Xaricdə Təhsil

Bakıda Ən Yaxşı Beynəlxalq Kolleclər Hansılardır? – 2024 Xaricdə Təhsil

Əminliklə deyə bilərik ki, hər bir valideyn övladının gələcək həyatında ən vacib rol oynayan təhsil həyatını uğurla başa vurmasını və yüksək keyfiyyətli təhsil almasını arzu edir. Övladlarınızın dünya standartlarında qabaqcıl təhsil almasını istəyirsinizsə və ya övladlarınızın təhsillərini başqa ölkədə davam etdirməyə qərar verdikləri zaman çətinlik çəkməmələrini istəyirsinizsə, ilk növbədə doğru məqalədə olduğunuzdan əmin ola bilərsiniz.

Sizin üçün hazırladığımız bu məqaləmizdə Azərbaycanda yerləşən beynəlxalq kolleclər, onların tədris proqramları, kolleclərə qəbul qaydaları, təhsil haqqları və s. haqqında ətraflı məlumat verəcəyik. Aşağıda verdiyimiz geniş izahlı məlumatlar ilə tanış olduqdan sonra bütün suallarınıza cavab tapa biləcəksiniz!

Reklam

turkiyede tehsil

Azerbaijan British College

Siyahımızın ilk sırasında yer alan və hamımızın yaxından tanıdığı Azerbaijan British College-da preschool, primary school, secondary school (key stage 3)secondary school (İGCSE & A Level) proqramlarında akademik təhsil verilir.

ABC-də fəaliyyət göstərən Preschool, yəni məktəbəqədər təhsil ilə övladlarınızı ibtidai təhsil həyatlarında uğur qazanmağa hazırlaya bilərsiniz. Məktəbəqədər təhsil proqramı ilə övladınızda möhkəm akademik zəmin yaradılmağa çalışılsa da, təhlükəsiz öyrənmə mühitləri və təcrübəli baxıcılarla oyuna və sosial inkişafa da üstünlük verilir. İllik təhsil proqramında İngilis dili, Riyaziyyat, Həyat bilgisi, İncəsənt və Dizayn, Fiziki təhsil dərsləri mövcuddur. Qabaqcıl təhsil proqamına sahib olan Azerbaijan British College-də məktəbəqədər illik təhsil haqqı qiyməti 9500 azn təşkil edir.

Primary School, yəni İbtidai təhsil proqramları isə 5-11 yaş uşaqlar üçün nəzərdə tutulmuş və Böyük Britaniya Milli Kurikulum və əlaqədar Kembric Kurikulum tərəfindən müəyyən edilmiş standartlara uyğun təhsil təklif olunur. Kurikulum təhsili isə 3 fərqli hissədən ibarətdir: Kembric Əsaslı Kurikulum, ABC Təməl Proqramı və Qlobal Tələbə İnkişafı. Bu mərhələlərə uyğun fərqli fənlər və tələbələrə həm yerli şəraitdə, həm də daha geniş qlobal kontekstdə uğur qazanmaq üçün bacarıq və anlayış verən unikal ABC proqramı tədris olunur. Tədris proqramının illik təhsil haqqı qiyməti 15 400 manatdır.

Reklam

turkiyede tehsil

ABC-də üçüncü əsas mərhələdə şagirdlərə Secondary School təhsil proqramı ilə üç fərqli hissəyə bölünmüş kurikulum dərsləri tədris olunur. Kembric Əsaslı Kurikulum 9-cu sinifdə təhsil alan şagirdlərin ingilis dili, riyaziyyat və elm fənləri üzrə, ABC Təməl Proqramı incəsənət, fiziki məşqlər və humanitar elmlər üzrə daha geniş təhsilini inkişaf etdirir və Qlobal Tələbə İnkişafı ilə IGCSE-ni öyrənmək üçün akademik cəhətdən tam hazır olan gələcək liderlər yaratmağa çalışır. Tədris proqramının illik təhsil haqqı qiyməti 16 400 manatdır.

Dördüncü əsas mərhələdə 10 və 11-ci siniflər üçün tələbələrin iki illik İGCSE kurslarını və əsas kurikulum dərslərini öyrənmək vaxtıdır. 11-ci sinifdə tələbələr İGCSE qiymət və təcrübələrinə əsasən A səviyyəsində təhsil almağa başlayırlar. IGCSE imtahanı üçün dörd fənn seçərək, xarici universitetlərə hazırlaşmağa başlayırlar. Tədris proqramının illik təhsil haqqı qiyməti 16 500 manatdır. ABC-nin keçən ilki nəticələrinə əsasən bütün tələbələrin 30%-i Böyük Britaniya universitetlərinə, 40%-i ABŞ universitetlərinə, 30-%i isə dünyanın ən yaxşı universitetlərinə daxil olublar.

