Şübhəsiz ki, Prinston Universiteti Amerikanın reytinqli universitetlərindən biridir. Cek Qourmanın “Milli təhsil standartları” adlı müstəqil reytinqinə əsasən Prinston Universiteti mühəndislik fizikası, riyaziyyatı, fəlsəfəsi və s. istiqamətləri üzrə ABŞ-ın ən yaxşı universiteti seçilib. Bu universitetin məzunları arasında Amerikanın bir neçə prezidenti və 30 Nobel mükafatı laureatı var: fizika üzrə Nobel mükafatçısı Albert Eynşteyn burada işləyib və mühazirələr oxuyub. ABŞ-ın iki prezidenti – Ceyms Medison (1771) və Vudro Vilson (1874), Barak Obamanın həyat yoldaşı, ABŞ-ın birinci xanımı olmuş Mişel Obama, keçmiş dövlət katibləri Corc Şuls və Ceyms Beyker, sabiq müdafiə naziri Donald Ramsfeld, yüzdən artıq senator, konqresmen, 44 qubernator, X-effektlilik konsepsiyasının təməlini qoymuş Amerika iqtisadçısı Harvi Leybenstayn, Fildsov mükafatı laureatı olmuş Amerika riyaziyyatçısı Con Milnor, iqtisadiyyat üzrə Nobel mükafatçısı Con Neş, diaqramın yaranması, elementar hissəciklərin çevrilməsinin təsvirinə görə fizika üzrə Nobel mükafatı laureatı Riçard Feynman, Hollun kəsr kvant effektinin ixtirasına görə fizika üzrə Nobel mükafatçısı Daniel Sui, süni intellekt sahəsində uğurlarına görə Tyurinq mükafatçısı olmuş amerikalı alim Con McKarti, aktyor Uentuort Miller, Böyük Ferm nəzəriyyəsinin ixtiraçısı Endryu Uayls, “Kompton effektinin” yaradıcısı Artur Kompton Prinston Universitetinin məşhur məzunlarındandırlar. Con Markoninin, Aleksandr Bellin, Enriko Ferminin, Robert Oppenqeymerin adları bu təhsil ocağı ilə bağlıdır.
Prinston Universitetinə qəbul şərtləri
Prinston son dərəcə rəqabətli bir universitetdir. 2021-ci ilin avqust ayına olan məlumata görə, Prinstonun qəbul nisbəti cəmi 4.4% təşkil edərək onu bütün dünyada ən seçmə məktəblərindən birinə çevirmişdir.
Növbəti Prinston Universitetinin birinci kursuna qəbul olunan tələbələrdən biri olmaq istəyirsinizsə, ərizənizin niyə sizi seçməlidirlər? sualına hərtərəfli dolğun cavab verməlisiniz.
Prinston Universiteti yüksək akademik göstəriciləri və beynəlxalq nəticələri olan tələbələrə üstünlük verir. Bəs bu universitetə qəbul olmaq üçün hansı məqamlara diqqət yetirmək lazımdır:
- Akademik göstəricilərinizi yüksək tutun
Prinston tələbələrə aşağıdakı fənlər üzrə kurs işlərinin olmasını tövsiyə edir:
- Dörd illik ingilis dili (yazılı təcrübə daxil olmaqla)
- Dörd illik riyaziyyat (mühəndisliklə maraqlanan tələbələr üçün hesablama daxil olmaqla)
- Ən azı iki il laboratoriya elmi (mühəndisliklə maraqlanan tələbələr üçün fizika və kimya daxil olmaqla)
- Ən azı iki illik tarix dərsi
2. Daha çox esselərinizin üzərində işləyin
Prinston namizədlərdən ən azı iki esse və üç qısa cavab sualı yazmağı tələb edir (Əgər siz Mühəndisliyə maraq göstərmisinizsə və ya İncəsənət Bakalavr dərəcəsinə müraciət edirsinizsə, üç esse yazmaq tələb olunur).
Essedə nə üçün bu universiteti və ixtisası seçdiyinizi, nə üçün Amerikada təhsil almaq istədiyinizi və gələcək hədəfləriniz barədə detallı şəkildə məlumat verin. Unutmayın ki, motivasiya məktubu sizin kimliyinizi göstərir və müraciətinizə baxılarkən ilk diqqət yetirilən məqamdır.
Nəhayət, Prinston tələbələrindən sinifdə və sinifdənkənar fəaliyyət və məşğuliyyətlərini əks etdirmələrini istəyir. Prinstona müraciət edən tələbələrin böyük əksəriyyəti mükəmməl akademik təcrübəyə malik olacaqlar. Sizi digər minlərlə abituriyentdən nə ilə fərqləndirdiyinizi qəbul komissiyasına göstərməlisiniz.
Prinston Universitetinə Müraciət Tarixləri və Şərtlər
Onlayn Müraciət Forması və Prinston Əlavəsi
Məktəb Qiymətləri
2 ədəd Tövsiyə Məktubu
Əgər varsa, olimpiada və beynəlxalq imtahan nəticələri
