Türkiyə dövləti xaricdə təhsil almaq istəyən tələbələrin ən çox üz tutduğu ölkələrdən biridir. Bu maraq və tələbatın ən başlıca səbəbi Türkiyədə yüksək keyfiyyətli təhsil sisteminin olmasıdır. Digər səbəblərdən isə Türkiyə dövlətinin Azərbaycanla qardaş ölkə olması, coğrafi cəhətdən yaxınlıq, milli-mədəni bənzərlik, eyni dil ailəsinə mənsubluq və türk vətəndaşlarının azərbaycanlılara qarşı sevgi və hörmətidir. Həmçinin Avropa ölkələrində tətbiq olunan Bolonya təhsil sisteminin Türkiyə ali məktəblərində də tədris olunması ilə tələbələr dünya standartlarında qabaqcıl təhsil ala biləcəklər. Məzun olduqdan sonra əldə etdikləri diplomlar Avropa ölkələrində və demək olar ki, dünyanın bütün ölkərində tanınıb və yüksək səviyyədə qəbul olunacaqdır. Nüfuzlu universitetləri ilə Türkiyə dövləti nəinki azərbaycanlı tələbələrin, həmdə dünyanın dörd bir yanından olan beynəlxalq tələbələrində diqqətini cəlb etməkdədir. Hər il minlərlə tələbə xaricdə təhsil almaq üçün Türkiyə dövlətini seçir.
Xaricdə təhsil suallaranızı bizə yaza bilərsiz.
Hacettepe Universiteti Haqqında
8 iyul 1967-ci il tarixli qanunla yaradılmış Hacettepe Universiteti 16 fakültə, 15 institut, 4 peşə məktəbi, 2 kollec, 1 konservatoriya, 98 araşdırma və təbiq mərkəzinə sahib olmaqla Türkiyənin ən qabaqcıl universitetlərindən biridir. Universitet elm texnologiya və incəsənət sahələrində ictimai inkişafa xidmət etməklə ümumbəşəri dəyərlərə töhfə verməkdə davam edir. Hacettepe universiteti dünyanın ən nüfuzlu universitetləri arasında öz yerini tutmuş dövlət universitetidir. Təhsil və tədqiqat performansı ilə fərq yaradacaq tədrisə və araşdırmaya həsr olunmuş, mükəmməlliyi qəbul etmiş ali təhsil müəssisəsidir. Türkiyənin ən yaxşı universitetlərindən olan Hacettepe universitetində təhsil müasir texnologiya və avadanlıqlarla tədris olunmaqla yanaşı dünya səviyyəli müəllimlər, aspirantlar və doktorantlarla əhatə olunmuşdur.
Xaricdə təhsil suallaranızı bizə yaza bilərsiz.
Hacettepe Universitetində Necə Magistr Təhsili Almaq Olar?
Türkiyənin ən nüfuzlu universitetlərindən olan Hacettepe Universitetində təhsil almaq üçün siz müəyyən göstərici və tələblərə cavab verməli və müraciət edən digər namizədlərdən fərqlənməlisiniz. Həmin göstərici və tələblər isə bunlardır:
1.SCHOLASTİC APTİTUDE TEST (SAT)
Hacettepe universitetində təhsil almaq üçün siz ilk növbədə SAT imtahanı verməli və tələb olunan minimal nəticəni əldə etməlisiniz. Namizədlərdən SAT imtahanında minimal bal olaraq, 1500 bal toplamaları tələb olunur. İmtahanda topladığınız rəsmi SAT balını isə birbaşa olaraq Hacettepe Universitetinə göndərilməlisiniz. SAT imtahan nəticəsinin 2 il etibarlılıq müddəti vardır.
2.Grade Point Average (GPA) Ortalama Qiymət və Onun Əhəmiyyəti
Universitet qiymət ortalamanız yüksəkdirsə, sizin magistr proqramlarınıza qəbul olmaq şansınızda bir o qədər yüksəkdir. GPA balınızın 81+ olması qəbul cavabı almanızda böyük rol oyanır. Əgər bakalavr GPA-nız zəifdirsə, qalan meyarlara cavab verdiyiniz təqdirdə, komitə yenədə müraciətinizi dəyərləndirəcək. Bu zaman gərək sizin digər göstəriciləriniz çox yüksək olsun.
3.İngilis Dil Biliyi (TOEFL)
Hacettepe universitetində təhsil almaq istədiyiniz ixtisasdan asılı olaraq, ingilis dil biliyinizi təsdiqləyən sertifikat da tələb olunmaqdadır. Bəzi ixtisaslarda ingilis dil biliyinizi, bəzi ixtisasllarda isə türk dil biliyinizi təsdiq edən Türkiyə dövlətində qəbul olunmuş bir sertifikat (YDS TYS və s.) tələb olunur. Bu səbəbdən dolayı qəbul olmaq istədiyiniz ixtisasların hansı dildə tədris olunduğunu universitetin rəsmi saytından öyrənib sertifikatı əldə etməyiniz lazımdır.
4.Müsahibə (Mülakat)
Tələb olunan sənədləri qaydasında olan namizədlərdən son olaraq universitetə qəbul olmaq üçün müsahibə götürürlər. Müsahibədə verilən sualların isə çətinlik dərəcəsi yoxdur, burada seçdiyiniz ixtisasla bağlı ilkin anlayış tipli suallar verilir. “Niyə Hacettepe universitetində oxumaq istəyirsiniz?”, “Niyə bu ixtisası seçmisiz?” sualları ilə qarşılaşa bilərsiniz. Bu zaman bu suallara özünüzdən əmin və özünə xas bir şəkildə cavablamanız sizin üçün faydalı və qəbul cavabı almanızda əhəmiyyətli rol oynayacaqdır. Son olaraq isə sizlərə Türkiyədə təhsil yolunuzda uğurlar arzu edirik!
Xaricdə təhsil suallaranızı bizə yaza bilərsiz.
