Açılışı Master of Business Admistration olan MBA ana dilimizə Biznesin İdarə Olunması deyə tərcümə olunur. Daha çox universitet tələbələri və məzunlardan tərəfindən tanınan MBA nədir? Magistr təhsilindən nə ilə fərqlənir?Bu proqram üzrə təhsil almağın faydaları nələrdir? suallarına isə birazdan ətraflı cavab alacaqsınız. Elə isə gəlin çox vaxt itirmədən ilk sualdan başlayaq!
MBA Proqramı Nə Deməkdir?
Bütün dünyada mövcud olan proqramlardan ən məşhur və prestijli olan MBA proqramı ABŞ-da təxminən 20-ci əsrin əvvəllərində yaranmışdır. MBA proqramının məqsəd və prinsipi biznes idarəçilərinin yetişməsindən ibarət olmuşdur. Qısa bir zaman müddətində proqram təhsilin yüksək səviyyədə olması və fəaliyyəti ilə bütün dünyaya yayılmış və proqrama olan maraq və tələbat artmışdır. İqtisadiyyat və menecment üzrə nəzəri və praktiki biliklərə sahib olmaq istəyirsinizsə sizdə bu proqramdan faydalana bilərsiniz. Proqramda tədris azərbaycan, ingilis və rus dillərində təşkil olunur və təhsilin davam etmə müddəti orta hesabla 2 yada 3 il davam edir. Digər proqramlarda olduğu kimi, MBA proqramında da dərslər əyani, qiyabi və distant formada təşkil olunur. Dövlət və ya özəl universitetlərində bu proqram üzrə təhsil ala bilərsiniz.
MBA Təhsilini Kimlər Almalıdır?
Əgər siz iş həyatında yüksəlmək və biznes, marketing, menecment ve iqtisadiyyat üzrə olan nəzəri və praktiki biliklərinizi dərinləşdirmək istəyirsinizsə MBA təhsili ala bilərsiniz. Beynəlxalq səviyyəli MBA diplomuna sahib olmaqla xüsusilə karyeranızda yüksələ və daha yüksək maaşlı vəzifədə çalışa bilərsiniz. Bu diploma sahib olanlara iş həyatında daha çox üstünlük verilir və iş axtarma prosesini asanlaşdırararq sizi digər namizədlər bir addım irəliyə aparmaq gücünə malikdir.
Bəs MBA Təhsilinin Magistr Təhsilindən Üstünlükləri Nələrdir?
Hər iki proqram yüksək ali təhsil forması olmasına baxmayaraq, MBA təhsilinin magistr təhsilindən fərqi ondan ibarətdir ki, MBA təhsili əsasən marketinq, maliyyə ,menecment və iqtisadiyyat sahələrində təhsil alan tələbələr üçün nəzərdə tutulmuşdur. MBA təhsili magistr təhsilindən fərqli olaraq, nəzəri biliklərdən daha çox praktikaya üstünlük verir. Buna görədə bu təhsil forması magistr təhsilindən üstün hesab olunur. Buna səbəb olaraq isə işə götürən müəssisə və təşkilatlar namizəddə daha çox praktiki biliklərə üstünlük verdiyini qeyd etmək olar.
MBA təhsilinin digər üstünlüyü isə dərslər əsasən ingilis dilində təşkil olunduğundan dolayı siz bu proqram çərçivəsində dil biliklərinizi təmilləşdirə bilərsiniz. Proqramın bir neçə növləri mövcuddur ki, onlardan ən çox yayılmış tədris forması distant formada keçirilməsidir. Və bu təhsil forması ilədə MBA təhsili magistrdən üstündür. Magistratura imtahanlarında iştirak etmiş namizədlər MBA təhsil formasını seçə bilərlər. Tələb olunan balı toplamaqla 56-cı proqramda iştirak edərək, bu proqram çərçivəsində təhsil ala bilərsiniz. Burada diqqət edilməli olan məqam isə MBA təhsil haqqı isə 3000 manatdan başlayaraq universitetlərə görə fərqlilik göstərə bilir.
Siz yalnız bu təhsil formasını seçərkən ona diqqət etməlisiniz ki, sizə nəzəri yoxsa praktiki təhsil lazımdır? Magistr təhsilinden fərqi sadəcə ondan ibarətdir ki, siz gələcəkdə idarəçimi olmaq istəyirsiniz yoxsa yox və sizə necə təhsil forması daha uyğun olar?! Bütün bu suallara və qeyd olunanlara əsasən siz öz seçiminizi və sizə uyğun olan təhsil formasını seçə bilərsiniz. Yekun olaraq sizə seçiminizdən asılı olmaraq təhsil yolunuzda uğurlar arzu edirəm və MBA təhsili ilə bağlı ən çox ünvanlanan sualları cavablandırmaq istəyirəm:
MBA dərəcəsinin Magistr dərəcəsi hesab olunmamasına baxmayaraq, hər iki təhsil forması ali təhsilin yüksək dərəcəsi hesab olunur.
Bəli, əksər universitetlərin MBA proqramında rus dilində tədris mövcuddur.
Bu suala konkret cavab vermək olmasa da, sizin iş həyatınızda yüksəlməyinizdə əvəzsiz rolu olacaqdır.
Öz ixtisasınız üzrə oxusanız həmin ixtisasda MBA dərəcəsi almış olursunuz. Lakin fərqli ixtisasda MBA təhsili alsanız ikinci peşeyə və ixtisasa yiyələnmiş olursunuz.
Xaricdə təhsil suallaranızı bizə yaza bilərsiz.
