İsveçdə Təhsil

İsveçdə təqaüdlü təhsil – 2024 ƏN YENİ

İsveçdə təhsil

İsveç keyfiyyətli təhsil sistemi, həyat şəraiti və təhlükəsizlik baxımından yüksək reytinqə malik bir ölkədir. Ölkə ən üstün akademik mükafatlardan biri olan Nobel mükafatına ev sahibliyi edir. Təhsil müəssisələrində 350 – dən çox proqram ingilis dilində aparılır. İsveç Avropada çox sürətlə inkişaf edən və daim innovasiyalarla yeniləşən təhsil sisteminə malikdir. İsveç təhsilində müasir pedaqogika metodları tətbiq olunur. Orta və ali məktəbin bütün pillələrində təhsil pulsuzdur. Bu ölkədə yalnız özəl universitetlərdə ödənişli təhsil mövcuddur. Tələbələr təhsil aldıqları müddətdə işləmək izninə malik olurlar. İsveçdə təhsil haqqı universitetin və fakültənin keyfiyyətinə görə 8000-20000 avro arasında dəyişir. Yaşayış xərcləri isə bir ay üçün 850 avro civarındadır. İsveçdə magistr pilləsində təhsil almaq istəyənlərin bakalavr ortalama balı 70-80-dən az olmamalıdır. Həmçinin magistr təhsil almaq istəyən şəxsin IELTS göstəricisi 6.5-dən az olmamalıdır.

Xaricdə təhsil suallaranızı bizə yaza bilərsiz.

Təqaüd imkanları – Visby Təqaüdü

İsveçdə təqaüdlə təhsil almaq üçün ən məşur proqramlardan biri də Visby təqaüdüdür. Birinci məsələ universitetə müraciət ilə başlayır. Tələbə olmaq istəyən şəxs universityadmissions.se saytında qeydiyyatdan keçərək öz sahəsinə uyğun ixtisas və ya ixtisaslara müraciət edir. Visby təqaüdü yalnız bu siyahıda yer olan ixtisaslara verilir, yəni ixtisas və universitet seçimi önəmli məsələdir. Eyni zamanda, Visby rəsmi olaraq qeyd edir ki, ekoloji və sosial davamlılıq, idarəetmədə yenilik və məsuliyyət və ya davamlı iqtisadi inkişafla bağlı ixtisaslara daha çox önəm verilir. Visby üçün universitetlərə müraciət oktyabrın 16-sı açılır və növbəti ilin yanvar ayının 15-nə kimi davam edir. Tələbə, bu tarixlər arası universitetə müraciət etməli və fevralın 3-nə qədər “application fee”, yəni tələbənin müraciətinə baxılması üçün tələb olunan rüsum ödənməlidir.

Reklam

turkiyede tehsil

Təqaüd proqramına müraciət

Universitet sizin müraciətinizi qiymətləndirib, sizin qəbul almağınızı müsbət qarşıladıqdan sonra növbəti mərhələ Visby təqaüd proqramının özünə müraciət etməkdir. Müraciətlərin qəbul olunması üçün sistem 10 fevral tarixindən 20 fevral tarixinə qədər aktiv olur. Bu müddət ərzində tələbə tələb olunan sənədləri sistemə yükləyir və 24 aprelə qədər gözləyir. 24-28 aprel tarixləri arasında isə Visby təqaüd proqramının qaliblərinin adları e-poçt vasitəsilə açıqlanır. Əgər son tarixə qədər hər hansı bir e-poçt almamısınızsa, bu o deməkdir ki, qaliblər sırasında deyilsiniz.

Xaricdə təhsil suallaranızı bizə yaza bilərsiz.

Təqaüd proqramı üçün tələb olunan sənədlər

Motivasiya məktubu – Tələbənin şəxsi motivasiyası çox önəmlidir. Yəni əsas məqam budur ki, tələbə seçdiyi ixtisası özünün təcrübəsi və təhsili ilə açıq-aydın əlaqələndirməli və magistratura təhsilinin özü və digərləri üçün nə kimi müsbət nəticələr verəcəyini proqnozlaşdıra bilməlidir. Motivasiya məktubunda İsveçdə təhsilinizi bitirib ölkənizə qayıtdıqdan sonra ölkənizə nə kimi töhfələr verə biləcəyinizi də qeyd etməyiniz lazımdır.

