Hansı Universitetlərin Diplomu Ölkəmizdə Tanınmır? – 2024 ƏN YENİ

Son illərdə xaricdə təhsilə maraq və tələbat günü-gündən artmaqdadır. Lakin bu maraq bəzi hallarda tələbələrə özü ilə bərabər xoş olmayan bir təəssürat yaradır. Hansı ki, xaricdə universitetə qəbul olub sevinclə bitirdikdən sonra ölkəyə qayıtdıqdan sonra problemlə qarşılaşırlar və əmək fəaliyyətlərini icra edə bilmirlər. Buna səbəb isə təhsil aldıqları ali təhsil müəssisəsinin diplomunun Azərbaycanda tanınmamasıdır. Ümumiyyətlə “Xarici diplomların tanınması nə deməkdir?” deyə bilmirsinizsə https://qebulol.az/xarici-diplomlarin-taninmasi-2021/ linkə daxil olub ətraflı məlumat ala bilərsiniz. “Bəs xarici diplomların Azərbaycanda tanınması üçün nə etməli?” deyə düşünürsünüzsə bu https://qebulol.az/xarici-diplomlarin-taninmasi-ucun-ne-etmeli/ linkə daxil olun. İndi isə sizə ən vacib məlumat olan Hansı universitetlərin diplomu Azərbaycanda tanınmır haqqında ətraflı məlumat vermək istəyirəm və həmin universitetlərin siyahısı ilə isə birazdan tanış olacaqsınız. Elə isə gəlin başlayaq!

Təəssüflər olsun ki, xaricdə təhsil alan azərbaycanlıların yarısının diplomu ölkəmizdə tanınmır. Buna səbəb isə bəzən xaricdə təhsil şirkətləri, bəzən isə tələbə məlumatsızlığı olur. Hansı ki, tələbələr lazımi araşdırma etmədən və kifayət qədər məlumat əldə etmədən xaricdə təhsilə müraciət edirlər. Sonda isə illərini, zamanlarını boş yerə sərf edirlər və Azərbaycanda tanınmayan və keçərsiz olan diplom əldə edirlər. Və nəticə etibari ilə əmək fəaliyyətini icra edə bilmirlər, iş tapmaqda çətinlik çəkirlər. Bildiyiniz kimi diplomların tanınması (nostrifikasiya olunması) Təhsildə Keyfiyyət Təminatı Agentliyi (TKTA) tərəfindən həyata keçirilir. Bu Agentliyin isə diplomların tanınması (nostrifikasiyası) üçün bəzi tələbləri vardır. Bu tələblərlə ətraflı tanış olmaq istəyirsinizsə liknə daxil olub https://qebulol.az/xarici-diplomlar-hansi-halda-taninmir/ məlumat ala bilərsiniz.

• Təhsildə Keyfiyyət Təminatı Agentliyi 2021-ci ilin I rüb ərzində tanınma üzrə müracietlərin statistikasını açıqlayıb. Qurum qeyd edilən dövr ərzində 678 müraciətdən 493-ü barədə müsbət qərar verərək müvafiq şəhadətnamələr təqdim edib, 185 nəfərin müraciətinə mənfi qərar verilib. Tanınma üzrə müraciətlərin icrası yanvar ayı üzrə 21, fevral ayı üzrə 14, mart ayı üzrə isə 20 gün ərzində tamamlanılıb.
• Tədris dili üzrə bilik səviyyəsinin qənaətbəxş olmaması səbəbi ilə 103, tədris yükünü mənimsəmək üçün ali təhsil aldığı ölkənin ərazisində kifayət qədər olmaması səbəbi ilə 72 və digər səbəblərə görə isə 10 nəfərin müraciəti mənfi qərarla yekunlaşıb.
• İxtisas seçimlərində iqtisadiyyat üzrə 112, hüquqşünaşlıq üzrə 91, maliyyə üzrə 82, tibb üzrə 75, biznesin idarə edilməsi üzrə 49, menecment üzrə 41, beynəlxalq münasibətler üzrə isə 32, turizm üzrə 14, kompyuter elmləri üzrə 13 və digər ixtisaslar üzrə isə 121 nəfər iştirak edib.
• Ölkələr üzrə müraciətlərin sayına nəzər saldıqda Ukraynadan 197, Türkiyə Respublikasından 170, Rusiya Federasiyasından 167, Gürcüstandan 50, Böyük Britaniya və Şimali İrlandiya Krallığından 11, digər ölkələrdən isə 83 müraciətin olduğu müşahidə olunmuşdur.

Ümumulikdə rüb ərzində verilən mənfi qərarların 29%-i aşağıda verilən 10 ali təhsil müəssisəsini əhatə edir.

Hansı Universitetlərin Diplomu Tanınmamışdır?

1. Avropa Universitetləri (Gürcüstan)
2. Tbilisi Açıq Tədris Universiteti
3. Odessa Dövlət Ekologiya Universiteti
4. Tbilisi Humanitar Tədris Universiteti
5. Ukrayna Dövlət Dəmiryol Nəqliyyatı Universiteti
6. “Sinergiya” Moskva Maliyyə-Senaye Universiteti
7. Poltava İqtisadiyyat vəTicarət Universiteti
8. Voljsk Dövlət Su Nəqliyyatı Universiteti
9. Simon Kuznets adına Xarkov Milli İqtisad Universiteti
10. H.P.Konaşeviç-Saqaydaçnıy adına Kiyev Su Nəqliyyatı Universiteti

Gördüyünüz kimi yuxarıda qeyd olunan universitetlər MDB ölkələri olan Rusiya, Ukrayna və Gürcüstan dövlətlərində yerləşən universitetlərdir. QəbulOl şirkəti adından sizlərə universitet seçimində diqqətli olmağa və bu kimi meyarları nəzərə almanızı tövsiyə edirəm. Və şirkətimiz Azərbaycanda diplomları 100% tanınan universitetlərlə əməkdaşlıq edir. Xaricdə təhsil yolunuzda Uğurlar arzu edirəm!