Ali məktəblərə qəbul imtahanları artıq başa çatdı. Qəbul imtahanını uğurla başa vuran abituriyentlərin qarşısında duran növbəti mərhələ düzgün ixtisas seçimi etməkdir. Bu zaman abituriyentlər həyatlarında ən ciddi seçimlərdən biri olan düzgün ali təhsil müəssisəsini seçməlidirlər. Çünki bu seçim onların həyatına demək olar ki, birbaşa təsir edir. Daha sonra ixtisasınızı və ya universitetinizi dəyişmək istəmirsinizsə, bu zaman çox ciddi şəkildə qərar verməyinizi tövsiyə edirəm. Balınızın hara uyğun olduğuna deyildə, bilik və bacarıqlarınızın hansı ixtisasa uyğun olduğu esasen həmin o universiteti seçməlisiniz. Düzgün ixtisas seçimi necə edilir deyə maraq edirsinizsə bu yazımı https://qebulol.az/duzgun-ixtisas-secimi/ oxumağınızı tövsiyə edirəm. İndidən ixtisas seçiminizdə uğurlar arzu edirəm! İndi isə sizlərə son dəyişikliklər barəsində məlumat vermək istəyirəm. Elə isə gəlin başlayaq!
Abituriyent Məlumat Mərkəzi Nədir?
Odlar Yurdu, Bakı Biznes, Qərbi Kaspi, Avrasiya və Kooperasiya universitetlərində yaradılmış Məlumat Mərkəzi abituriyentlərə ödənişsiz şəkildə kömək etmək məqsədilə yaradılmışdır. Məlumat Mərkəzinə online növbə alaraq həftə ici hər gün saat 09:00-dan 17:00-a qədər müraciət edə bilərsiniz. Burada sizlərə düzgün ixtisas seçimi etmək barəsində nələrə diqqət edilməli, “Abituriyentin elektron ixtisas seçimi ərizəsi”nin düzgün doldurulma qaydası və təsdiq edilməsi, müsabiqə şərtləri və s. haqqında ətraflı məlumat verirlər. Məlumat Mərkəzinin əməkdaşları xüsusi treninqlərdən keçmiş təhsil ekspertləridir. Məlumat mərkəzinə tibbi maskasız giriş qadağandır.
Hansı ixtisaslara tələbat çoxdur?
Heç kimə sirr deyil ki , yaxın 10 ildə bəzi ixtisaslar öz aktuallığını itirəcək. Artıq müasir tenologiyanın təsiri ilə daha çox tələbat Digital Texnologiyalar, İnformasiya Təhlükəsizliyi, Kompyuter texnologiyaları , Kodlaşdırma, Digital Marketing, Tibb bu kimi ixtisaslara tələbat günü gündən artmaqdadır. Bu kimi sahələri bitirdikdə tələbələrin iş imkanları daha yüksəkdir. İxtisas seçimində növbəti diqqət etməli olduğunuz məqam isə bu il yeni yaradılan ixtisaslar və adı dəyişdirilmiş ixtisaslar var. Tələbatın çox olduğuna gore bəzi universitetlər yeni ixtisaslara yer veriblər. Belə ki, Bakı Dövlət Universiteti 2-ci qrup üzrə ən çox tələb olunan ixtisaslardan biri olan Maliyyə və Biznesin idarə edilməsi ixtisası yaradıblar. 25 nəfər həmin ixtisaslardan birinə qəbul ola biləcəklər. Keçən il isə İqtisad Universitetində yeni yaradılmış ixtisas olan Sosiol iş ixtisasına qəbul üçün keçid balı 488 oldu. Digər universitetlərdə isə bu ixtisasa daha aşağı balla qəbul olmaq mümkündür.
Avqustun 30-unda isə ixtisas seçimi başa çatır. Sizlərə ixtisas seçimində uğurlar və seçdiyiniz ixtisasın həqiqətən sevdiyiniz ixtisas olmasını diləyirəm. Bu zaman onu icra etməkdən yorulmayacaq və işinizin peşekar mütəxəssisi olacaqsınız!
