Tövsiyə məktubu əsasən magistr və doktorantura təhsilinizi xaricdə davam etdirmək və hər hansı bir quruma işə qəbul olmaq üçün bəzi universitetlərin və müəssisələrin sizdən tələb etdiyi sənəddir. Məktubun yazılmasında məqsəd sizin akademik fəaliyyətiniz, iş həyatınızdakı nailiyyətlər, keçmiş təhsil müddəti ərzində universitet dərslərindəki iştirakınız, sosial aktivliyiniz və şəxsi keyfiyyətləriniz haqqında məlumatların qeyd olunmasıdan ibarətdir. Tövsiyə məktubunu isə siz özünüz deyil, sizi tanıyan başqa bir insan yazmalıdır. Xüsusilədə sizə dərs demiş professorlar tərəfindən yazılsa sizin qəbul cavabı almağınız daha yüksək olacaqdır. Məktubun başqası tərəfindən yazılmasındakı məqsəd isə qəbul komissiyasının sizi başqasının dilindən tanımaq istəməsidir çünki həmin insanın sizin haqqınızdakı fikir və müşahidələri qarşı tərəfə daha real və obyektiv görünür.
Məktub Necə Yazılmalıdır?
Namizədlər daha çox məktubu professorlara və elmi dərəcələri yüksək olan şəxslərə yazdırmaq istəməsindən dolayı, bəzən həmin insanların vaxt məhdudiyyətləri və s. başqa səbəblərdən dolayı tələbəyə qeyd edirlər ki, “Sən yaz mən sonda imzamı çəkəcəyəm” və bu zaman tələbələr bəzən uğurlu, bəzən isə uğursuz məktub ərsəyə gətirə bilirlər. İndi mən sizə uğurlu tövsiyə məktubunun necə yazılması haqqında haqqında ətraflı məlumat verəcəyəm. Elə isə gəlin başlayaq!
Tövsiyə məktubunun strukturu 3 hissədən ibarətdir:
- Giriş hissə-motivasiya məktubunda olduğu kimi, burada da ən vacib hissə giriş hissəsidir. Məktubunuz qəbul cavabı alıb-almayacagi ona necə başlamağınızdan asılıdır. Qısa, öz və səmimi şəkildə ümumi məlumatları verməlisiniz.
- Bacarıq hissəsi- bu hissədə isə şəxsi bacarıqlarınız qeyd olunmalıdır ve məqsəd isə qarşı tərəfin sizin hansı sahədə bacarıqlarınızın olmasını bilmək istəməsidir. Elmi və yaxud tədqiqat sahəsindəki bacarıqlarınız nələrdir, dərslərdə olan iştirakınız nə dərəcədir ve s. Özünüzü çox tərifləmədən bacarıqlarınızı real şəkildə ifadə edin.
- Tövsiyə xarakterli son cümlə– müraciət etdiyiniz müəssisəyə uyğun olaraq hər hansı bir insanın adından rəy bildirən və sizi tövsiyə edən son cümləni qeyd edin.
Bütün bu hissələri qeyd edərkən isə məktubun yazılmasında bunlara diqqət etməlisiniz:
Bildiyiniz kimi məktub akademik fəaliyyət və işə girmək üçün tələb olunur. Siz mektubu hara göndərəceyinizi müəyyən etdikdən sonra ona əsasən yazın. Bu kriteriya məktubun strukturun formalaşmasında vacib rol oynayır.
Məktubu kimin adından hazırlayırsınızsa o statusua uyğun yazmağa çalışın. Universitetə qəbul olmaq üçün yazırsınızsa professor adından yazın və universitetdəki fəaliyyətlərinizi qeyd edin. İşə girmək üçün isə yazırsınızsa iş rəhbərliyi və ya müdirinizin adından və iş mühitindəki fəaliyyətlərinizi və bacarıqlarınızı çox tərifə yol vermədən sadə və səmimi real şəkildə ifadə edin.
Mətni yazarkən bu cümlədən digər cümləyə, bu bacarığınızdan digər bacarığınıza keçid etməməyə çalışın. Cümlələr arasında məntiqi ardıcıllığı gözləyin və sizin haqqınızda ana fikir və təsəvvür formalaşdırın.
Burada ki, məqsəd isə məktubda qrammatik səhvlərə yol verməmənizdir. Təkrarla biləcəksiniz ki, hər hansı bir səhviniz var ya yox və onları mütləq düzəldin yoxsa bu səhvlər sizin haqqınızda mənfi fikirlər yaradacaqdır.
Tövsiyə Məktubuna Aid Nümunə
Min dəfə eşitməkdənsə bir dəfə görmək yaxşıdır! Bu deyimlə sizlərə bütün dediklərimə əsasən uğurlu tövsiyə məktubu nümunesini vermək istəyirəm. Və ümdivaram bu nümunə sizlərə ilham və yardımçı olar. Buyurun:
“Cənab Nemət Abdullayev,
Araz Məmmədovun JW Marriott Hotel Absheron-dakı mövcud aşbaz vəzifəsinə dair ərizəsinə dəstək olaraq yazıram. Araz Məmmədov bu günə qədər ki, ən dəyərli aşbazlarımızdan biri olaraq seçilmişdir. Səmərəli, mütəşəkkil işi ilə mətbəximizə böyük enerji gətirir və atmosferi pozitiv enerji ilə saxlayır. Sadiq və etibarlı şəxsiyyət olaraq hər daim işinə məsuliyyətlə yanaşır. Hazırladığı yeməklərin dadına isə söz ola bilməz. Arazı müəssisənizdə aşbaz hesab etməyinizi və işə qəbul etməyinizi şiddətlə tövsiyə edirəm. Motivasiyalı, kreativ və detallara diqqətlə yanaşan bir şəxsdir. Buna görədə onun hər bir işdə uğur qazanacağına inanaraqdan ən yüksək tövsiyəmi verməkdən sevinc və şərəf hissi duyuram.
Hörmətlə Cəfər Sadıqov”
Yekun olaraq isə sizlərə xaricdə təhsil yolunuzda və bütün işlərinizdə QəbulOl şirkəti adından uğurlar və müvəffəqiyyətlər arzu edirəm! Ümidvaram sizlərə bu yazımla və nümunəmlə ilham olmuş və məktubun yazılmasına dair kömək etmiş olmuşamdır.
Xaricdə təhsil suallaranızı bizə yaza bilərsiz.
