Türkiyə dövlətində təhsil alan yerli tələbələrin sayı günü-gündən artmaqdadır. Buna səbəb isə Türkiyə dövlətinin təhsil sahəsində atdığı uğurlu addımları və yüksək keyfiyyətli təhsil sistemi ilə reytinqli universitetləri vasitəsilə bütün dünyaya səs salmasıdır. Digər səbəblərə isə Türkiyə dövləti ilə qardaş ölkə olmağımız, coğrafi cəhətdən yaxınlığımız, milli mədəni bənzərliyimiz, eyni dil ailəsinə mənsubluğumuz və türk vətəndaşlarının xüsusi olaraq, azərbaycanlılara qarşı sevgi və hörməti sayəsində bizlərə öz doğma vətənimizdə, evimizdəki kimi hiss etdirir. Azərbaycanlı tələbələr ilə yanaşı əcnəbi tələbələrdə Türkiyə dövlətində təhsil almağı seçir. Xüsusilədə yüksək keyfiyyətli təhsil sistemi ilə seçilən və prestijli universitetlərdə təhsil almağa üz tuturlar. Həmin universitetlərə Boğaziçi, Hacettepe, Koç, Bilkent kimi universitetləri misal göstərmək olar. Bu yazımızda isə sizlərə Boğaziçi universiteti haqqında ətraflı məlumat verəcəyik. Elə isə gəlin çox vaxt itirmədən başlayaq!
Xaricdə təhsil suallaranızı bizə yaza bilərsiz.
Boğaziçi Universiteti
150 ildən çox tarixə malik olan Boğaziçi universiteti dünyanın ən nüfuzlu universitetləri arasında öz yerini tutmuş dövlət universitetidir. Təhsil və tədqiqat performansı ilə fərq yaradacaq tədrisə və araşdırmaya həsr olunmuş, mükəmməlliyi qəbul etmiş ali təhsil müəssisəsidir. Türkiyənin ən yaxşı universiteti olan Boğaziçi universitetində təhsil müasir texnologiya və avadanlıqlarla tədris olunmaqdadır. Dünya səviyyəli müəllimlər, aspirantlar və doktorantlarla əhatə olunmuş Boğaziçi universitetində ən yüksək təsirə malik yenilikçi araşdırmalar davam edir. Boğaziçi universitetinin 6 kampusu, 14.500 tələbəsi və 53.000 məzunu dünyanın hər yerinə yayılmışdır. Hər il isə universitetə 1850 əcnəbi tələbə təhsil almaq üçün müraciət edir.
Xaricdə təhsil suallaranızı bizə yaza bilərsiz.
Bəs Boğaziçi Universitetində Necə Bakalavr Təhsili Almaq Olar?
Türkiyənin ən nüfuzlu universiteti olan Boğaziçi universitetinə əcnəbi tələbələrin qəbul prosesi seçici olmaqla yanaşı, hətta mühəndislik fakültəsinə beynəlxalq tələbə qəbulu aparılmır. Buna görədə Boğaziçi universitetində təhsil almaq üçün siz müəyyən göstərici və tələblərə cavab verməli və digər namizədlərdən fərqlənməlisiniz. Həmin göstərici və tələblər isə bunlardır:
Boğaziçi universitetində təhsil almaq üçün siz ilk növbədə SAT imtahanı verməli və tələb olunan minimal nəticəni əldə etməlisiniz. SAT imtahanının riyaziyyat hissəsi testindən ən az 35.5 bal və reading testindən isə ən az 60 bal toplamalısınız. Bəzi proqramlar ümumi SAT ballarına əlavə olaraq, SAT hesabat testidə tələb edə bilir. İmtahanda topladığınız rəsmi SAT balını isə birbaşa olaraq Boğaziçi Universitetinə göndərilməlidir. SAT imtahan nəticəsinin 2 il etibarlılıq müddəti vardır.
ÖSYM (Tələbə Seçmə və Yerləşdirmə Mərkəzi) tərəfindən idarə olunan testləri alan xarici tələbələr SAT balları yerinə, həmçinin ÖSYS test nəticələrinidə təqdim edə bilərlər. Ötən il verilmiş testi alan və müvafiq proqrama qəbul olmaq üçün tələb olunan minimal balı toplayan namizədlər bal kartlarını təqdim edə bilərlər.
Boğaziçi universitetində tədris ingilis dilində təşkil olunduğundan dolayı namizədlər ingilis dil biliklərini təsdiq edən beynəlxalq sertifikata sahib olmalıdırlar. Həmin sertifikatlardan TOEFL və ya İELTS sənədləri tələb olunur. Bu sertifikatları əldə etmək üçün imtahanlara girməli və tələb olunan minimal nəticəni əldə etməlisiniz. İELTS nəticəsi ən az 6.5 bal və TOEFL isə ən az 80 bal olmalıdır. Həmçinin Boğaziçi universitetinin təşkil etdiyi ingilis dili imtahanlarında da iştiak edib və tələb olunan minimal balı toplamaq imkanı vardır. İngilis dilini kifayət qədər bilməyən namizədlər Xarici Dil Məktəbində hazırlıq dərslərində iştirak edə bilərlər. 
Bakalavr proqramına qəbul olmaq üçün namizədlərdən əlavə olaraq ingilis dilində motivasiya məktubu yazmalarıda tələb olunur. Boğaziçi universitetində niyə bakalavr təhsil almağı istədiyinizi və bakalavr proqramı üçün nə qədər həvəsli olduğunuzu ifadə edən ingilis dilində motivasiya məktubu yazmalısınız. Motivasiya məktubu universitetə qəbul prosesində vacib rol oynadığından dolayı, məktubu son dərəcə peşekar formada yazmalısınız.
Son olaraq isə siz Boğaziçi universitetində təhsil almaq üçün digər nazimədlərdən fərqlənməlisiniz. Çünki universitetdə təhsil almağa tələbat çox olduğundan dolayı, sizi digər namizədlərdən fərqləndirən əlavə sertifikatlara da sahib olmalısınız. Bunun üçün çalışdığınız qədər təlim və layihələrdə, ölkə daxilində və xaricində təşkil olunan seminarlarda iştirak etməli və sertfikatlar əldə etməlisiniz.
Həmçinin Boğaziçi universitetin bakalavr proqramlarında təhsil almaq istəyən əcnəbi nazimədlərdən orta məktəb diplomunun və şəxsiyyət vəsiqəsinin sürəti, diplomun alındığı ölkənin giriş və çıxışı göstərən sənəd, ərizə haqqı qəbzi tələb olunur. Qəbul olunmaq istədiyiniz hər bir ixtisasa ərizə göndərmək üçün isə 100 avro, yəni 200 manat müraciət haqqı tələb olunur. Boğaziçi universitetinə müraciət iyul ayında başlayır və ayın sonuna qədər davam edir. Son olaraq isə sizlərə Türkiyədə təhsil yolunuzda uğurlar arzu edirik!
Xaricdə təhsil suallaranızı bizə yaza bilərsiz.
