Arzularımız, xəyallarımız, gələcəyə dair ümidlərimiz həyatımızı daha da mənalı edən və bizi yaşamağa sövq edən amillərdəndir. Həyat yolumuzda hər daim nələrisə arzu edir və onu əldə etməkdən ötrü, əlimizdən gələnin ən yaxşısını etməyə və hədəflərimizə çatmağa çalışırıq. Arzularımıza və xəyallarımıza çatmaq üçün isə yüksək motivasiyaya, iradəyə və səbrə ehtiyacımız vardır. Buna baxmayaraq təbii olaraq, insanın hər zaman eyni əhval-ruhiyyədə və eyni motivasiyada olması qeyri-mümkündür amma bu gün mən sizinlə müntəzəm olaraq necə daha iradəli, yüksək motivasiyalı qalacağımıza dair və arzularımızı necə reallaşdıra bilərik mövzusundan bəhs etmək istəyirəm.
Bunun üçün nə edə bilərəm?
1.Arzu və Hədəflərinizi Müəyyənləşdirin. Artıq bu cümlənin hər nə qədər çox işlədilməsinə baxmayaraq, şablon olaraq məna kəsb etsədə, bəzən bizlər həqiqətən nəyi istədiyimizi və hədəfimizin nə olduğunu bilə bilmirik. Və hər birimiz müəyyən həyat dönəmlərində bu sualları verə bilirik; “Arzum nədir? , Mən nəyi istəyirəm, Hədəfim nədir?”. Bu zaman narahat olmayın və üzülməyin, çünki bu sualları vermək qədər, dərhal cavablaya bilməməkdə çox normaldır. Lakin mən indi sizə bu sualları necə cavablayacağınıza və arzu və hədəflərinizi necə müəyyən edə biləcəyinizə dair bəzi tapşırıqlar verəcəyəm. Elə isə gəlin çox vaxt itirmədən başlayaq!
Tapşırıqlar nələrdir?
- Bir vərəqə 50 arzunuzu yazın!
Burada bir məqama diqqət etməlisiniz ki, qeyd olunan 50 arzu yalnız və yalnız özünüzə aid olmalıdır. Kiçik və böyük arzular olmağından asılı olmayaraq, bütün ağlınıza gələn və reallaşmasını istədiyiniz bütün arzularınızı qeyd edin!
- Yazdıqlarınıza diqqətlə baxın!
Bu ilin sonuna qədər ən çox hansı arzularınızın gərçəkləşməsini istəyirsiniz? Həmin arzuları sayından asılı olmayaraq, işarələyin.
Reklam - Ən çox hansı arzunuzun reallaşmasını istəyirsiniz?
İşarələdiyiniz arzulara yenidən bir daha baxın, çünki həmin arzular mütləq şəkildə birləşib əsas Hədəfinizi və həqiqi Arzunuzu formalaşdırır. Bəzən bizlər qəlbimizin səsini susdurub, nəfsimizin səsini eşidə bilirik. Ən çox ehtiyacımız olanı deyildə, beynimizin və nəfsimizin istəyini eşidə bilirik. Və bu istəkləri, sözdə arzuları hər nə qədər reallaşdırsaqda, onları əldə etsəkdə sonda bizi xoşbəxt və hüzurlu hiss etdirmir, əksinə yenədə nələrinsə çatmadığını hiss etdirir və bizi tatmin etmir. Xoşbəxt və hüzurlu olmaq istəyirsinizsə, Əsl Arzunuzu müəyyən edin və onu reallaşdırın!
2.Arzu və Hədəflərimin Reallaşması üçün Nə Etməliyəm?– Siz artıq ən vacib olanını etdiniz və Arzunuz nədir artıq onu bilirsiniz. İndi isə onun reallaşması üçün nə edə bilərsiniz deyə düşünün. Bu məsələ və onun həll yolu isə artıq indivudualdır. Çünki edə biləcəkləriniz sizin nə istədiyinizdən asılı olaraq dəyişir. Buna baxmayaraq, sizinlə bir nümunə paylaşmaq istəyirəm. Məsələn, mən arzumu müəyyənləşdirdim və məni xoşbəxt hiss etdirəcək əsl arzu və hədəfimin Xarici Ölkədə Yaşamaq olduğuna qərar verdim. Növbəti addım olaraq isə “Bəs bu arzumuzun reallaşması üçün nə edə bilərəm?” sualını verib, onun həll yollarını axtarmalıyam. İlk növbədə ən vacib olanı – hansı ölkədə yaşamaq istədiyimdən asılı olaraq, həmin ölkənin dilini öyrənməli və daha sonra hansı yolla orada gedib yaşaya biləcəyimi müəyyən etməliyəm. Və bunun ən alternativ yolu isə xaricdə təhsil almaq ola bilər. Bütün bunları dəqiqləşdirəndən sonra yoluma davam etməliyəm. Burada olan əsas məsələ ondan ibarətdir ki, özünüzə inanmaqdan və alternativ yollar axtarmaqdan çəkinməyin!
3.Motivasiyamızı Necə Qoruyaq?– Əgər siz həqiqi arzunuzu və hədəfinizi müəyyən etmisinizsə, onu əldə etmək istəyiniz heç vaxt sönməyəcək. Bəzən motivasiyanız düşə bilər, “yox bu məndə alınmır” deyə ümidsizliyə qapıla bilərsiniz, lakin bu zaman həmin hisslərin çox normal olduğunu unutmamalı və özünüzə biraz zaman ayırdıqdan sonra yolunuza davam etməlisiniz. Çünki nə olursa olsun, yenidən ayağa qalxa biləcəksiniz və həmin arzunuz reallaşanda “mən bura hansı yollardan və nələrdən keçib gəldim” düşüncəsi belə, sizə qürur verəcək və üzünüzdə təbəssüm yaradacaqdır. Bu təbəssüm isə nəyə desəz dəyər, yetər ki, arzunuzdan əl çəkməyin!
4.Səbrli Olun!– Biz insanlar tələskən varlıqlar olduğumuzdan dolayı, hər bir arzu və istəyimizin dərhal reallaşmasını istəyirik. Bu baxımdan Yaradıcımızda bizə tələskən varlıq olduğumuzu dəfələrlə təkrarlayır və demək olar ki, bəlkədə bu xüsusiyyətimiz ən zəif nöqtəmizdir. Çünki bəzən hər bir şeyin bir anda baş verib-bitməsini gözləyirik. Lakin yenədə əlimizdən gələnləri etdikdən sonra, səbrli olmağa çalışmalı və hər bir şeyi zamana buraxmağı bacarmalıyıq. Çünki bütün arzularımız dərhal reallaşmaya bilir və heç gözləmədiyimiz bir zamanda hər şey istədiyimizdən də gözəl olur. Elə bəlkədə həyatın gərçək ritmi məhz budur?!
Xaricdə təhsil suallaranızı bizə yaza bilərsiz.
