İsveç Avropanın texnologiya və innovasiyalar ölkəsi olduğundan xarici tələbələr magistr təhsili almaq üçün bu ölkəyə üz tuturlar. Xüsusilə informasiya texnologiyaları, MBA və proqramlaşdırma üzrə magistr təhsili ala biləcəyiniz proqramlara tələbat daha çoxdur. Bəs İsveçdə magistr proqramlarına müraciət prosesi necə baş verir, hansı sənədlər lazımdır, magistr proqramlarına müraciət zamanı hansı faktorlara diqqət yetirilir? Bütün bu suallara aşağıda cavab tapacağıq.
Xaricdə təhsil suallaranızı bizə yaza bilərsiz.
İsveçdə hansı magistr proqramları var?
İsveçdə magistr proqramları müxtəlif olduğundan sizə bir çox imkanlar təklif edir. Mühəndislik, Sosial Elmlər, Tibb, Kommunikasiya kimi ixtisaslar üzrə magistr təhsili ala bilərsiniz. İsveç distant təhsil sahəsində də çoxsaylı imkanlar təklif edir. Əgər bakalavr təhsilinizi İsveçdə almısınızsa, magistr seçimində şansınız olduqca yüksəkdir. İsveçdə magistr üzrə yəhsil haqları Aİ vətəndaşı olan tələbələr üçün pulsuz, qeyri-Aİ vətəndaşları üçün isə ixtisasdan asılı olaraq 5.000$ – 15.000$ arasında dəyişir. İsveçdə magistr proqramlarının əksəriyyəti ingilis dilində aparılır.
İsveçdə magistr təhsili üçün ümumi tələblər
İsveçdə magistr təhsili üçün ilk növbədə bakalavr məzunu olmalısınız. Lakin bəzi universitetlər bakalavr təhsilinizin son kursunda magistr proqramına müraciət imkanı yaradır. Magistr proqramlarına müraciət zamanı ən vacib faktorlardan biri də ingilis dili biliyinizdir. İngilis dili biliyinizi sübut edən IELTS və ya TOEFL imtahanlarından lazımi bal toplamalısınız. Minimum ballar univeristetlərdən asılı olaraq IELTS üçün 6, 6.5, 7 – TOEFL üçün isə 100, 90, 72 bal arasında dəyişir. Tələblər arasında eyni zamanda bakalavr ortalama qiyməti və ən azı iki akademik tövsiyə məktubları da yer alır.
Xaricdə təhsil suallaranızı bizə yaza bilərsiz.
Müraciət zamanı tələb olunan sənədlər
- Bakalavr diplomu və əlavəsi ( Son kursda təhsil alan tələbələr universitetdən ən son transkripti əldə etməlidir)
- IELTS və ya TOEFL imtahan nəticəsi
- Müraciət zamanı tələb olunan rüsumun ödənilməsinə dair sənəd
- Pasport
- Tövsiyə məktubu
- Motivasiya məktubu
- Şəxsiyyət vəsiqəsinin surəti
- Digər sənədlər (sertifikatlar, nailiyyətlər və s.)
Xaricdə təhsil suallaranızı bizə yaza bilərsiz.
İsveçdə təhsillə bağlı həm bakalavr, həm də magistr üzrə bir çox məlumatları özündə əks etdirən “Study in Swedan” saytını ziyarət etməlisiniz. Bu saytda İsveç təhsil sistemi, təhsil alternativləri, sosial həyat, təqribi tələbə büdcəsi kimi bir çox mövzularda məlumat əldə edə bilərsiniz. Magistr proqramları barədə ən son yenilikləri universitetin rəsmi saytından baxmağınızı tövsiyə edirik. Müraciətlər onlayn qaydada universitetlər tərəfindən aparılır.
İsveçdə magistr proqramlarına müraciət 1 Dekabr – 15 Yanvar tarixləri arasında qəbul edilir. Proses bütün mərhələləri ilə birlikdə may ayının ortalarına qədər davam edir və qəbul almağınızla birlikdə sentyabr ayında tədris başlayır.
Visby adlı beynəlxalq təqaüdü proqramı var. Lakin bu proqram çox rəqabətli olduğundan az sayda tələbələr bu təqaüdü ala bilirlər. Hər ölkə üzrə müəyyən sayda kvota ayrılır. Məsələn 2020-ci ildə Azərbaycandan 12 nəfərə yaxın tələbə bu təqaüdü qazanıb. Bundan əlavə, bəzən universitetlərin özünün daxili təqaüdləri olur. Bu təqaüdləri almaq üçün müəyyən tələblərə cavab verməlisiniz. Məsələn təhsil aldığınız müddətdə göstərdiyiniz akademik nailiyyətlər, yüksək ortalama və s. kimi nüanslar daxili təqaüd qazanma şansınızı artırır.
Xaricdə təhsil suallaranızı bizə yaza bilərsiz.
