Türkiyədə təhsil

Mevlana Proqramı ilə Türkiyədə Təhsil – 2024 Xaricdə Təhsil

Mevlana Mübadilə Proqramı Türkiyə universitetləri ilə xarici universitetlər arasında tələbə və müəllim mübadiləsini həyata keçirən bir proqramdır. Mevlana Mübadilə Proqramı vasitəsilə hər hansı bir coğrafi bölgədən asılı olmayaraq, tələbələr və müəllimlər Türkiyə universitetlərində təhsil ala və ya akademik fəaliyyətlə məşğul ola bilərlər. Tələbələr ən azı 1 smestr, ən çoxu isə 2 smestr təhsil almaq hüququna malikdirlər. Proqram çərçivəsində müəllimlər isə ali təhsil müəssisələrində minimum 1 həftə, maksimum isə isə 3 ay dərs vermək şansını əldə edə bilərlər. Proqram haqqında daha ətraflı məlumat əldə etmək və proqramda kimlərin iştirak edə biləcəyini öyrənmək istəyirsinizsə Mevlana Mübadilə Proqramı Nədir? adlı məqaləmizi oxuya bilərsiniz. Bu gün isə sizlərə Mevlana Mübadilə Proqramı ilə Türkiyədə təhsil haqqında maraq edilənlər barəsində ətraflı məlumat vermək istəyirəm. Elə isə gəlin çox vaxt itrmədən başlayaq!

Xaricdə təhsil suallaranızı bizə yaza bilərsiz.

Mevlana Mübadilə Proqramı Tələbənin Hansı Xərclərini Qarşılayır?

Proqram çərçivəsində iştirak edən namizədlərin yalnız universitetdəki təhsil haqqı qarşılanır və tələbəyə 1 smestr ərzində 1200 tl təqaüd verilir. Yataqxana və ya ev xərclərini, aylıq yaşam və qida xərclərini tələbə özü qarşılamalıdır. Yataqxananın təşkil olunmasında və ya vergi məsələlərində Mevlana Mübadilə Proqramı çərçivəsində işləyən mentorlar və koordinatorlar sizin atacağınız hər bir addımda köməklik edəcəkdir. Sığorta və Türkiyədə yaşamaq üçün ikamet izni (30 gündən çox yaşayacağınız təqdirdə) almaqda sizə əllərindən gələn köməyi etməkdə yardımçı olacaqlar. Tələbə şəhərcikləri geniş olduğundan dolayıda iş imkanlarıda mövcuddur. Siz burada yaşadığınız müddət ərzində xərclərinizi qarşılamaqdan ötrü işləyədə bilərsiniz.

Reklam

turkiyede tehsil

Mevlana Mübadilə Proqramına qəbul isə fevral və may aylarında elan edilir. Tələb olunan sənədləri universitetinizin Beynəlxalq Əlaqələr Departamentinə vaxtında təqdim etməlisiniz. Cavablar isə may aylarında; əsasən yay aylarına qədər elan olunur və hansı namizədlərin bursla və yaxud bursuz qəbul olduğu barədə məlumatlar verilir. Nəticələr elan edildikdən sonra isə qəbul olduğunuz universitetə “Learning” protokol adlanan sənədi göndərməlisiniz. Həmin sənəddə universitetdə hansı dərsləri keçmək istədiyinizi bildirməli və akademik fənlərinizi uğunlaşdırmalısınız ki, daha sonra akademik borcunuz yaranmasın və 5-ci kursa qalmayasanız. Protokolu göndərdikdən sonra burada təhsil aldığınız universitet rektorunuza ərizə yazmalısınız ki, sizə 1 və ya 2 smestr Türkiyədə təhsil almağınız üçün icazə versin.

Ali təhsil müəssisənizin əməkdaşlıq etdiyi universitetlərdən yalnız 3 universiteti seçə bilərsiniz. Universitetlərə qəbul isə transkript və dil sertifikiatınıza əsasən müsabiqə ilə keçirilir və ortalama balı (ÜOMG) yüksək olan tələbələr qəbul edilir. Sizin ortalama balınız 90 baldan yüksək olmalıdır ki, qəbul olma şansınız daha yüksək olsun. Qəbul olduğunuz ali təhsil müəssisəsində dərslər hansı dildə təşkil olunursa həmin dil biliyinizi təsdiq edən sertifikat mütləq olmalıdır. Əgər siz yerli universitetdə ingilis dilində təhsil alırdınızsa universitetdən buna dair arayış almağınız kifayətdir.

Reklam

turkiyede tehsil

Yekun olaraq isə sizlərə xaricdə təhsil almaq yolunuzda uğurlar arzu edirəm və Türkiyədə təhsil ilə bağlı ən çox ünvanlanan sualları cavablandırmaq istəyirəm:

Mevlana Mübadilə Proqramında kimlər iştirak edə bilər?

Proqram çərçivəsində universitetlərin I, II və III kurs tələbələri iştirak edə bilər.

Türkiyə universitetlərində ingilis dilində təhsil almaq üçün hansı sertifikatlarım olmalıdır?

Qəbul olmaq istədiyiniz universitetdən asılı olaraq İELTS və ya TOEFL serifikatınız olmalıdır. Bunu dəqiqləşdirmək üçün universitetlərin saytlarından ətraflı məlumat əldə edə bilərsiniz.

Mevlana Proqramında iştirak etməyim üçün ingilis dil biliyim hansı səviyyədə olmalıdır?

Əgər qəbul olduğunuz proqram ingilis dilində tədris olunursa bunun üçün dil biliyiniz minumum B2 səviyyəsində olmalıdır.

Türkiyəyə gediş haqqı nə qədərdir?

Avtobusla gediş haqqı qiyməti 60 və ya 70 dollar arasında olmalıdır.

Türkiyədə Təqaüdlə təhsil haqqında ətraflı məlumat əldə etmək istəyirsinizsə Türkiyədə Tam Təqaüdlə Təhsil məqaləmizi oxuya bilərsiniz.

Xaricdə təhsil suallaranızı bizə yaza bilərsiz.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button