Xaricdə Təhsil

Visegrad Təqaüd proqramı – 2024 ƏN SON

Visegrad təqaüdü Mərkəzi Avropa ölkələri üçün nəzərdə tutulmuş nadir təqaüd proqramlarından biridir. Bu Avropa ölkələrinə Çexiya, Polşa, Macarıstan və Slovakiya daxildir. Çünki, bu kimi ölkələr Qərbi Avropa ölkələrinə nisbətən daha əlverişli yaşam və təhsil xərcləri təklif etdiyi üçün təqaüd məsələlərində daha məhdud imkanlara sahibdirlər.

TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.

Təqaüd proqramı hansı xərcləri qarşılayır?

Visegrad təqaüdü təhsil haqqının tam əhatə etmir. Buna baxmayaraq, hər tələbə üçün universitetə 1,500 avroya qədər semestr üzrə təhsil haqqı ödənişi olunur. Əgər, semestr təhsil haqqı 1,500 avrodan çox olarsa, qalan hissə tələbə tərəfindən ödənməlidir. Bu baxımdan, tövsiyə olunur ki, universitet və ixtisas seçimi edərkən təhsil haqlarına da diqqət yetirilsin. Eyni zamanda tələbə, hər semestr üçün 2,500 avro olmaqla stipendiya alır. Bu stipendiya yalnız universitetdə qeydiyyatdan sonra və həmin ölkədə açılacaq avro hesabına birdəfəlik transfer olunur. 2,500 avro sentyabr/oktyabr aylarında ödənildiyi üçün ilk ayda müəyyən xərcləri tələbə özü qarşılamalıdır. Əgər tələbənin faktiki yaşadığı ölkə ilə gedəcəyi universitet arasındakı məsafə 1,500 km-dən çoxdursa, bu zaman səyahət qrantına da müraciət etmək olar. Amma bu qrantın verilməsi sığorta olunmur, yəni verilməyə də bilər.

Reklam

turkiyede tehsil

TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.

Təqaüd proqramı üçün tələb olunan sənədlər

Visegrad təqaüdünə müraciət etmək üçün universitetin magistratura pilləsinə ilkin qəbul sənədi (ing. pre-Acceptance letter və ya Conditional letter) kifayət edir. Şərt o deyil ki, tələbə universitetin birinci ilinin xərclərini tamamilə ödəyib, qəbul sənədi almalıdır. Yəni, bu məqamda ilkin qəbul sənədi kifayət edir. İlkin qəbul sənədi isə universitet tərəfindən illik təhsil haqqı ödənmədən də verilir. Qəbul sənədini almaq mümkün olmursa (məsələn, universitetin qəbul cavabı təqaüdə son müraciət tarixindən sonra açıqlanırsa), bu zaman universitetə müraciətlə bağlı hər hansı bir sənəd sistemə əlavə oluna bilər. İkinci sənəd isə xarici pasportun surətidir. Tələbə, magistratura təhsilinin ikinci ili üçün də təqaüdə müraciət edə bilər.

Dil sertifikatı

Visegrad öz rəsmi saytında bildirir ki, tələbə ingilis dilində təhsil almaya da bilər. Və eyni zamanda tələbənin dil biliyini göstərən sertifikat təqdim etməsi tələb olunmur. Yəni, tələbə ingilis dilindən başqa digər dillərdə də təhsil almaq üçün Visegrad təqaüdünə müraciət etmək hüququna malikdir. Lakin burada universitetlərə müraciət edərkən universitetin tələbindən asılı olaraq dil sertifikatı almaq lazım gəlir.

Təqaüdün nəzərdə tutulduğu universitetlər

Visegrad təqaüdü üçün universitet siyahısı yoxdur. Rəsmi sayta istinadən, Çexiya, Polşa, Macarıstan və Slovakiyanin bütün akkreditə olunan ali təhsil müəssisələri Visegrad təqaüdünə müraciət üçün keçərli hesab olunur. Yəni, universitetin dövlət və ya özəl olmasının bir önəmi yoxdur. Eyni zamanda ixtisas məsələsi də Visegrad üçün önəmli deyil. Bu baxımdan, bir ixtisas digər ixtisasa nisbətən üstünlük təşkil etmir.

Reklam

turkiyede tehsil

Müraciət tarixləri

Visegrad təqaüdü üçün müraciət adətən fevralın 1-dən martın 15-nə kimi davam edir. May ayında isə nəticələr bəlli olur. Yuxarıda deyildiyi kimi sentyabr/oktyabr aylarında isə təqaüdün birinci semestr üçün olan hissəsi tələbənin hesabına köçürülür.

Visegrad təqaüd proqramı və universitetlərə müraciət haqqında daha ətraflı məlumat üçün bizimlə əlaqə saxlaya bilərsiniz.

TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button