LANDAU School

Haqqında məlumat verəcəyimiz növbəti beynəlxalq kollec LANDAU School, Azərbaycan Respublikası Təhsil Nazirliyində qeydiyyatdan keçmiş sertifikatlı özəl məktəbdir. Məktəbdə təhsil alan şagirdlərə Edexcel IGSCE və A səviyyəli proqramlar, eləcə də, pastoral inkişafa diqqət yetirməklə geniş çeşiddə dərsdənkənar fəaliyyətlər təklif olunur. Bu kollecdə də preschool, primary schoolsecondary school proqramlarında akademik təhsil verilir.

Preschool 4-6 yaş arası uşaqlar üçün nəzərdə tutulmuş və kurikulum dərsləri İngilis Milli Kurikulumuna əsaslanır. Məktəbdə bütün uşaqların özlərini təhlükəsiz və stimullaşdırıcı mühitdə əyləncəli vaxt keçirmələrini üçün şərait yaradılmışdır. Təhsil proqramlarına Riyaziyyat, Məntiq, Oxuyub anlama, İncəsənət Rəqs və s. fənlər aiddir. LANDAU Schoolda hər bir uşağın fərdi ehtiyaclarına, təcrübələrinə və qiymətləndirilmələrinə unikal yanaşılaraq təhsil zəmini yaradılır.

Primary School, yəni İbtidai təhsil proqramları LANDAU School-da fəal öyrənməni təşviq edən atmosfer yaratmaqla tədris olunur və həmçinin siniflərin nisbətən kiçik olması ilə seçilir. Bu, müəllimlərə hər bir şagirdə diqqət yetirməyə və hər bir şagirdin ümumi inkişafının standartlara uyğun olmasına şərait yaradır. LANDAU School-da dünyanın ən uğurlu məktəb sistemlərində tədris olunan kurikulum təhsili verilir. Məktəbdə təhsil Beynəlxalq və Britaniya İbtidai Kurikulumunun təhsil proqramlarından istifadə edilərək 2 proqram əsasında tədris olunur.

Secondary School təhsil proqramında 10 və 11-ci sinif şagirdləri üçün beynəlxalq GCSE, İGCSE və A səviyyəli sertifikatlar, həmçinin attestat verilir. Tədris olunan fənn imtahanlarından uğurlu nəticələr əldə etmiş şagirdlərə dünyanın ən nüfuzlu universitetlərinə daxil olmaq şəraiti yaradılmışdır.

European Azerbaijan School

Bakı şəhərində yerləşən ən yaxşı beynəlxalq kolleclərdən bir digəri European Azerbaijan School, Azərbaycan Respublikası Təhsil Nazirliyində qeydiyyatdan keçmiş sertifikatlı özəl məktəbdir. Məktəbin intensiv təhsil proqramı və dörd təhsil bölməsi (EİM, İbtidai, Orta və Yuxarı Siniflər) şagirdləri kompleks bir akademik proqrama maraq göstərməyə təşviq edir.

Müxtəlif yaş qruplarını əhatə edən Beynəlxalq Bakalavriat proqramları – İbtidai Təhsil Proqramı (PYP), Orta Təhsil Proqramı (MYP) və Diplom Proqramı (DP) tədris olunur. Məktəbin Diplom Proqramı məzunlara dünyanın ən yüksək təhsil standartları olan universitetlərinə qəbul olma imkanı verir. EAS-da şagirdlər həftənin 5 günü. bazar ertəsindən cümə gününə kimi dərslərdə iştirak edirlər. Məktəbdə tədris ingilis dillidir.

Early Learning Center, yəni Erkən İnkişaf Mərkəzində ixtisaslı müəllimlər əsas sahələr üzrə fəal öyrənməni təşviq edən kurikulum proqramlarını tədris edirlər. Erkən İnkişaf Proqramı müxtəlif şifahi (dinləmə və danışma) fəaliyyətlər və oyunlar, məsələn, nağıllar vasitəsilə uşaqlar üçün dil və savad təcrübəsini təmin etmək məqsədi daşıyır. EİM-də şagirdlərə Riyaziyyat, Elm, İncəsənət, Musiqi, Fiziki məşq və s. fənlər tədris olunur. Early Learning Center təhsil proqramının illik təhsil haqqı qiyməti 7900 manatdır.

EAS-da PYP – İbtidai Məktəb Proqramı 3-10 yaşlı uşaqlar üçün nəzərdə tutulmuş proqramdır və şagirdin inkişafına hərtərəfli yaşamaya diqqət edərək, akademik, sosial və emosional rifahını inkişaf etdirməyə çalışır. Bu tədris proqramı Kembric Proqramı və eyni zamanda, English Add Language (EAL) proqramlarının vasitəsilə həyata keçirilir. Nəticə etibarilə şagirdlərin ingilis dilində şifahi dil, yazı və oxuma bacarıqlarını inkişaf etdirlir.

