Məktəbəqədər təhsil müəssisələri məktəb yaşına çatmamış uşaqlar üçün açılmış, oyun və tərbiyənin birgə verildiyi müəssisələridir və ümumiyyətlə, məktəbəqədər təhsil müəssisələrinə 3-6 yaş arası uşaqlar qəbul edilir.
Məktəbəqədər təhsil müəssisələri uşaqları ibtidai təhsilə hazırlayır və eyni zamanda, zəka inkişafının və öyrənmə bacarıqlarının ən sürətlə irəlilədiyi yaş olan 0-7 yaş arası uşağa öz töhfəsini verir. Ölkəmizdəki ailələrin bu mövzuda bir az da məlumatlı oması lazımdır. Bütün dünyada uşaq bağçası təhsil həyatının ilk addımı olduğu üçün son dərəcə vacibdir.
Məktəbəqədər təhsil niyə vacibdir?
Uşaqlar ibtidai məktəbə başlayanda bir çox faydalı şeyləri öyrənmələri üçün məktəbəqədər təhsil vacibdir. Araşdırmalar göstərir ki, bağçaya gedən uşaq getməyən uşaqdan daha yüksək qiymətlərlə orta məktəbi bitirir, amma məktəbəqədər təhsilin faydası təkcə bunda da deyil. Bu məqaləmizdə məktəbəqədər təhsilin uşaqlar üçün düşündüyünüzdən də vacib olmasının səbəbini bir neçə başlıq altında sadaladıq…
Uşaqların sosial bacarıqlar qazanmasına yardımçı olur
Sosial bacarıqların əldə edilməsi 2 yaşdan 5 yaşa qədər uşaqlar üçün çox vacibdir. Məktəbəqədər təhsilə gedən uşaq müxtəlif tədbirlərdə iştirak edərək, digər uşaqlarla ünsiyyət quraraq buna nail olur və növbə gözləmək, müxtəlif göstərişlərə əməl etmək, digər uşaqlarla oyun oynamaq, birlikdə musiqi dinləmək, mahnı oxumaq və s. bir çox sahədə təcrübə qazanırlar.
Məktəbəqədər təhsil uşaqları məktəb həyatına hazırlayır
Məktəbəqədər təhsilə getməyən uşaqlar ibtidai təhsilə başlayanda analarından ayrılmaqda çətinlik çəkir və məktəb-ailə-uşaq üçbucağında problemlər yaranır. Bundan əlavə, uşaqların ibtidai təhsildə etməli olduqları təlimatları, qaydaları və müxtəlif nizamnamələri öyrənməkdə və onlara əməl etməkdə çətinlik çəkdikləri müşahidə edilir. Məktəbəqədər təhsildə müəllimlər uşaqları ictimailəşməyə, yaxşı davranış etdirməyə və göstərişlərə əməl etməyə öyrədirlər və beləliklə, uşaqlar məktəb həyatına daha hazırlaşır və asanlıqla uyğunlaşa bilirlər.
Məktəbəqədər təhsil müəssisələrinə elektron qəbul nə vaxt başlayır?
18 iyul 11:00-dan etibarən 2022-2023-cü il tədris ili üçün məktəbəqədər təhsil müəssisələrinə uşaqların qəbulu prosesinə start verilmişdir və proses 14 sentyabr tarixinədək davam edəcəkdir. Uşaqların qəbulu “Məktəbəqədər təhsil müəssisələrinə elektron sənəd qəbulu sistemi” vasitəsilə həyata keçiriləcəkdir. Belə ki, valideynlər sistem üzrəində qeyd edilən tarix və saatdan etibarən elektron kabinet yaratmaq və qeydiyyatdan keçəm imkanı əldə edəcəklər.
İyulun 22-dən etibarən Mərkəzi Aran Regional Təhsil İdarəsinin tabeliyində olan şəhər və rayonlar üzrə (Mingəçevir, Ağdaş, Göyçay, Kürdəmir, Ucar, Yevlax, Zərdab), iyulun 26-sı tarixindən etibarən isə Bakı şəhəri, avqustun 2-dən etibarən isə ölkə üzrə bütün valideynlər uşaqların məktəbəqədər təhsil müəssisələrinə qəbulu ilə bağlı növbəyə yazıla biləcəklər.
Valideyn (qanuni nümayəndə) tərəfindən yerləşdirilmiş növbələr 1 ay müddətində boş yerlər olduğu halda sorğuya çevriləcəkdir. Valideyn (qanuni nümayəndə) sorğusu qəbul edildikdən sonra 15 iş günü ərzində sənədləri müvafiq təhsil müəssisə təqdim etməlidir, əks halda sorğu sistem tərəfindən silinəcək və növbəli şəkildə başqa uşaqların qəbulu aparılacaqdır.
Qeyd edək ki, elektron qəbul sistemi komplektləşmə prosesi bitdikdən sonra uşaqların məktəbəqədər təhsil müəssisələrində boş yerlərə qəbulu il boyu davam edəcəkdir.
