Xaricdə təhsil almaq internet və inkişaf edən texnologiyalar sayəsində artıq asanlıqla həll olunan bir prosedur halına gəlmişdir. Çünki tələbələr ingilis dil bilikləri vasitəsilə artıq təhsil almağı planlaşdırdıqları universitetlərə asanlıqla online olaraq müraciət edə bilirlər. Həm ölkələr, həm də ali təhsil müəssisələri tərəfindən maliyyələşdirilən təqaüd proqramları, təhsil kreditləri və Erasmus kimi mübadilə proqramları vasitəsilə xaricdə təhsil arzularını gərçəkləşdirə bilirlər. Xaricdə magistr təhsil almağı düşünən tələbələr üçün bu məqaləmizdə universitetlər tərəfindən tələb olunan imtahan və göstəriciləri və nələr etməli olduqlarını 5 maddədə birləşdirib ətraflı məlumat verəcəyik. Elə isə gəlin çox vaxt itirmədən başlayaq!
1.Xaricdə Təhsil Üçün Büdcənizi Təyin Edin!
Əlbəttə beynəlxalq təhsil bahalı ola bilər, lakin büdcəniz xaricdə təhsil almaq üçün uyğun olmadıqda belə edə biləcəyiniz bəzi şeylər var:
- Təhsil üçün kifayət qədər münasib qiymətli və təhsil haqqı xərcləri aşağı olan əlverişli bir çox ölkə vardır. Buna görədə büdcənizi təyin etdikdən sonra, əlverişli və münasib qiymətli ölkələri araşdırın.
- Seçdiyiniz ölkəni təyin etdikdən sonra, mövcud olan təqaüd imkanlarını axtarın. Bəzi təqaüd proqramları tam yəni xarici ölkədə olarkən bütün xərclərinizi, bəziləri isə qismən xərclərinizi qarşılayır.
- Tələbə olaraq işləməyi və ya onun alternativlərini araşdırın. Bəzi ölkələr əcnəbi tələbələrə işləmək imkanı və icazəsini verir.
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
2.Ölkə və Universitet Araşdırması Edin!
Birinci qaydada qeyd etdiyimiz kimi, edəcəyiniz ilk şey büdcənizə uyğun ölkələrin araşdırmasını etməkdir. Xaricdə təhsil almaq üçün doğru və büdcənizə uyğun ölkəni seçmək bir çox amilləri əhatə edir. Bu amillərə ölkənin yaşayış şəraiti, mədəni fərqlər, aylıq yaşam xərcləri və təhsil müddəti bitdikdən sonra iş imkanlarını aid etmək olar. Ölkə araşdırması edərkən sadəcə təhsil almaq istədiyiniz və büdcənizə uyğun ölkəni yox, həmçinin universitet araşdırmasınıda etməniz lazım və mütləqdir. Araşdırma zamanı universitetə müraciət haqqını (application fee), təhsil haqqı ödənişlərini və mövcud olan təqaüd proqramlarını, universitetin reytinq göstəricilərini və təhsil almaq istədiyiniz fakültənin beynəlxalq tanınmışlıq dərəcəsinidə öyrənməlisiniz.
Amerika, Kanada, Böyük Britaniya, Avstraliya və s. ölkələr xaricdə təhsil üçün beynəlxalq tələbələrin ən çox müraciət etdiyi ölkələrdəndir. Bu ölkələr xaricdə təhsil almağı istəyən beynəlxalq tələbələr üçün bahalı olsada, yüksək keyfiyyətli təhsil sistemi və iş imkanlarının daha çox geniş olduğu ölkələrdəndir. Doğru ölkə və universitet seçimi etmək xaricdə təhsil almaq üçün almalı olduğunuz ən vacib qərardır.
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
3.Universitetlərin Tələblərini Öyrənin!
Xaricdə təhsil almaq üçün ölkə və universitet seçimini etdikdən sonra, növbəti etməli olduğunuz digər vacib addım isə universitetlərin əcnəbi tələbələrin qəbul prosesi üçün tələb etidiyi müəyyən imtahanları və akademik nəticələrdə daxil olmaqla, bütün şərtlərini öyrənmək olacaqdır. Əlavə olaraq isə, universitetlərin qəbul prosesi tələbləri arasında sosial fəaliyyətlərinizi təsdiq edən setfikatlarda ola bilər. Xarici universitetlərin əcnəbi tələbələrin qəbul prosesində tələb etdiyi imtahanlarda iştirak etməli və tələb olunan minimal balı toplamalısınız. Həmin imtahanlara isə əsasən bunlar aid olur:
- İngilis dil biliyinizi təsdiq edən ən məşhur beynəlxalq imtahanlara İELTS və TOEFL imtahanlarını aid etmək olar. Qəbul olmaq istədiyiniz universitetlərin tələbləri arasında hansı sertifikatın və tələb olunan minimal balın nə olduğunu universitetlərin rəsmi saytlarından öyrənə bilərsiniz. İELTS imtahan sertifikatı demək olar ki, dünyanın bütün universitetləri tərəfindən tanınır və qəbul olunur. Tələb olunan minimal İELTS balı əsasən 6.0 olur.