İbtidai məktəbin 1-4-cü sinif şagirdlərinə hər gün İbtidai Təhsil üzrə əsas fənlər olan Riyaziyyat, Tədqiqat Vahidləri və Dil tədris olunur. Rus dili, İncəsənət, Musiqi və Bədən tərbiyəsi üzrə mütəxəssislər həftədə iki dəfə şagirdlərə dərs deyirlər. Dərslər Azərbaycan Milli Kurikulum Standartları və bir neçə ingilis dilli ölkələrin (ABŞ, Böyük Britaniya, Avstraliya) beynəlxalq standartları əsasında təşkil olunur. Tədris proqramının illik təhsil haqqı qiyməti 9950 manatdır.

Orta Təhsil Proqramı (MYP)

Proqram V-IX sinif şagirdləri üçün nəzərdə tutulmuş və şagirdlər səkkiz fənn üzrə təhsil almaqla yanaşı, həmçinin onların sintez bacarıqları da qiymətləndirilir. MYP-də qiymətləndirmə bütün dünyada olduğu kimi, hər bir fənn qrupu üçün əvvəlcədən müəyyən edilmiş meyarlara əsasən istinad edilir. Şagirdlərə öyrənməni ən yaxşı şəkildə nümayiş etdirmək üçün müxtəlif qiymətləndirmə strategiyalarından istifadə olunur. Tapşırıqlar müəllimlər tərəfindən kurs ərzində müəyyən edilməklə, məktəb daxilində qiymətləndirilir. MYP təhsil proqramının illik təhsil haqqı qiyməti 12 000 manatdır. MYP kurikulum şagirdlərə hər il aşağıdakı fənləri keçməyə imkan verən kursdur:

  1. Dil və ədəbiyyat (ingilis və azərbaycan)
  2. Dil bilikləri (rus, alman və ispan)
  3. Fərdlər və Cəmiyyətlər
  4. Elmlər
  5. Riyaziyyat
  6. İncəsənət (Musiqi, Dram)
  7. Bədən və Sağlamlıq Təhsili
  8. Dizayn Texnologiyası

Diplom Proqramı (DP) X-XI sinif şagirdlərinin universitetə və ondan sonrakı həyatlarına uğurla hazırlaşdırmaq üçün nəzərdə tutulmuş akademik cəhətdən çətin və balanslaşdırılmış iki illik təhsil proqramıdır. Bu, hər hansı xüsusi sistemin təsirindən azad olmaqla, dünyanın hər yerindən ən yaxşı təhsil təcrübələrini özündə birləşdirən beynəlxalq proqramdır. DY proqramı sayəsində şagirdlər dünyanın ən yaxşı standartlarına sahib olan xarici universitetlərə qəbul ola bilirlər. Qabaqcıl təhsil proqamına sahib olan European Azerbaijan School-da DY proqramının illik təhsil haqqı qiyməti 15 500 azn təşkil edir.

British School İn Baku

Bakıdakı British School milli və Britaniya kurikulumları əsasında beynəlxalq və yerli professor-müəllim heyəti ilə təlimlər həyata keçirir. British School Cambridge kvalifikasiyalarını, yəni IGCSE və A-Levels təklif edən məktəbdir. Bundan əlavə, Azərbaycan Respublikası Təhsil Nazirliyi tərəfindən məktəbə lisensiya verilmişdir ki, bu, şagirdlərə milli attestat və Azərbaycan orta məktəbini bitirmə şəhadətnaməsi ilə məzun olmaq imkanı verir. Ekspat müəllimlər tərəfindən ingilis dilində keyfiyyətli təhsil verilməklə yanaşı, British School şagirdlərinə təhsil haqqının qismən ödəmələri şansını da verir. BSB-də primarysecondary təhsil proqramları mövcuddur.

Primary School

İbtidai məktəb proqramı İngilis, Riyaziyyat və Elm üzrə Kembric İbtidai Kurikulumunun, Tarix, Coğrafiya, Dizayn və Texnologiya, Sosial və Sağlamlıq üzrə isə İngiltərə Kurikulumunun birləşməsini izləyir. Dərsliklər isə müxtəlifdir, Collins Beynəlxalq İbtidai İngilis dili əsas dil mətni olmaqla yanaşı, qlobal dəstəkləyici dərsliklər də tədris də istifadə olunur. Sinif müəllimləri, köməkçi müəllimlər və mütəxəssis müəllimlər tərəfindən diqqətli planlaşdırma bütün şagirdlər üçün qurulur.

