya universitet seçimi edə bilirlər. Universitetə yeni qəbul olma həyəcan və sevinci üzündən və ya universitet seçimində qəbul balım hara uyğundursa o universitet və ixtisasları yazma düşüncəsi səbəb ola bilir. Çox əfsuslar olsun ki, bəzi hallarda isə bir çox valideynlər təzyiqlə övladlarını öz istədikləri ixtisas və universitetlərə qəbul olmağa məcbur və vadar edirlər. Bu zaman tələbələr ya qəbul olduğu universiteti bitirməli, ya da öz istədikləri ixtisas və universitetlərə köçürülməlidirlər. Bu yazımızda sizlərə ixtisası necə dəyişmək və başqa universitetlərə köçürülmə qaydaları haqqında ətraflı məlumat verəcəyik. Elə isə gəlin çox vaxt itirmədən ilk sualdan başlayaq!
İxtisası Necə Dəyişmək Olar?
Ali təhsil müəssisələrinin bakalavriat və ya magistratura səviyyələrində, həmçinin orta ixtisas təhsili üzrə ixtisasını və ya universitetini dəyişdirmək, habelə xarici ölkə ali təhsil müəssisələrində təhsil alan tələbələrin köçürülməsi prosesi Azərbaycan Respublikasının Təhsil Nazirliyi tərəfindən yaradılmış portal vasitəsilə həyata keçirilir. Həmin portal transfer.edu.az adlanaraq, tələbələrin köçürülməsi sistemini təmin edir. Əgər siz ixtisasınızı və ya universitetinizi dəyişmək istəyirsinizsə, həmin portalda qeydiyyatdan keçməli və öz şəxsi kabinetinizi yaratmalısınız. Daha sonra isə tələb olunan prosedurları həyata keçirməlisiniz. Qeydiyyat prosedurunu uğurla həyata keçirdikdən sonra, universitetə qəbul imtahanında topladığınız bal ekranda göstəriləcəkdir. Həmin bala uyğun olaraq, ölkə daxilində hansı ali təhsil müəssisəsinə və hansı ixtisasa köçürülə biləcəyinizi əks etdirən siyahı əldə edəcəksiniz və həmin siyahı vasitəsilə siz seçim edə bilərsiniz. Bu prosedurların həyata keçirilməsi üçün sizə sadəcə şəxsiyyət vəsiqəsi və imtiyazlı ailəsizsə onu təsdiq bu kimi başqa sənədlər lazım olacaqdır.
Hansı Hallarda Tələbə Ödəniş Etməlidir?
Əgər tələbə ali təhsil müəssisəsində ödənişli əsaslarla təhsil alırsa, tranfer olunduğu universitetədə ixtisas fərqi olmadan ödəniş etməlidir. Yox əgər tələbə dövlət əsasında təhsil alırsa, yəni ali təhsil müəssisəsinə heç bir ödəniş etmirsə ixtisas dəyişimi etdiyi zaman, yəni qəbul olduğu ixtisası başqa bir universitetdə oxumaq istəyirsə, yenədə ödənişsiz təhsil alacaqdır. Həmçinin müəyyən güzəştlərlə təhsil alan tələbələrdə qəbul olduqları ixtisası başqa ali təhsil müəssisəsində güzəştli şəkildə oxuyacaqdır. Yekun sözlə bildirsək, universitet dəyişimi etdikdə qəbul olduğunuz üzrə ödənişli və ya dövlət əsaslı təhsil alacaqsınız. Yalnız ödənişsiz şəkildə təhsil alırsınızsa, başqa ixtisasa transfer olunmaq istədikdə bu zaman ödənişli şəkildə təhsil alacaqsınız.
Həmçinin tələbələr portalda niyə tranfer olunmaq istədiklərini əsaslı şəkildə bildirməlidirlər. Çünki həmin suala cavab əsasında sizə ətraflı kömək olunacaqdır. Sizə təqdim olunan siyahıdakı ixtisaslar isə sizin universitə qəbul olduğunuz il üzrə formalaşan nəticələrdir.
İxtisas və universitet dəyişimi prosesində ən çox ünvanlanan suallar:
Xüsusi ali təyinatlı universitetlər istisna olmaqla, digər bütün universitetlərdə təhsil alan tələbələrə şamil olunur.
Bəli, əgər qəbul olunan il üzrə həmin ixtisasa o balla qəbul olmaq mümkün olubsa transfer olunmaq alınacaqdır.
Həmin ixtisas üzrə oxuma istəyinin olmaması, ailə vəziyyətinin dəyişilməsi (evli və ya subay) ,ünvanın dəyişdirilməsi və s. bu kimi səbəblər qeyd oluna bilər.
Tədris ilinin ikinci smestrində həyata keçirilir.
Xaricdə təhsil suallaranızı bizə yaza bilərsiz.
