Çin dünyanın ən qədim sivilizasiya və mədəniyyət mərkəzlərindən biri hesab olunur və təqribən 4000 illik yazılı tarixə sahibdir. Çin dili bugünkü günə qədər istifadə olunan ən qədim dillərdən biridir. Çin ərazisinə görə dünyada üçüncü yeri tutur. Şərqi Asiyada yerləşən tək partiyalı unitar dövlətdir. Əlverişli geosiyasi mövqeyə malik olmaqla Mərkəzi və Şərqi Asiyada yerləşir.
Xaricdə təhsil suallaranızı bizə yaza bilərsiz.
ÇİN TƏHSİLİNİN ÜSTÜNLÜKLƏRİ VƏ KEYFİYYƏTİ
Çində çoxşaxəli təhsil sistemi mövcuddur. Çin tarixinə nəzər saldıqda,təhsillə bağlı mühüm qərarlar qəbul edilib. B.e.ə 124- cü ildə ilk və qədim Çin universitetnin əsası qoyulub.Çin hökuməti daha çox dünya səviyyəli universitetlər qurmağa çalışdığı üçün, beynəlxalq tələbələrin təhsil almağı üçün məşhur bir yerə çevrilmişdir. Son zamanlar, dövlətin təhsil sisteminə qoyulan dövlət sərmayəsi xeyli artdığından təhsilin keyfiyyətində mühüm irəliləyişlər baş vermişdir. Çində təhsil xərcləri hər il artaraq hazırda 100 milyard $-ı ötüb. 1980-ci illərin əvvəllərindən başlayaraq, elm və texnologiyanın inkişafı təhsil strategiyasının prioritetinə çevrilib. Ölkədə 1600-dən çox nüfuzlu ali təhsil müəssisəsi və 200-dən çox özəl ali universitet fəaliyyət göstərir. Onlardan ən tanınmışı Pekin və Tsinxua universitetləridir. Mühəndislik, elm, tibb, iqtisadiyyat və ticarət sahəsində ixtisaslaşan tələbələrin universitet seçimi daha çox Pekin Universiteti, Şanxay Jiao Tong Universiteti və Çin Elm və Texnologiya Universiteti olur. Təhsildə beynəlxalq əməkdaşlığa xüsusi diqqət yetirən Çin, tələb olunan ixtisas səviyyələri, onların qlobal nüfuzu və ixtisaslaşmış müəllim-professor heyətinin olmağı baxımından , Amerika Birləşmiş Ştatları, İngiltərə, Fransa və Yaponiya da daxil olmaqla bir sıra ölkələrlə akademik nailiyyətlərin qarşılıqlı tanınması haqqında razılığa imza atmışdır. 1985-ci ildən hökumət vergi əsasında maliyyələşən ali təhsil sistemini ləğv edib. Nəticə də, abituriyentlərin akademik qabiliyyətləri əsasında təqaüdlər uğrunda rəqabət aparmasına şərait yaranıb. 1980-ci illərin əvvəllərində ilk özəl ali təhsil müəssisələrinin əsasının qoyulmasına icazə verilib. Hal-hazırda Çində təhsilin hüquqi yön və tərəflərini təşkil edən 6 qanun mütəşəkkil işləyir.
Xaricdə təhsil suallaranızı bizə yaza bilərsiz.
Xaricdə təhsil suallaranızı bizə yaza bilərsiz.
Dil baryeri
Son illər Çin iqtisadiyyatı sürətli irəliləyişə imza ataraq Yaponiya iqtisadiyyatını geride qoyur və nəticədə, ABŞ-dan sonra dünyanın iqtisadi cəhətdən ən böyük ikinci ölkəsi olur. Dünya miqyasında böyük şirkətləri cəlb etdiyi üçün, qlobal ticarət və kommunikasiyanı asanlaşdırmaq üçün , ölkədə ingilis dili ümumilikdə geniş şəkildə danışılır, belə ki, əhalinin 80 %-i ingilis dilində danışa bilir. Tələbələr Çində təhsil almaq məsələsini nəzərdən keçirərkən bir qayda olaraq, ölkənin yerli dilini bilməkləri önəmlidir. Çin höküməti təhsil sisteminə və yüksək təhsil keyfiyyətinə önəm verdiyi üçün, son zamanlar ali təhsil sisteminə qoyulan sərmayə xeyli artmışdır.
Xaricdə təhsil suallaranızı bizə yaza bilərsiz.