Secondary School

Orta məktəb proqramı isə şagirdlərə onları çoxmədəniyyətli dünyada uğura hazırlayan geniş və akademik cəhətdən ciddi təhsil təklif edir. British School-un orta məktəbində təhsil alan şagirdlərə həm Azərbaycan milli attestat sənədini, həm də Böyük Britaniya IGCSE və AS/A Level kvalifikasiyaları əldə etmək imkanı verilir. Bunu nəzərə alaraq, məktəb şagirdlərin bir çox fərqli modellərə cavab vermək ehtiyaclarını qiymətləndirir.

British School İn Baku-da ödənişlərə təhsil haqqı, nahar (yanlız primary school üçün), kitablar və surət dəftərləri daxildir. Ödənişlər adətən əvvəlcədən ödənilir və alternativ razılaşma danışıqlar yolu ilə həll olunur.

The International School of Azerbaijan

Azərbaycan Beynəlxalq Məktəbi şagirdlərə təhlükəsiz və dəstəkləyici öyrənmə mühitində özlərini sınamağa kömək etmək üçün nəzərdə tutulmuş geniş akademik və qeyri-akademik təcrübələr təklif edir. TISA IB tələbə Profilində bacarıq və xüsusiyyətlərin öyrənilməsinə və tətbiqinə diqqət yetirməklə tam Beynəlxalq Kurikulum təmin edir. TISA şagirdləri IB imtahanlarında yüksək səviyyədə uğur qazanaraq, bütün dünyada rəqabətədavamlı universitetlərə qəbul olurlar. Məktəbdə IB Programs, Early Learning Centre, Primary School, Secondary School, Distance Learning Plan, Educational Technology təhsil proqramları mövcuddur.

TISA-da ELC-də olan uşaqlar uşaq bağçasında Beynəlxalq Bakalavr İbtidai İllər Proqramının təhsil səyahətinə başlayırlar. Öyrənmə proqramı təkcə zəngin, müxtəlif və cəlbedici deyil, həm də uşaqlar kəşf etdikcə, yaratdıqca və oynadıqca çox əyləncəlidir.

TISA MYP Proqramı 11-16 yaş arası şagirdlərin təhsil tələblərinə cavab vermək üçün nəzərdə tutulmuş beynəlxalq səviyyədə tanınmış proqramdır və IB Diplom Proqramına hazırlayır. IB Diplom Proqramı altı qitənin saysız-hesabsız ölkələrində kollec və universitetlər tərəfindən tanınan çox hörmətli akademik proqramdır. Bu baxımdan, TISA-da tələbələr, ümumiyyətlə, 100% keçid dərəcəsinə nail olmaqla, diplomlarını əldə etməkdə yüksək dərəcədə müvəffəqiyyət qazanırlar.

TISA-da təhsil haqqı qiymətləri sinif və dərəcələrə görə fərqlilik göstərir və qiymətlər əsasən 6990-30 000 dollar arasında dəyişir.

Baku Oxford School

Kembric Beynəlxalq İmtahanları Mərkəzi (CIE) kimi qeydiyyatdan keçmiş və Azərbaycan Təhsil Nazirliyi tərəfindən tam lisenziyaya malik BOS şagirdlərə həm CIE, həm də Azərbaycan dövlət proqramları (attestat) və kvalikasiyaları təklif edir. Baku Oxford School Kembric Beynəlxalq Proqramlarını, eləcə də, məzun olduqdan sonra İGCSE, A/S və A-Levels-ə aparan IEYC Kurikulumu həyata keçirir. BOS-un akademik təhsil proqramlarına BOS Education Center, Early Years Foundation Stage, Primary, Middle High School, College Guidance və University Destinations aiddir.

Akademik Xidmətləri qısa şəkildə izah etməli olsaq;

  • Early Years Foundation Stage uşaq bağçası 3-5 yaş arası uşaqlar üçün nəzərdə tutulmuşdur.
  • Primary School, yəni İbtidai məktəb 1-ci sinifdən 5-ci sinifə qədər davam edir və hər sinifdə 20-dən çox şagird olmayan üç sinifdən ibarətdir.
  • Middle School isə Kembric Orta Məktəb Kurikulumunun tələblərinə cavab verən 6-8-ci sinif şagirdlərini əhatə edir.

High School proqramı Cambridge IGCSE proqramını təklif edir və öyrənməyə əsaslanan yanaşmalardan istifadə edərək geniş fənlər üzrə təhsili təmin edir. Cambridge IGCSE dünyanın ən məşhur beynəlxalq kvalifikasiyasıdır. Cambridge IGCSE dünyanın aparıcı universitetləri və işəgötürənləri tərəfindən tanınır və inkişaf və xaricdə təhsil üçün beynəlxalq pasportdur.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button