Türkiyədə təhsil

Boğaziçi Universitetində Magistr Təhsili Almaq – 2024 Türkiyədə Təhsil

150 ildən çox tarixə malik olan Boğaziçi Universiteti Türkiyə dövlətinin ən nüfuzlu və beynəlxalq statusa malik olan dövlət universitetlərindən biridir. Boğaziçi Universiteti təhsildə və tədrisdə fərq yaradacaq qabaqcıl mövqeyə sahib olan universitetlər sırasında öz yerini almışdır. Universiteti təşkil edən akademik heyət savadlı və peşakar pedaqoqlardan ibarətdir. Təhsil və tədris sistemi ilə bütün dünyaya səs salmış Boğaziçi universiteti 6 kampusa 14.500 tələbəyə sahibdir. Bu günə qədər dünyanın bütün nöqtələrinə yayılmış və uğurlu karyeralara sahib 53.000 məzun yetişdirmişdir. Yüksək keyfiyyətli təhsil sisteminə malik olan Boğaziçi Universitetində təhsil almaq üçün hər il dünyanın dörd bir yanından 1850 beynəlxalq tələbə müraciət edir. Ancaq bu universitetdə təhsil almaq isə hər tələbəyə nəsib olmur. Çünki beynəlxalq standartlarda təhsil verən Boğaziçi universiteti qəbul prosesində son dərəcə seçici olmaqla, ən yüksək akademik nəticələrə malik olan savadlı və qəbul prosesi üçün tələb olunan şərtlərə cavab verən tələbələri təhsil almaq üçün qəbul edir. İndi isə sizi qəbul prosesində tələb olunan akademik göstərici və şərtlərlə tanış edəcəyik.

Xaricdə təhsil suallaranızı bizə yaza bilərsiz.

1.Magistratura Təhsili üçün Giriş İmtahan Nəticələri

Namizədlərin Boğaziçi universitetində magistratura proqramlarında təhsil ala bilməsi üçün müəyyən olunmuş bəzi imtahanlarda iştirak etmələri və tələb olunan minimal nəticələri toplamaları lazımdır. Həmin imtahanlardan isə əsasən ALES, GRE və ya GMAT nəticələri tələb olunmaqdadır. Ancaq namizəd tezsiz lisansüstü (magistr) proqramlarında təhsil almağı düşünürsə, ALES imtahan nəticəsi müəyyən proqramlar tərəfindən tələb olunmur. Boğaziçi universitetində magistr proqramını bitirdikdən sonra maksimum bir semestr fasilə veren və eyni ixtisasın doktorantura proqramına müraciət edən tələbənin yenidən ALES imtahan ballarını təqdim etmələri tələb olunmur. ALES imtahan nəticəsinin 5 il etibarlılıq müddəti vardır.

Reklam

turkiyede tehsil

Graduate Record Examination (GRE) \ Graduate Management Apptitude Test (GMAT)

ALES imtahan nəticəsi yerinə beynəlxalq səviyyədə qəbul edilmiş GRE və ya GMAT imtahan nəticələridə Boğaziçi universitetinin magistr proqramlarına qəbul olunmaq üçün keçərlidir. Bəzi magistr proqramları isə ALES imtahan nəticəsinə əlavə olaraq, həmçinin GRE və ya GMAT imtahan nəticəsinidə tələb etməkdədir. GMAT və GRE imtahan nəticələrinində 5 il üzrə etibarlılıq müddəti vardır. Rəsmi GRE və ya GMAT imtahan nəticələri Boğaziçi universitetinə qəbul müraciətində birbaşa olaraq göndərilməlidir.

Reklam

turkiyede tehsil

Xaricdə təhsil suallaranızı bizə yaza bilərsiz.

