Hər il dünyanın dörd bir yanından minlərlə tələbə təhsil almaq üçün Avropa ölkələrinə müraciət edir. Bunun ən başlıca səbəblərindən isə Avropa ölkələrində yüksək keyfiyyətli təhsil sistemi, uyğun qiymətli ali təhsil müəssisələrinin və digər ölkələrə nisbətən aylıq yaşam xərclərinin münasib və universiteti bitirdikdən sonra isə geniş iş imkanlarının olmasıdır. İtaliya, Almaniya, Polşa, Macarıstan kimi ölkələr isə Avropanın təhsil sistemi ilə fərqlənən ölkələridir. Lakin Avropa ölkələrində təhsil almaq əcnəbi tələbələr üçün baha başa gəlir. Bu zaman tələbələr Avropa ölkələrində təhsil almaq arzularını təqaüd proqramları vasitəsilə həyata keçirirlər. Bu məqaləmizdə isə sizinlə Avropa ölkələrində təhsil almaq üçün 3 fərqli təqaüd seçimindən bəhs edəcəyik. Bildiyiniz kimi təqaüd proqramları hökumət, universitet və təşkilatlar tərəfindən maliyyələşdirilir. İlk olaraq Avropa hökuməti tərəfindən maliyyələşdirilən təqaüd proqramlarından başlayaq!
Xaricdə təhsil suallaranızı bizə yaza bilərsiz.
1.Avropa Ölkələri Hökumət Təqaüdləri
Avropanın Fransa, Almaniya, Norveç və İtaliya kimi ölkələrində təhsil almaq əminliklə deyə bilərəm ki, bir çox gəncin arzusudur. Lakin bu ölkələrdə aşağı ödənişli və ya pulsuz təhsil imkanlarının olmasına baxmayaraq, bu gün Paris, Milano London kimi şəhərlərdə aylıq yaşam xərclərinin yüksək olması nədəni ilə hər bir tələbənin təqaüdlə təhsil almaq və xərclərini qarşılamaq üçün maddi baxımdan dətək almaq arzusu vardır. Avropada təqaüdlə təhsil almaq üçün müraciət edə biləcəyiniz hökumət tərəfindən maliyyələşdirilən təqaüd proqramları bunlardır:
Xaricdə təhsil seçimini Hollandiya ölkəsi olaraq etmisinizsə, Hollandiya Milli Təhsil Nazirliyinin bakalavr və magistr dərəcələri üçün təqdim etdiyi təqaüd proqramlarına müraciət edə bilərsiniz. Tələbələrə ildə yalnız bir dəfə verilən təqaüdlər 5000 avro dəyərindədir. Təqaüd proqramına isə ildə iki dəfə fervral və ya mart aylarında müraciət edə bilərsiniz.
İngiltərə hökumətinin təqdim etdiyi təqaüd proqramı olan Chevening magistr dərəcəsi üzrə təhsil almaq istəyən elm adamları, siyasətçilər və sənətçilər üçün nəzərdə tutulmuşdur. Chevening dünyanın ən nüfuzlu təqaüd proqramı olaraq tələbələrin illik təhsil haqqı ödənişlərini, aylıq yaşam, viza və səyahət xərclərini əhatə edir.
Avropanın qədim təhsil sistemi ilə fərqlənən İtaliya ölkəsində təqaüdlə təhsil almaq üçün hökumət tərəfindən maliyyələşdirilən digər bir proqram isə İnvest Your Talent in İtaly-dir. Təqaüd proqramı çərçivəsində tələbələrin 9 aylıq təhsil müddətindəki xərclərini əhatə edir.
Danimarka Hökuməti AB birliyinə üzv olmayan ölkələrin tələbələri üçün aspirantura təhsili almaq üçün nəzərdə tutulmuş təqaüd proqramı təklif edir. Təqaüdlərdən yararlanmaq üçün magistratura proqramına öncədən qeydiyyat keçməli və sentyabr-fevral ayları arasında son müraciət tarixləri bitmədən müraciət etməlisiniz. Əlavə olaraq isə təqaüdlər iki şəkildə, yaşayış və ya təhsil haqqı xərclərini qarşılamaq məqsədi ilə verilir.
Xaricdə təhsil suallaranızı bizə yaza bilərsiz.
2.Avropa Universitet Təqaüdləri
Dünyanın ən yaxşı universitetlərinə ev sahibliyi edən Avropa ölkələrində təhsil almaq istəyən tələbələr üçün universitetlər geniş təqaüd imkanları təklif etməkdədir. Maliyyə dəstəyi alacağınız təqaüd proqramı və miqdarı universitetə, ixtisasa və dərəcəyə görə dəyişiklik göstərsədə, təhsil haqqınıznı tamamını və ya yarısını əhatə edir. Avropada təqaüdlə təhsil almaq üçün müraciət edəcəyiniz universitet təqaüd proqramları əsasən bunlardır:
Leiden universiteti hər il hüquq, elm, tibb və arxeologiya ixtisaslarında təqaüdlə magistr təhsil almağı fürsəti yaradır. Təqaüd proqramında iştirak etmək üçün müraciətlərinizi fevral ayına qədər etmiş olmalısınız. Təqaüdün miqdarı isə 10.000 ilə 15.000 avro arasındadır.