Təhsil haqqı
Ölkədə təhsil haqqı olduqca münasibdir. Çində təhsil haqqı, ümumilikdə, bir semestr üçün 1500-2500 $-dan çox deyil və 200-400 $ təhsil haqqı olan qısa müddətli ‘Mandarin’ dərsləri də tapmaq mümkündür. Çin höküməti beynəlxalq tələbələrə çox sərmayə qoyur. Ümumiyyətlə həmyerli və əcnəbi tələbələrin təhsil almağında maliyyə dəstəyi mühüm rol oynayır və Çin höküməti 277 qurumda 40 mindən çox təqaüd də daxil olmaqla, beynəlxalq tələbələri cəlb etmək üçün geniş təhsil və karyera imkankarı təklif edir. 2007-cı ildən bəri mövcud olan təqaüdlərin sayı beş dəfə artıb.
Xaricdə təhsil suallaranızı bizə yaza bilərsiz.
Çində təqaüdlə bakalavr və magistr təhsili
Təqaüd proqramı Azərbaycan Respublikası Prezidentinin 14 yanvar 2016-cı il tarixli fərmanı
ilə təsdiqlənmişdir. 10.12.2015-ci il tarixli “Azərbaycan Respublikasının Təhsil Nazirliyi ilə Çin Xalq
Respublikasının Təhsil Nazirliyi arasında 2016-2019-cu illər üçün təhsil sahəsində əməkdaşlıq
haqqında Saziş”ə əsasən həyata keçirilir. Proqram hər 2 ölkənin vətəndaşlarına qarşılıqlı tələbə mübadiləsi
əsasında, qarşı ölkənin ali məktəblərində arzu etdikləri ixtisas üzrə təhsil almaq imkanı yaradır. Tələbələr üçün nəzərdə tutulmuş təqaüd xərclərini Çin höküməti qarşılayır və aşağıdakıları əhatə edir:
- Ali məktəbdə qeydiyyat xərci
- Təhsil haqqı
- Laboratoriya xərci
- Təcrübə xərci
- Tədris materialları
- Yataqxana xərci
- Aylıq yaşayış xərci
Təqaüd proqramı Bakalavr təhsili almaq istəyən tələbələrə aylıq 6000-6500 yuan, Magistr təhsili almaq istəyən tələbələrə isə aylıq 7000-8000 yuan pul vəsaiti ödəməklə yanaşı ildə bir dəfə Azərbaycana gediş-dönüş avia xərclərini də qarşılayır. Bakalavr və Magistr səviyyələrində təhsil almaq istəyən tələbələr ölkənin ali təhsil müəssisələrinin bakalavriat səviyyəsinə tələbə qəbulu üzrə aparılan test imtahanları çərçivəsində texniki sahələr üzrə ən azı 400, digər sahələr üzrə ən azı 500 bal toplamalıdırlar. Magistr təhsil pilləsinə qəbul üçün nəzərdə tutulmuş Ümumi Orta Göstərici (GPA) 71-dən aşağı olmamalıdır. Bakalavr təhsil pilləsinə qəbul üçün minimum 6.0 , Magistr təhsil pilləsinə qəbul üçün isə minimum 6.5 İELTS sertifakatı tələb olunur. Təhsil müddəti seçdiyiniz ixtisasdan asılı olaraq dəyişir,elə ki, bakalavr təhsil pilləsi üçün 4-5 il, magistr təhsil pilləsi üçün isə 2-3 il nəzərdə tutulmuşdur.
Xaricdə təhsil suallaranızı bizə yaza bilərsiz.
ÇİN X VİZA-TƏLƏBƏ VİZASI
Çin tələbə vizasının 3 növü mövcuddur:
- X VİZA-Bu viza Çinə təhsil və ya sahə işləri məqsədilə səyahət etmək istəyən şəxslərə verilir. X viza sahiblərinin işləmək icazəsi olmamasına baxmayaraq, əgər təhsil müəssisələri və ya digər səlahiyyətli qurumlar icazə verərsə, şəxslər təcrübə keçə bilər.
- X1 VİZA-Tədris müddəti 180 gündən çox olan tələbələrə, şəxslərə verilir.
- X2 viza-Tədris müddəti 180 gündən az olan tələbələrə və şəxslərə verilir.
Çin X Vizası üçün Tələb Olunan Sənədlər
1. Xarici Pasport (ən azı 6 ay ərzində etibarlı olmalı və əm azı 2 boş səhifəsi olmalıdır)
2. Ərizə Forması (dəqiq və düzgün şəkildə doldurulmuş Çin Tələbə vizası ərizə forması)
3. Yeni fotoşəki (ərizə formasına yapışdırılmış yeni və xarici pasportdakı ölçüdə rəngli fotoşəkil)
4. Qəbul Məktubu (çindəki universitet və ya məktəbdən verilən qəbul məktubunun əsli və surəti)
Xaricdə təhsil suallaranızı bizə yaza bilərsiz.
