Hal-hazırki dövrdə sərbəst işləmək mənasını verən freelance, ingilis dilində “sərbəst işləmək” deməkdir. Freelance iş nədir? sualına verilə biləcək ən yaxşı cavab isə tələbəlik illərinizdə və ya iş axtardığınız dövrdə maraq dairənizə, təhsil aldığınız ixtisaslara ya da bacarıqlarınızın olduğu mövzulara uyğun, məkan ya da vaxt məhdudiyyəti olmadan görə biləcəyiniz işlərdir. Bu məqalədə tələbələr üçün ən yaxşı freelance işlərdən bəhs edəcəyik.
1. Qrafik Dizayn
Qrafik dizayn, sonsuz iş imkanları təqdim edən və freelance olaraq görə biləcəyiniz ən yaxşı tələbə işidir. Son dövrlərdə təkcə dizayn üzrə təhsil alan tələbələr deyil, eyni zamanda bu sahəyə maraq duyan və əlavə gəlir əldə etmək istəyən şəxslər boş vaxtlarını dəyərləndirmək, bacarıqlarını istifadə etmək və gəlir əldə etmək üçün qrafika işləri götürür.
Əgər qrafik dizayn sahəsində oxuyursunuzsa, tələbəlik illərinizdə büdcənizə əlavə gəlir gətirəcək və qiymətli təcrübələr qazandıracaq və CV-nizdə qeyd etməklə asanlıqla iş tapa bilərsiniz. Şirkətlər üçün loqo və kart vizitkaları hazırlamaq, broşuralar və elanlar tərtib etmək və ya sosial şəbəkə səhifələri üçün kontentlər yaratmaqla başlaya bilərsiniz.
2. Online dərs keçmək
Akademik sahələrdə bacarıqlarınız varsa, xarici dillər, məktəb fənləri, musiqi, sosial şəbəkə və qrafik dizayn kimi mövzularda onlayn dərs keçə bilərsiniz. Pandemiya ilə əlaqədar əksər məktəblər, xarici dil kursları onlayn rejimdə fəaliyyət göstərir. Bundan istifadə edərək Azərbaycanda freelance iş saytları da inkişaf etməkdədir. Bu saytlarda qeydiyyatdan keçib sizə uyğun olan sahələrdə dərs keçə bilərsiniz.
Müasir dövrdə texnologiya ilə birlikdə distant təhsil alan tələbə sayı artaraq xarici dil öyrənmək və ya müəyyən bir mövzuda təcrübə və bilik əldə etmək istəyənlər onlayn dərslərdən faydalanmaq üçün onlayn təhsil platformalarına müraciət edirlər.
3. Freelance redaktorluq
Universitet tələbələrinə uyğun işlər arasında populyar olan başqa bir iş də mətn redaktorluğudur. Mətn redaktoru olmaq üçün daimi özünü təkmilləşdirməli, oxumağı və araşdırmağı sevməli, yazdığınız mövzu və ya sahə ilə əlaqədar trendi izləməlisiniz.
Məqalə yazma işi ilə müqayisədə daha az vaxt sərf etməklə qazanc əldə etmək istəyən freelance redaktorlar; daxil olan kontentin sayta verilməzdən əvvəl oxunub nəzərdən keçirilməsi, yazıların verilən mövzu və kateqoriyaya uyğun yazılıb-yazılmadığına nəzarət edilməsi, qrammatik və leksik səhvlərin düzəldilməsi, wordpress proqramı barədə yetərli biliklərə sahib olmalıdır. Freelance redaktorluq, ünsiyyət əsaslı işlərdə gələcək karyeranız üçün yaxşı bir başlanğıc ola bilər.
4. Kopirayter və ya kontent menecer
Günümüzün ən populyar işlərindən biri hesab olunan kopirayterlik, ədəbiyyat üzrə təhsil alan tələbələrin və ya hər hansı mövzuda məqalə yazmağı sevən tələbələr üçün əyləncəli bir freelance işdir. Getdikcə məşhurlaşan yazı işləri hər nə qədər sadə görünsə də keyfiyyətli məzmun yaratmaq seo-əsaslı məqalələr yazmaq, qrammatik və leksik qaydaları bilmək, yazdığınız mövzuya görə maraq oyadan kontentlər tapmaq, yazdığınız məqalələri axtarış motorlarında üst sıralara çıxarmaq vacibdir. Bloq və ya məqalə yazarı olmağın ən mühüm üstünlüyü zaman və məkan probleminizin olmamasıdır.
5. Tərcümə
Tələbə olarkən işləyə biləcəyiniz bir digər sahə isə tərcümədir. Əgər yetərli xarici dil biliyiniz varsa, tərcüməçi kimi işləyə bilərsiniz. Bunun üçün diplom və ya sertifikata ehtiyacınız yoxdur. Xarici dildə axıcı və səlis olmaq, qrammatik biliklərə sahib olmaq kifayətdir. Bu işə məqalə və ya veb saytlar üçün kontentlərin tərcüməsi ilə başlaya bilərsiniz. İkinci xarici dil biliyiniz varsa və rus, ispan, koreya və çin dillərindən birini bilirsinizsə, qazancınız ikiqat artacaq.
6. Fotoqraflıq
Şəkil çəkərək pul qazana biləcəyinizi bilirdiniz mi? 21-ci əsrdə sosial şəbəkələrin inkişafı, istər peşəkar, istərsə də qeyri-peşəkar çəkdiyiniz şəkilləri saytlarda yerləşdirməklə pul qazana bilərsiniz. Xüsusilə Azərbaycanda universitet məzunları, toy-nişan mərasimlərini yaddaqalan etmək istəyən insanların müraciət etdikləri birinci şəxs fotoqrafdır.
Gördüyünüz kimi onlayn iş imkanları hədsiz çoxdur və əksəriyyəti çox əziyyət tələb etmir. Bu siyahıya, mobil tətbiqlərin yaradılması, rəqəmsal marketinq, SMM kimi işləri də daxil etmək olar. Sahəsindən asılı olmayaraq tələbəlik illərinizdə gördüyünüz bütün işlər sizin üçün bir təcrübədir və gələcək təhsil və karyeranızda mühüm yer tutur. Çalışın, bu illəri düzgün qiymətləndirin 🙂
