Elmi araşdırmalar əsasında sübut olunmuşdur ki, vərdişlərimiz gündəlik həyatımızın təxminən 40%-ini təşkil edir. Yeni bir vərdiş qazanmaq və mövcud vərdişlərimizi daha da inkişaf etdirmək həyat keyfiyətimizi inkişaf etdirməkdə, xoşbəxtlik səviyyəmizi qaldırmaqda və mənalı ömür sürməyimizdə əvəzsiz rolu vardır. Uğur qazanmaq və məqsədlərimizə tez bir zamanda çatmaqda vərdişlərin gücü artıq hərkəsə məlumdur. “Bəs yeni bir vərdişi necə qazana bilərəm?” deyə maraq edirsinizsə keçən yazımızda sizinlə Vərdiş Qazanmaq Üçün 5 Qızıl Qayda adlı məqalə paylaşmışıq, linkə daxil olaraq vərdiş qazanmaq haqqında ətraflı məlumat ala və effektiv qaydalarla tanış ola bilərsiniz.
Bəs Vərdişlərin Həyatımızdakı Gücü Nədən İbarətdir?
Bütün uğurlu və zəngin hesab etdiyimiz, uğurlarına heyran qaldığımız insanların həyat hekayələrinə nəzər salsaq həmin insanların hər daim sadiq qaldıqları və dəyişilməyən vərdişlərə sahib olduqlarını müşahidə edə bilərik. Həmin vərdişlər isə əsasən bunlardan ibarət olur:
- Hər gün erkən saatlarda təxminən 5:00-6:00 arası oyanarlar;
- Hər gün hər hansı bir idman növü ilə məşğul olarlar;
- Hər gün meditasiya edərlər;
- Hər gün saatlarla kitab oxuyarlar;
- Hər gün uğurlu olmaq istədikləri mövzu üzərində saatlarla çalışarlar.
Bəs bütün bu uğurlu insanların niyə məhz belə eyni vərdişləri olur ki?! Həmin bu vərdişlərdir ki, onları belə uğurlu edir?! Bu suala isə bəzi əsaslı səbəblərə dayanaraq Bəli cavabını vermək istəyirəm. Həmin o səbəblərə isə bunları aid etmək olar:
Çünki heç günün gec saatlarında oyanıb uğur qazanan insan hekayəsi ilə tanış olmusuz?! Həmin o uğurlu insanlar günün erkən saatlarında oyanmaqla, işlərinə və özlərinə daha çox zaman ayırmaq imkanına sahib ola bilirlər. Erkən saatlarda oyanmaq isə günün daha səmərəli və produktiv keçməsində faydalı olur. Günün ən səmərəli saatlarında oyanıb idman edərək, bədənlərini və zehinlərini formda tuturlar. Çoxlu kitab oxumaq və meditasiya ilə məşğul olmaq isə onların beyin fəaliyyətini artıraraq sürətli qərar vermələrinə səbəb olur. Çox oxuyan hamı uğurlu və zəngin olur qənaətinə vara bilməsəkdə, amma açıq-aydın görsənir ki, çox zəngin və uğurlu insanların çoxu həmin bu vərdişlrə sahib olan və çox oxuyanlar sırasından çıxır qənaətinə vara bilərik.
Erkən saatlarda oyanaraq, idmanla məşğul olaraq, meditasiya edərək, saatlarla kitab oxuyaraq, çox çalışaraq mütləq şəkildə uğurlu və zəngin olacaqsınız deyə bilməsəm də, amma onu deyə bilərəm ki, siz bütün bu faydalı vərdişləri qazanaraq ən azından gününüz daha da səmərəli və produktiv keçəcək, bədənizin daha da sağlam olacaq, özünüz daha da bilikli və vizyon sahibi olacaqsınız. Bütün bu bəsit şeyləri istəsək hamımız edə bilərik amma görünən odur ki, bir çoxumuz bunu istəmir. 5 il sonra olacağın insan tamamilə bu gün oxuduğun kitablara, izlədiyin, filmlərə və kinolara zamanını sərf etdiyin insanlara və söhbətlərə, istifadə etdiyin qidalara və vərdişlərinə görə müəyyən olunur. Bəs sən 5 il sonra kim olmaq istəyirsən? Bu sualı istədiyin şəkildə cavablandır və olmaq istədiyin insanı qərarlaşdır. Çünki sən olmaq istədiyin insan olduğunda onsuzda uğurlu olacaqsan və bu yolda sənə uğurlar və faydalı vərdişlər arzu edirəm!
Xaricdə təhsil suallaranızı bizə yaza bilərsiz.
