Xaricdə təhsil bir çox tələbənin arzularından biridir! Xaricdə təhsil seçimləri təhsilin keyfiyyəti, mədəni müxtəliflik, karyera imkanları və dil öyrənmə imkanlarına görə fərqlənir. Xaricdə təhsil almağa qərar verdiyiniz zaman qarşınızda uzun bir yol olacaq. Universitetlərin araşdırılması, müraciət prosesi, yataqxana müraciətləri, viza prosedurları və təqaüd müraciətləri kimi məsələlər olacaq və bu prosesi ən səmərəli şəkildə idarə etməli olacaqsınız.
Universitet və proqramları nə vaxt araşdırmalı?
Əvvəldə də qeyd etdiyimiz kimi qarşıda sizi uzun bir prosesi gözləyir və etməli olduğunuz ilk şey gedəcəyiniz ölkə, universitet və ixtisası seçməkdir. Hər kəsin ürəyində, arzularında olan ölkəsi, universiteti və oxumaq istədiyi ixtisas var, lakin bu mövzularda yaxşı araşdırma aparmasanız, bu proseslərdə seçdiyiniz universitet və proqrama uyğun olmadığınızı qərara alıb başlanğıca qayıda bilərsiniz. Sizə məsləhətimiz odur ki, əgər bakalavr təhsilinizi xaricdə oxumaq niyyətindəsinizsə, 9-10-cu siniflərdən başlayaraq ölkə və universitetləri araşdırmağa başlamalısınız. Əgər magistr təhsilini xaricdə oxumaq istəyirsinizsə, bu zaman 3-cü kursdan başlayaraq düzgün istiqamət götürməlisiniz.
Universitetlərə müraciət
Təhsil almaq istədiyiniz ölkə, universitet və ixtisasa qərar verdiniz, növbəti addım ərizə formunu doldurub universitetə təqdim etməkdir! Dünyanın bir çox yerində təhsil müddəti sentyabr-oktyabr aylarında başlayır və iyun-iyul aylarında bitir. Təbii ki, bu vəziyyətin əksinə olan ölkələr var və təhsil dövrləri dəyişir. Təhsil müddəti sentyabr ayında başlayan ölkələr üçün müraciətlər ümumiyyətlə dekabr-yanvar aylarında açılır və onlar ərizələrini may-iyun aylarına qədər onlayn qəbul edirlər. Bu prosesdə diqqət etməli olduğunuz məqamlardan biri də müraciət etdiyiniz universitetin internet saytına daxil olub elanları tez-tez izləməkdir, çünki müraciətlərlə bağlı elanlar tez-tez dərc oluna bilər.
Viza prosesi
Təhsil alacağınız ölkə sizdən viza tələb etmirsə, həqiqətən şanslısınız. Aİ vətəndaşlığınız yoxdursa, sizdən Avropada təhsil almaq üçün viza tələb olunacaq. Viza müraciətinizdə sizdən həmin ölkəyə hansı məqsədlə gedəcəyiniz soruşulacağı üçün sizdən təhsil alacağınız universitetdən qəbul sənədi tələb olunacaq. Bəzi universitetlər şərti qəbul edə bilər və bu sənəd viza müraciətləri üçün də etibarlıdır. Viza müraciətləri adətən 10-14 gün ərzində yekunlaşdırılır, lakin sizdən əlavə sənədlər tələb olunarsa və prosesdə yarana biləcək hər hansı problem yaranarsa, viza müraciətinizi ən azı 2-3 həftə öncədən etmək faydalı olardı. Gediş tarixinizdən 1 ay əvvəl müraciət etdiyiniz ölkənin viza tələblərini və viza azadlığını araşdırmaq faydalı olacaq.
Yataqxanaların seçilməsi
Universitetə qəbul olmusunuz, ilk ağlınıza gələcək suallardan biri odur ki, mən getdiyim ölkədə harada qalacağam? Qarşınızda universitet yataqxanaları, hostellər, kirayə evlər və ailə yanında qalmaq kimi bir çox variantınız olacaq. Universitet ərizənizi qəbul edən kimi yaşayış yeri axtarmağa başlayın, çünki viza müsahibəsi zamanı yaşayışla bağlı suallar yarana bilər. Bundan başqa bəzi universitetlər də müraciət zamanı yataqxana müraciətlərini qəbul edir, bu seçimi laqeyd yanaşmayın.
Təqaüdlərə müraciət
Təqaüd almaq xaricdə təhsil prosesiniz üçün ən faydalı fürsətlərdən biridir! Həm təhsil, həm də yaşayış xərcləriniz üçün alacağınız təqaüd sizi maddi cəhətdən yüngülləşdirəcək. Təqaüd müraciətləri adətən universitet müraciətləri zamanı qəbul edilir. Universitetdənkənar qurumlar tərəfindən veriləcək təqaüdlər, ümumiyyətlə, dərs başlayanda müraciətlərə açıqdır. Sentyabr-oktyabr aylarında fondlar və beynəlxalq qurumlar təqaüd ərizələri qəbul edir.
Xaricdə təhsil suallaranızı bizə yaza bilərsiz.