Siences Po təhsil təşkilatı Fransada bakalavr və magistr dərəcələri üzrə təqaüdlə təhsil almaq istəyən namizədlərə təqaüd qazanmaq imkanı verir. Bakalavr proqramları üçün təqaüd miqdarı 3000-12.300 avro arasında olmaqla siz gərək müraciətlərinizi aprel ayına qədər, magistr proqramlarında isə təqaüdün miqdarı 5000-15.000 avro arasındadır. Magistr proqramlarında təqaüdlə təhsil almaq üçün isə yanvar ayına qədər müraciətlərinizi tamamlamış olmalısınız.
İtaliyanın ən qədim və ilk universiteti olan Bologno universitetinin təqdim etdiyi təqaüd proqramı beynəlxalq tələbələrin bakalavr və magistr dərəcələri üzrə təhsil alması üçün nəzərdə tutulmuşdur.
ETH Zurich universiteti hər il magistr dərəcəsi üzrə təhsil almağı istəyən əcnəbi tələbələr üçün nəzərdə tutulmuş digər bir təqaüd proqramıdır. Təqaüd proqramına son müraciət tarixi 15 dekabr olmaqla, təqaüd proqramı çərçivəsində tələbənin təhsil haqqı ödənişlərini və aylıq yaşam xərclərini qarşılamaq üçün 9.600 avro ödənilir.
Digər bir universitet təqaüd proqramı olan Radboud Universiteti yenədə Avropa Birliyinə üzv olmayan ölkələrdən olan namizədlərin magistr dərəcəsi üzrə təhsil alması üçün təhsil və yaşam xərclərini qarşılayır. Həmin təqaüd proqramına isə hər il üzrə 30 namizəd qəbul olunur.
Cambridge universitetində doktorantura proqramlarında təhsil almaq istəyən beynəlxalq tələbələr üçün nəzərdə tutulmuş təqaüd proqramına isə son müraciət tarixi Dekabr ayıdır. 
İtaliyanın texniki universitetləri arasında ən yaxşı universitet sayılan Politecnico Universiteti beynəlxalq tələbələr üçün təqaüd proqramları yaratmışdır. Həmin təqaüd proqramının miqdarı universitetin ixtisaslarına görə dəyişilik göstərdiyi halda 5000-10.000 avro arasındadır.
Upsala Universiteti İPK təqaüd proqramı magistr dərəcəsi üzrə AB-ə üzv olmayan ölkələrdən olan tələbələrin təhsil haqqını qarşılayan maliyyə dəstəyidir. Təqaüd proqramına son müraciət tarixi isə 1 Fevraldır və proqrama qəbul olunmaq üçün akademik nəticələriniz yüksək olmalıdır.
Son Avropa universitet təqaüd proqramı olan Dubline Universiteti biznes ixtisası üzrə magistr proqramlarında təhsil almaq üçün əcnəbi tələbələrə təqaüd verir. Birinci il üzrə təqaüd proqramının miqdarı 1000 avro dəyərindədir.
Xaricdə təhsil suallaranızı bizə yaza bilərsiz.
3.Təşkilatlar Tərəfindən Verilən Təqaüd Proqramları
Avropa ölkələrində təqaüdlə təhsil almaq istəyən tələbələr üçün nəzərdə tutulan digər bir təqaüd proqramları isə təşkilatlar tərəfindən verilən təqaüdlərdir. Tələblərin akademik göstəricilərinə və universitet qiymət ortalama nəticələrinə (GPA) əsasən verilən maddi yardımlar adətən yüksək nəticə göstərən tələbələrə verilir. Həmin təqaüd proqramları isə bunlardır:
Xaricdə təhsil almaq istəyən tələbələrin ən çox yararlandığı təqaüd proqramıdır. Erasmus Mundus proqramı Avropanın 26 ölkəsində yerləşən prestijli universitetlərdə təqaüdlə təhsil almaq imkanı yaradır. Təqaüd proqramı vasitəsi ilə biznesç hüquqç mühəndislik və s. bir çox ixtisaslarda həm bakalavrç həm də magistr dərəcəsi üzrə təhsil ala bilərsiniz.
Almaniyada yerləşən Henrich Böll Stiftung Dərnəyi magistr və doktorantura səviyyələrində təhsil almaq istəyən beynəlxalq tələbələrə təqaüdlə təhsil almaq üçün maliyyə dəstəyi verir. Son müraciət tarixinin 1 Mart olduğu təqaüd proqramında iştirak etmək üçün ilk tələb yüksək səviyyədə alman dil biliklərinə sahib olmalısınız.
Son olaraq isə sizlərə Avropada təhsil yolunuzda uğurlar və müraciət etdiyiniz hər bir təqaüd proqramından qəbul cavabı almağınızı arzu edirik! Təqaüd proqramlarını tapmaq üçün isə Xaricdə Təhsil üçün Təqaüd proqramlarını Necə Tapmalı? adlı məqaləmizi oxumanızı tövsiyə edirik. Məqalədə paylaşılan saytlar vasitəsilə yuxarıda qeyd olunan bütün təqaüd proqramlarını tapa bilərsiniz.
Xaricdə təhsil suallaranızı bizə yaza bilərsiz.
