Xaricdə təhsil almaq istəyən bütün tələbələrin xəyalı olan və üç əsrdən çoxdur ki, fəaliyyət göstərən Hardvard Universitetinə sahib olan Amerikada təhsil almağa hər il minlərlə gənc can atır. Amerika həm yüksək keyfiyyətli təhsili ilə, həm də 4000-dən çox universitetə malik olmaqla tələbələrə özlərinə uyğun olan universiteti seçib təhsil almaq fürsəti yaradır. Lakin Amerikada xarici tələbələrin təhsil alması baha başa gəlir. Hər ilə təxminən orta hesabla 30.000 dollar lazımdır. Təhsilin yüksək qiymətinə görə tələbələr Amerikada təhsil almaq arzularını təqaüd proqramları sayəsində gərçəkləşdirirlər.
Xaricdə təhsil suallaranızı bizə yaza bilərsiz.
Bəs Amerikada Hansı Təqaüd Proqramları Var?
İlk növbədə Amerikada təqaüdlə təhsil almaq istəyən tələbələr daha çox təqaüdü qazanmaq üçün hansı tələblər qoyulduğunu və mərhələlərin nədən ibarət olduğunu bilməlidirlər. Təqaüdü almaq üçün keçən yazımızda tələbələrin nə etməli olduqları və tələblər barəsində ətraflı məlumat vermişik. Sizdə bu mövzu haqqında ətraflı məlumat almaq istəyirsinizsə Amerikada Necə Təqaüdlə Təhsil Almaq Olar? adlı məqaləmizi oxuya bilərsiniz. İndi isə Amerikanın təqaüd proqramları ilə tanış olaq!
Amerika dövləti tərəfindən maliyyələşdirilən və dünyanın 155 ölkəsində fəaliyyət göstərən Fullbright təqaüd proqramı hər il 4000-dən çox tələbəyə təqaüd verir. Proqram bütün ali təhsil sahələrindən olan mütəxəssislərə, aspirantlara ABŞ-da təhsil almağa və araşdırmalara başlamaq imkanı verir. Təqaüd aviabiletləri, yaşayış xərclərini, təhsil haqqını və sığorta xərclərini əhatə edir. Proqrama qəbul əasən may aylarında başlayır və proqram haqqında əlavə məlumatları ABŞ səfirliyinin saytında https://az.usembassy.gov/az/education-culture-az/ tapa bilərsiniz.
Hubert Humphrey təqaüd proqramı isə Amerikada peşekar karyera inkişafı ilə bağlı tələbələrə təhsil imkanı verir. Proqramın davam etmə müddəti 9-11 ay ərzində olur və tələbələrin həmçinin işləmək imkanıda olur. Təqaüd proqramı tələbənin aviabilet, təhsil haqqı, aylıq yaşam xərcləri, və sığorta xərclərini qarşılayır. Təqaüdə müraciət edən tələbələrin ən az bir bakalavr dərəcəsi olmalı, 5 illik iş təcrübəsinə malik olmalı və ingilis dil biliyini təsdiq edən sertifikatı olmalıdır. 
AAUW xüsusi olaraq qadınlara ABŞ-da təqaüdlə təhsil almaq imkanı verir. Təqaüdün dəyəri magistrlər üçün 18.000 dollar və doktorantlar üçün isə 20.000 dollardır. Proqrama qəbul olmaq istəyən namizədlərdən böyük bir application form doldurmaları və essay yazmaları tələb olunur. Bu tələbləri uğurla yerinə yeritən xanım namizədlər təqaüdü əldə edə bilirlər.
Bu təqaüd proqramı isə Amerikada bakalavr təhsili almaq istəyən namizədlər üçün nəzərdə tutulmuşdur. Proqrama qəbul isə tələbənin attestat qiymətləri və ingilis dil biliyini təsdiq edən sertifikatı əsasında müəyyən olunur. Bunun üçün tələbənin attestat qiymətləri 4-dən aşağı olmamalı və İELTS qiyməti minumum 6.5 olmalıdır. TOEFL isə 90 olmalıdır. Təqaüd aviabilet və sığorta xərcləri istisna olmaqla, tələbənin illik təhsil haqqı və aylıq yaşam xərclərini qarşılayır.
Xaricdə təhsil suallaranızı bizə yaza bilərsiz.
Amerika təqaüdlərinin dövlət və universitet tərəfindən maliyyələşdirilən proqramları mövcuddur. Amerikada təqaüdlə təhsil almaq üçün proqramlara diqqət etməli və bahalı, reytinqi çox yüksək olan universitetlərin təqaüdlərinə müraciət etməməyinizi tövsiyə edirəm. Çünki, həmin universitetlərin xərcləri və rəqabətləri yüksək olur. Son olaraq isə sizlərə Amerikada təhsil almaq yolunuzda uğurlar və müraciət etdiyiniz hər bir təqaüd proqramından qəbul cavabı almağınızı arzu edirik!