- Kanada, Amerika, Böyük Britaniya universitetlərində magistr proqramlarında biznes, mühəndislik, maliyyə ixtisaslarında təhsil almaq üçün isə tələbələrdən GRE və GMAT imtahan nəticələri tələb olunur. Bakalavr təhsili üçün isə namizədlərdən əsasən SAT imtahanı nəticəsi tələb olunmaqdadır.
- Həmçinin Kanada və Amerika dövlətlərində hüquq fakültəsində təhsil almaq üçün tələbələrdən Law School Admissions Test (LSAT), yəni Hüquq Məktəbinə Qəbul Testi imtahanına girmələri və tələb olunan minimal nəticələrini əldə etmələri tələb olunur.
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
4.Tələb Olunan Sənədləri Təqdim Edin!
Tələb olunan imtahanlarla tanış olduqdan sonra isə sənədlər haqqında ətraflı məlumat əldə etməlisiniz. Xaricdə təhsil almaq üçün tələb olunan sənədlər və imtahanlar qəbul olmaq istədiyiniz universitet və ixtisasa görə dəyişiklik göstərdiyi halda, əsasən aşağıdakı sənədlər tələb olunur:
Xarici universitetlərin demək olar ki, bir çoxu tərəfindən tələb olunan motivasiya məktubu qəbul prosesinizdə vacib rol oynayır. Buna görədə motivasiya məktubunuzu son dərəcə peşakar və özünüzə xas şəkildə yazmalısınız. Motivasiya məktubunda isə universitetə və ixtisasa qəbul olunmaq üçün nə qədər həvəsli və istəkli oluduğunuzu və nə üçün qəbul olunmaq istədiyinizi bildirməlisiniz.
Tələb olunan digər bir sənəd olan tövsiyə məktubu sizin universitətə qəbul olunmanız üçün tövsiyə xarakterli yazılır. Motivasiya məktubundan fərqli olaraq, tövsiyə məktubunu siz özünüz deyildə, universitet professoru və ya elmi dərəcəli bir şəxs tərəfindən yazılmalıdır. Buradakı məqsəd isə sizi başqa bir şəxsin qəbul üçün tövsiyə etməsi universitet qəbul komissiyasının daha obyektiv qərar verə bilməsini təmin edir.
Araşdırma təklifi namizədlər üçün araşdıracaqları mövzunun əhəmiyyəti və aktuallığını irəli sürən sənəd formasıdır. Həmçinin doktoranrura namizədləri üçün akademik məqalələr və magistr tezisi də tələb olunur.
Xarici universitetlərə qəbul prosesində akademik götərici və tələb olunan imtahan nəticələri ilə bərabər, namizədin sosial aktivliyini və cəmiyyətə olan töhfələrini nəzərə alırlar. Buna görədə çalışdığınız qədər ölkə daxilində və xaricində təşkil olunan təlim və seminarlarda, sosial layihələrdə iştirak edin və sertifikatlar əldə edin.
5.Universitetlərin Son Müraciət Tarixlərini Qaçırmayın!
Təhsil almaq istədiyiniz universitetləri təyin etdikdən sonra son müraciət tarixlərini (deadline) nəzərə almalı və qaçırmamalısınız. Siz bu zaman ehtiyatlı davranıb son müraciət tarixindən ən az 2 ay əvvəl müraciətinizi edib, sənədlərinizi təqdim etməlisiniz. Lakin bəzi universitetlər müraciət tarixlərini müvəqqəti vaxt ərzində açıq elan edirlər və bu halda isə dərhal müraciət prosesinizi tamamlamaq sizin üçün faydalı olacaqdır. Çünki bəzi xarici universitetlər first come first serve (ilk gələnə ilk xidmət göstərilir) prinsipi ilə hərəkət etdiyindən dolayı, ilk müraciət edən ərizəçilərin qəbul olunmaq şansı da daha yüksək olur. Bir çox tələbələr universitetlərə qəbul olunmaq üçün son müraciət tarixlərini qaçırdıqlarından dolayı, burdakı tövsiyəmiz isə əgər siz iyun ayı üçün xarici universitetlərə qəbul olunmaq istəyisinizsə, Google axtarış sistemində “deadline June” yazmaqla, son müraciət tarixləri iyun ayında olacaq universitetlərin siyahısı ilə tanış ola biləcəksiniz. Son olaraq isə sizlərə xaricdə təhsil yolunuzda uğurlar arzu edirik!
Xaricdə təhsil suallaranızı bizə yaza bilərsiz.