CV – Visby təqaüdü üçün sistemə CV yüklənilməli və maksimal şəkildə 3 səhifədən ibarət olmalıdır. Visby üçün CV özlərinin tələb etdiyi şablon formada hazırlanmalıdır. Şablon formanı proqramın rəsmi saytından əldə mümkündür.

Reklam

turkiyede tehsil

Digər bir məsələ isə tələbə haqqında yazılacaq tövsiyə (reference) məktublarıdır. Bu məktublar yaxşı olar ki, tələbəni birbaşa tanıya bilən şəxslər, ideal olaraq müəllimləri tərəfindən yazılsın. Tövsiyə məktubunun məzmunu tərifnamə olmalı deyil. Məntiqi şəkildə izah olunmalıdır ki, ixtisas və təqaüd bu tələbəyə nəyə görə lazımdır. Məktub maksimum 2 səhifə, imzalı və möhürlü şəkildə yazılmalı və Visby proqramının tələb etdiyi formada təqdim olunmalıdır.

İş və ya liderlik təcrübəsinin olması – Burada ən mühüm məsələ müraciət edən şəxsin iş təcrübəsi ilə bağlıdır. İş təcrübəsi dedikdə buraya tamştat və yarımştat əmək fəaliyyəti, ödənişli və ya ödənişsiz təcrübə proqramları, könüllü xidmətlər, tələbə birliyi və təşkilatlarında aparıcı vəzifələr də daxildir. Əvvəllər Visby iş təcrübəsinin müddəti ilə bağlı hər hansı bir məhdudiyyət qoymurdu, lakin son illərdə proqrama müraciət edənlərin sayı artdığından və rəqabət yarandığından minimal iş saatı 3000 saat tələb olunur. İş yerindən arayış forması proqramın rəsmi saytında şablon formada mövcuddur. Həmin forma əvvəlcə çap olunmalı, daha sonra rəhbərlik tərəfindən doldurulmalı, imzalanmalı və möhürlənməlidir. Daha sonra isə PDF fayl formasında sistemə yüklənməlidir.

Pasport – Pasportun skan versiyasında şəxsi məlumatlar (şəkil olan hissə) aydın şəkildə görünməlidir. Pasportun surəti CV ilə birlikdə sonuncu, yəni dördüncü (əgər CV 3 səhifə olacaqsa) səhifə olaraq daxil edilməlidir.

Digər sənədlər – Dil sertifikatları, təhsil aldığı müddətdə və ya sonra əldə etdiyi nailiyyətləri sübut edən sertifikatlar namizədin müraciət edəcəyi proqramdan asılı olaraq dəyişir. İngilis dilli proqramlara müraciət zamanı, əsasən IELTS və ya TOEFL sertifikatları tələb olunur.

Xaricdə təhsil suallaranızı bizə yaza bilərsiz.

Yekun fikirlər

İsveçdə təhsil və İsveçin təhsil sistemi, təqaüdün təhsil haqqı, aylıq yaşam xərcləri, tibbi sığortanı və müəyyən qədər səyahət xərclərini əhatə etməsinə görə, Visby təqaüd proqramına tələbat yüksəkdir. Məsələn, keçən ilin statistikasına görə 826 müraciətdən cəmi 65 namizədə üçün təqaüd ayrılıb, bu da 10 faizdən aşağıdır. 2019-cu ildə Azərbaycandan 232 nəfər müraciət edib və yalnız 12 nəfər təqaüd ala bilib.

Proqram hansı xərcləri qarşılayır?

Visby təqaüd proqramı bütün təhsil xərclərini qarşılayır. Eyni zamanda aylıq 10,000 isveç kronu (təxminən 1720 azn) məbləğində təqaüd verir. Təhsil xərclərinə və aylıq təqaüdə əlavə olaraq, hər akademik il üçün 5,000 isveç kronu (təxmini 860 azn) məbləğində isə səyahət qrantı ayrılır və tələbə tibbi sığorta ilə təmin olunur. Stipendiya aylıq olaraq ödənilir. 1 illik magistratura proqramını bitirən tələbələr, 1 ildən sonra ödənişsiz təcrübə proqramına qəbul ala bilsələr, 5 aya qədər aylıq 10,000 isveç kronu məbləğində təqaüd əldə edə bilərlər.

 İsveçdə tehsil haqqı və aylıq yaşam xərcləri nə qədərdir?

İsveçdə təhsil haqqı illik 10-15 min avrodur. Aylıq yaşam xərci 1000 avro civarındadır.

Xaricdə təhsil suallaranızı bizə yaza bilərsiz.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button