Böyük Britanya dünyanın inkişaf etmiş və yaşam səviyyəsi ən yüksək olan ölkələrdən biridir. İngiltərədə təhsil alıb karyera qurmaq hər bir tələbənin arzusudur. Lakin burada Aİ üzvü olmayan ölkələrdən gələn tələbələr üçün təhsil haqları olduqca yüksəkdir. Bəzi universitetlər akademik göstəriciləri yüksək olan tələbələrə merit-scholarship imkanları təklif edirlər. Əgər siz Birləşmiş Krallıqda tam təqaüdlə təhsil almaq istəyirsinizsə, əvvəlcə Chevening təqaüdü haqqında məlumatınız olmalıdır. Chevening Böyük Britaniyanın ən məşhur təqaüd proqramıdır və hər il Azərbaycanlı tələbələr üçün də müəyyən kvota ayrılır. Bu məqalədə bu təqaüd barədə və ümumiyyətlə proqramın hansı xərcləri qarşıladığına dair ümumi məlumatları sizə çatdıracağıq.
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
Xaricdə təhsil suallaranızı bizə yaza bilərsiz.
Chevening nədir?
Chevening təqaüdü 1953-cü ildə təsis edilib və bu günə qədər 50.000-dən çox təqaüdçü bir il ərzində Birləşmiş Krallıqda təhsil almaq imkanı qazanıb. Bu təqaüd, müsbət təsir göstərmək istəyən və cəmiyyətdə qalıcı bir dəyişiklik etmək və gələcəyə qlobal həll yolları vermək qabiliyyətinə malik olan gəncləri dəstəkləməyi hədəfləyir. Ümumilikdə isə, təqaüd, müəyyən liderlərin müsbət dəyişiklik gətirərkən qarşılaşa biləcəkləri maneələri aradan qaldırmağı nəzərdə tutur.
Qeyd olunmalıdır ki, təqaüd tam maliyyələşdirilir. Mükafatlara layiq görülən gənclər bir il ərzində Böyük Britaniyada yaşamaq, öyrənmək və peşəkar məqsədlərinə nail olmaq və həyat təcrübələrini maksimuma çatdırmaq üçün fürsət əldə edəcəklər.
Chevening təqaüdü sadalanan xərcləri əhatə edir: təhsil haqqı, ölkəyə giriş və çıxış biletlərinin əldə olunması, viza prosesləri və tələb olunduqda sağlamlıq barədə test xərcləri.
Xaricdə təhsil suallaranızı bizə yaza bilərsiz.
Təqaüdə kim müraciət edə bilər?
Chevening təqaüd proqramı İngiltərədə magistr və doktorantura səviyyəsində təhsil almaq istəyən beynəlxalq tələbələrə tam təqaüdlü təhsil təklif edir. Proqram, liderlik bacarıqları olan və cəmiyyətdə müsbət dəyişiklər etmiş və ya edəcək potensial liderləri hədəfləyir. Bəzi təqaüd proqramları tələbələrə magistr təhsilinə qəbul zamanı mütləq şəkildə bakalavr təhsilinə yaxın olan proqramları seçməyi tövsiyə edir. Chevening proqramının üstünlüyü ondadır ki, əgər sizin bakalavr təhsiliniz üzrə deyil, başqa bir sahədə kifayət qədər bilik və təcrübəniz varsa, həmin istiqamət üzrə müraciət edə bilərsiniz. Magistr proqramlarına müraciət üçün namizədlərdən ilk növbədə dil sertifikatı (IELTS və ya TOEFL), bakalavr diplomu və əlavəsi, minimum 2800 saat iş təcrübəsi (buraya tam və ya yarımştatlı iş təcrübəsi, könüllülük kimi fəaliyyətlər də daxildir), minimum 2 ədəd tövsiyə məktubu tələb olunur. Bundan başqa sizdən liderlik bacarıqlarınızı sübut edən 4 inşa yazmağınız tələb olunur. Tələbələr çox vaxt bu suallara şablon və ya ümumi xarakterli cavablar verirlər. Lakin diqqət etmək lazımdır ki, bu zaman onların təqaüd qazanma şansı azalır. Çünki Chevening potensial liderləri yetişdirir və onlara maraqlıdır ki, sizin bu sahədə sübut olunmuş təcrübəniz var. Proqramı bitirdikdən sonra ölkəyə qayıdıb minimum 2 il qalıb işləməlisiniz. Bu mütləq tələbdir.
Xaricdə təhsil suallaranızı bizə yaza bilərsiz.
Universitetlərə müraciət və müsahibə
Təqaüd proqramı ilə yanaşı, fərdi olaraq universitetlərə də müraciət etməlisiniz. Chevening proqramı minimum 3 universitet seçmə şansı verir. İyul ayına kimi proqramın rəsmi saytına qeyd-şərtsiz qəbul məktubunu (unconditional offer) yükləməyiniz tələb olunur. Hər universitetin qəbul şərtləri fərqlidir və təqaüd proqramının rəsmi veb saytında “Study Finder” bölməsində istədiyiniz universitet və ixtisası seçib tələblərlə tanış ola bilərsiniz. Universitetdən qəbul alıb təqaüdü qazanmadığınız təqdirdə təhsil haqlarını özünüz qarşılamalı olacaqsınız. İlkin mərhələni keçdikdən sonra seçilmiş namizədlər müsahibəyə dəvət olunur. Bu tip müsahibələr adətən ümumi xarakter daşıyır, yəni sizin gələcək hədəfləriniz, seçdiyiniz ixtisasa dair bilikləriniz, seçmə səbəbiniz və ölkənizə qayıtdıqdan sonra nə kimi fəaliyyətlərlə məşğul olacaqsınız kimi suallardan ibarət olur. Müsahibələrdə maksimum dərəcədə orijinal fikirlər səsləndirilməlidir.
“QebulOl” komandası, xarici universitetlər ilə sıx tərəfdaşlıq əlaqələri saxlayır və bununla yanaşı Böyük Britaniya universitetlərinə müraciət etmək istəyən tələbələrə vizalarının alınması və yaşayış yerlərinin bron edilməsi, ərizələrin hazırlanması və təqdim edilməsində yerli və xarici tələbələrə tam dəstək verir.
Xaricdə təhsil suallaranızı bizə yaza bilərsiz.
