Uzun bir aradan, karantina dövründən sonra hamımız işimizə və ya dərsimizə nəhayət ki, qayıda biləcəyik. Sentyabr ayı isə yeni başlanğıclar ayıdır- yeni dərslər, universitetlər, hazırlıqlar, bir sözlə yeni həyəcanlar və yeni işlər ayıdır. Bəs bu yeni aya və yeni dərs həyatına başlayarkən uzun müddətdir üzərimizdə olan tənbəllikdən necə qurtula bilərik? Bu günün işini sabaha yubatmadan məhz elə bu gün necə edə bilərik?
İlk növbədə onu bilməlisiniz ki, bu yubatma və tənbəllik hissi, istəyi tək sizdə deyil, təxminən hamımızda var. Bütün tanıdığımız dahi və uğurlu insanların işlərini gecikdiyə bildiyi halda, bu yubatma hissinizə görə üzülməməli və narahat olmamalısınız. “Yox mən həmişə beləyəm, bütün işlərim gecikir, heçnəyi vaxtında çatdıra bilmirəm” deyib bu düşüncələrə qapılmamalısınız. Yubatmaq əslində zamanı idarə edə bilməmək deyildir. Yubatmaq duyğularınızı idarə edə bilməmək və düzgün ifadə etməməklə əlaqəlidir. Bu duyğuların altında isə özünə inamsızlıq, özündən şübhə duyma, “görəsən bu iş məndə yaxşı alınacaqmı, bacaracammı” qorxuları gizlənir.
Bəs Bu İşləri Yubatma Hissindən və Tənbəllikdən Necə Qurtula Bilərik?
Edə biləcəyimiz onlarca iş varkən onları yubada-yubada, birazdan edərəm deyə-deyə gün sonuna gələ bilirsiniz. “Telefona 5 dəqiqə baxım gedib edəcəm” deyərək bütün zamanımızı boş yerə sərf edə bilirsiniz. Gün sonunda isə vicdan əzabı çəkərək, neqativ hislərə qapıla bilirsiniz. Amma bütün bunların üstəsindən gəlmək üçün sizinlə paylaşacağımız metodlarla işlərinizi yubatmadan edə biləcəksiniz:
Bəzən gün ərzində çalışmalı olduğunuz dərslər və ya etməli olduğunuz onlarca iş olur. Həmin işlər və ya dərslər gözünüzdə böyüyərək sanki aşa bilməyəcəyiniz bir dağ halına dönüşür və bunun nəticəsində gözünüz qorxaraq, həmin işləri “heç edə bilməyəcəm və ya dərslərimi çatdıra bilməyəcəm” həyəcanına qapıla bilərsiniz və sonda isə edə biləcək gücünüz olmur. Buna görədə həmin bu hislərə qalib gəlmək üçün işlərinizi və ya dərslərinizi hissələrə bölməli və sizə ən asan və ya bəsit görünənlərdən başlamalısınız. Məsələn, riyaziyyatdan gün ərzində 300 test çalışmalısınız. Səhər 100 test, günorta 100 test və nəhayət axşam 100 test çalışaraq,yəni hissələrə bölərək dərsinizi bitirmiş olacaqsınız. Hissələrə bölmə nəticəsində testlərinizi yubatmadan və gözünüzdə böyütmədən bitirmiş oldunuz.
Çünki çətin ilə başlamaq və həmin işi bacarmaq duyğusu sizə inanılmaz motivasiya və özünüzə inam hissi verəcəkdir. Daha sonra isə həmin motivasiya ilə digər bütün dərslərinizi rahatlıqla və özünə inamla başlayıb bitirəcəksiniz. Məsələn, sizə riyaziyyatdan 300 test işləmək çox çətin gələ bilər. Lakin siz həmin testlərdən 100 testi edib bitirsəniz, bu duyğu sizə motivasiya olub günortanı belə gözləmədən digər 100 testi işləməyinizə səbəb olacaqdır. 
Əslində diqqətinizi yayındıracaq əşya deyərkən, telefonuzunu yəni interneti nəzərdə tuturam. Çünki elmi araşdırmalar əsasında təyin olunmuşdur ki, tələbələrin diqqətini yayındıracaq yeganə şey internet istifadəsidir. Çünki dərs çalışarkən telefonuza mesaj gələ bilir və bu zaman siz “mesaja baxıb yenidən dərsimə qayıdacam” dediyiniz anda özünüzü instagramda və ya youtube-da görə və bu mesaj sayəsində saatlarınız boş yerə sərf oluna bilər. Buna görədə dərsə başlamadan əvvəl internetinizi söndürə və ya telefonunuzu kənara qoya bilərsiniz. Əlbəttə, dərs çalışarkən bəzən inretnet sizə lazım ola bilər, bu zaman internetdən istifadə edərkən özünüzə zaman sayğacı və ya bildirişlər qoya bilərsiniz.
İşlərinizi və ya dərslərinizi yubatdığınız anda özünüzə “1, 2, 3 başla!” deyib ayağa qalxmalısınız. Çünki işin ən çətin və ən vacib hissəsi başlamaqdır. Başladıqdan sonra isə paylaşdığımız metodlardan istifadə edərək işinizi və ya dərslərinizi asanlaşdıra və ya yubatmaya bilərsiniz! Son olaraq isə sizlərə işinizdə və ya dərslərinizdə uğurlar arzu edirəm!
Xaricdə təhsil suallaranızı bizə yaza bilərsiz.
