Son illərdə xaricdə təhsil almaq istəyən tələbələrin sayı günü-gündən artmaqdadır. Lakin xaricdə təhsil almaq yerli tələbələrimiz üçün olduqca baha başa gəlir. Bu səbəbdən tələbələr xaricdə təhsil almaq arzularını təqaüd proqramları vasitəsilə gərçəkləşdirirlər. Bu dəfə haqqında ətraflı məlumat verəcəyimiz təqaüd proqramlarından biridə Visby təqaüd proqramıdır.
Visby Təqaüd Proqramı Haqqında
İsveç İnstitutu tərəfindən maliyyələşdirilən Visby təqaüd proqramı İsveç hökümətinin Avropa Şərq Tərəfdaşlığı (EaP) və həmçinin Rusiya Federasiyasının vətəndaşları üçün nəzərdə tutulmuşdur. Beynəlxalq tələbələr üçün ən prestijli təqaüd proqramlarından biri olmaqla, hər il 7 ölkənin hər birindən təxminən 9-13 tələbə Visby təqaüd proqramına seçilir. Visby təqaüd proqramı digər proqramlardan olduqca əlverişlidir. Bu üstünlüyün səbəbi isə Visby təqaüd proqramının ölkəmiz üçün müəyyən bir kvota ayırmasıdır. Bu il 12 nəfər azərbaycanlı tələbə bu təqaüdü əldə etmək şansı qazanmışdır.
TOEFL IBT imtahanından ZƏMANƏTLİ 90+ bal yığmaq istəyirsizsə bizimlə əlaqəyə kecin.
Visby Təqaüd Proqramına Qəbul Prosesi Necədir?
Təqaüd proqramına qəbul prosesi ilk öncə universitetlərə müraciət etməkdən başlayır. Qeyd olunan https://www.universityadmissions.se/intl/start saytdan qeydiyyatdan keçərək, maksimum 4 universitet seçməklə müraciət edə bilərsiniz. Burada qeyd etməliyik ki, Visby təqaüd proqramının https://si.se/en/ rəsmi saytından hansı ixtisaslara müraciət edə biləcəyinizi müəyyən etməlisiniz. Çünki hər il ixtisas və universitetlərin siyahısı dəyişiklik göstərir. Bu səbəbdən dolayı, ilk öncə ixtisas və universitetlərə baxmanızda fayda var. Universitetlərə müraciət etdikdən sonra, təqaüd proqramının rəsmi saytından Visby müraciətinizi hazırlaya bilərsiniz. Universitetlərə müraciət zamanı application fee adlanan 900 SEK yəni təxminən 170 AZN rüsum ödənişi etməlisiniz.
Tələb Olunan Sənədlər Hansılardır?
Xarici universitetlərin demək olar ki, bir çoxu tərəfindən tələb olunan motivasiya məktubu qəbul prosesinizdə vacib rol oynayır. Buna görədə motivasiya məktubunuzu son dərəcə peşakar və özünüzə xas şəkildə yazmalısınız. Motivasiya məktubunda isə universitetə və ixtisasa qəbul olunmaq üçün nə qədər həvəsli və istəkli oluduğunuzu və nə üçün qəbul olunmaq istədiyinizi bildirməlisiniz.
Tələb olunan digər bir sənəd olan tövsiyə məktubu sizin universitətə qəbul olunmanız üçün tövsiyə xarakterli yazılır. Motivasiya məktubundan fərqli olaraq, tövsiyə məktubunu siz özünüz deyildə, universitet professoru və ya elmi dərəcəli bir şəxs tərəfindən yazılmalıdır. Buradakı məqsəd isə sizi başqa bir şəxsin qəbul üçün tövsiyə etməsi universitet qəbul komissiyasının daha obyektiv qərar verə bilməsini təmin edir.
Visby təqaüd proqramında vacib rol oynayan tələblərdən biridə müraciət edən şəxsin ixtisasla bağlı iş təcrübəsinin olmasıdır. Müraciət zamanı sistemə CV nümunəsi yüklənilməli və qeyd olunan CV maksimum 3 səhifədən ibarət olmalıdır. CV nümunəsi isə təqaüd proqramının tələb etdiyi şəkildə şablon formada hazırlanmalıdır.
Təqaüd proqramına qəbul prosesində akademik götərici və tələb olunan nəticələr ilə bərabər, namizədin sosial aktivliyini və cəmiyyətə olan töhfələrini nəzərə alırlar. Buna görədə çalışdığınız qədər ölkə daxilində və xaricində təşkil olunan təlim və seminarlarda, sosial layihələrdə iştirak edin və sertifikatlar əldə edin.
Visby təqaüd proqramına müraciət oktyabrın 16-sından başlayır və növbəti ilin yanvar ayının 15-nə kimi davam edir. Namizədlər bu müddət ərzində universitetlərə müraciətlərini tamamlamalı və tələb olunan sənədləri proqrama təqdim etməlidirlər. Son olaraq isə sizlərə xaricdə təhsil yolunuzda uğurlar və təqaüd proqramından qəbul cavabı almanızı arzu edirik!
Xaricdə təhsil suallaranızı bizə yaza bilərsiz.