2.İngilis Dil Biliyi Sertifikatı

Boğaziçi universitetində tədris ingilis dilində təşkil olduğundan dolayı, bütün proqramlara qəbul prosesində namizədlərdən ingilis dil biliklərini sübut edən beynəlxalq səviyyədə qəbul olunmuş sertifikatlara sahib olmaları tələb olunur. Namizədlərin beynəlxalq bir dil imtahanında iştirak etmələri və tələb olunan minimal nəticələri toplamaları lazımdır. Həmin imtahan nəticələrindən İELTS və ya TOEFL qəbul olunur. Namizədin İELTS imtahan nəticəsi minimum 6.5 bal, TOEFL isə minimum 80 bal olmalıdır. Hər iki imtahanın etibarlılıq müddəti 2 ildir. Həmçinin daha əvvəl dil imtahanlarında iştirak etmiş, lakin tələb olunan balı toplaya bilməyən namizədlərin universitet tərəfindən təşkil olunan Boğaziçi Üniversitesi İngilizce Dil Yeterlilik Sınavı (BUEPT) imtahanında iştirak etmək hüquqları vardır.

Xaricdə təhsil suallaranızı bizə yaza bilərsiz.

3.Tələb Olunan Rəsmi Sənədlər

Magistr proqramlarına müraciət edə bilmək üçün namizədlərin bakalavr proqramlarını bitirmələri və diplomlarını əldə etmələri lazımdır. Müraciətlərində məzun olan namizədlər diplom sənədini və akademik göstəricilərini təsdiqləyən rəsmi transkript sənədini təqdim etməlidirlər. Həmçinin namizədlərdən müraciətlərində Referans (tövsiyə) məktubu təqdim etmələridə tələb olunur. Bütün magistr proqramları üçün ən az iki referans məktubu tələb olunur. Ərizə formasında referans məktubunun alınacağı ən az iki nəfərin adları, soyadları və elektron poçt ünvanları göstərilməlidir. Ərizə təqdim edildikdən sonra əlaqə məlumatları təqdim olunan şəxslərə referans məktublarının necə göndəriləcəyi barədə avtomatik e-poçt göndərilir. Referans məktublarını verəcək şəxslər sistem vasitəsilə referans məktubu göndərildikdə, ərizəçiyə e-poçt vasitəsilə referans məktubunun daxil olduğu bildirilir. Müracət olunan proqram üçün xüsusi bir referans məktubu forması varsa, bu formu əldə etmək və referans yazacaq şəxsə bildirmək namizədin vəzifəsidir.

tovsiye mektubu

Referans məktubu ilə bərabər, namizədlərdən Statement of Purpose yəni Məqsəd Bəyənatı yazmalarıda tələb olunur. Namizədlər magistr proqramında iştirak etmək məqsədini ifadə edən ingilis dilində yazılmış məqsəd məktubunu öz müraciətlərində təqdim etməlidirlər. Həmçinin bu sənədlərə əlavə olaraq, namizədlərdən bəzi magistr proqramlarına qəbul olunmaq üçün yazılı bir Rersearch Propasal yəni Araşdırma Təklifi və CV təqdim etmələridə tələb olunur. Boğaziçi universitetində təhsil almaq üçün müraciət edilən hər bir magistr proqramı üçün namizədlərdən 50 avro və ya 50 dollar müraciət haqqı ödəmələri tələb olunur. Son olaraq isə sizlərə Türkiyədə təhsil yolunuzda uğurlar və müraciət etdiyiniz hər bir universitetdən qəbul cavabı almağınızı arzu edirik və Türkiyədə təhsil və yaşam ilə bağlı ən çox ünvanlanan sualları cavablandırmaq istəyirik:

1.Boğaziçi Universitetində illik təhsil haqqı nə qədərdir?

Dövlət universiteti olmasına baxmayaraq, universitet adminstrativ yəni qəbul xərcləri üçün sizdən 5000-9000 tl ödəniş tələb edir.

2.Türkiyədə aylıq yaşam xərcləri nə qədərdir?

Əsasən sizin xərclərinizdən asılı olaraq, Türkiyədə aylıq yaşam xərcləri 600-800 manat arasında dəyişir.

3.Boğaziçi Universitetinə qəbul tarixləri nə vaxtdır?

Hər ilin iyun və iyul ayları arasında müraciət üçün qeydiyyatlar açıq elan edilir və müraciət qısa müddət ərzində demək olar ki, 1 həftə ərzində tamamlanır.

4.Türkiyənin digər universitetlərində tək attestatla təhsil almaq mümkündür?

Bəli, bunun üçün bizimlə əlaqə saxlamağınız kifayətdir.

Xaricdə təhsil suallaranızı bizə yaza bilərsiz.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button